Isaias 34:7 - Marahay na Bareta Biblia

⁷ Magagadan an mga tawo kaiba kan mga lalaw na baka saka mga torilyo, asin an daga mapapano nin dugo saka taba.

Isaias 34:7 ပူးပေါင်းရင်းမြစ်များ

Salmo 22:21

Agawa ako sa ngoso kaining mga leon; an napupurisaw kong kalag sa sungay kaining mga toro.

Salmo 68:30

Tuyawa an Egipto, an maringis na hayop na nag-eerok sa kabariwan; tuyawa an mga nasyon, an mga torong baka asin an saindang mga ogbon, sagkod na sinda magluhod asin magdolot saimo kan saindang mga plata. Iwarak mo an mga tawong namomoot sa pakigera.

Salmo 92:10

Pinakosog mo ako siring kan lalaw na toro; benendisyonan mo ako nin kaogmahan.

Isaias 63:6

Sa labi-labi kong kaanggotan, tinimaktimakan ko an mga nasyon asin rinonot sinda. Inula ko an saindang dugo sa daga.”

Jeremias 25:34

Maghaya kamo mga lider asin magtangis kamo nin makosog, kamong mga pastor kan sakong banwaan! Magmondo kamo saka magligid sa abo. Nag-abot na an aldaw nin paggadan saka pagwarak, asin bubunoon kamo arog sa mga lalaking karnero.

Jeremias 46:21

Maski an saiyang tinandanan na mga soldados garo mga ogbon na baka na dai pa tataong lumaban. Dai sinda nagtindog saka nakilaban; sinda gabos nag-aratras saka nagdurulag. Nag-abot na an aldaw nin saindang kapahamakan; an panahon na sinda papadusahan.

Jeremias 50:11

Nagsasabi an Kagurangnan, “Mga taga Babilonia, kamo an nanamsam sa sakong nasyon. Maogma kamo saka magayagaya, garo mga bakang nakaluwas sa toril, asin naghahalinghing na garo mga lalaking kabayo,

Jeremias 50:27

Gadanon nindo an saiyang mga soldados! Uboson nindo sinda. Herak man sa mga taga Babilonia huli ta nag-abot na an aldaw, an panahon nin pagpadusa sa sainda.” (

Ezekiel 32:6

Iuula ko an dugo mo sagkod na maglakop iyan sa mga bukid asin mapano kaiyan an mga sapa.

Ezekiel 39:17

Nagtaram sako an Kagurangnan Dios, “Aki nin tawo, apodon mo an gabos na klase nin gamgam saka hayop tanganing magdigdi hale sa gabos na direksyon, tanganing kakanon an sakripisyo na inaandam ko para sainda. Saro iyan na dakulang bangkete sa kabukidan nin Israel, saen makakan sinda nin laman asin mainom nin dugo.

Ezekiel 39:18

Kakakanon ninda an bangkay kan mga soldados saka iinomon ninda an dugo kan mga pamayo sa kinaban, na gabos magagadan siring sa mga lalaking karnero, mga kordero, kanding, asin pinatabang mga baka.

Mga Bilang 23:22

An Dios an nagkua sainda sa Egipto; Nakikilaban siya para sainda siring sa sarong lalaw na toro.

Mga Bilang 24:8

Kinua sinda nin Dios sa Egipto; Nakilaban siya para sainda siring sa lalaw na toro. Uuboson niya an saindang mga kaiwal, Roronoton an saindang mga tolang, tutuhogon kan saiyang mga pana.

Deuteronomio 33:17

Igwa kan kosog nin sarong toro si Jose, kan mga sungay nin lalaw na toro. An mga sungay niya iyo an rinibo ni Manases, asin an sampolong rinibo ni Efraim. Ini an isinusuag niya sa mga banwaan, sagkod na makaabot sinda sa mga poro kan kinaban.”