Isaias 34:6 - Marahay na Bareta Biblia

⁶ An saiyang espada mapapano kan saindang dugo saka taba, arog kan dugo saka taba nin mga kordero asin mga kanding na idinodolot. Idodolot nin Kagurangnan an sakripisyong ini sa syudad nin Bozra; gigibohon niya ining sarong dakulang panggagadan sa daga nin Edom.

Isaias 34:6 ပူးပေါင်းရင်းမြစ်များ

2 Samuel 1:22

Nakakagadan an pana ni Jonatan, mayong herak an espada ni Saul, na minatumba kan makosog, na minagadan kan kaiwal.

Salmo 137:7

Giromdoma, Kagurangnan, an ginibo kan mga Edomita kan aldaw na mabihag an Jerusalem, kan sinda magtaram, “Rumpagon, rumpagon, sagkod sa mga pundasyon!”

Isaias 29:2

dangan an Dios madara nin kasakitan sa syudad na inaapod “altar nin Dios.” Magkakaigwa nin paghibi saka paghaya, asin an bilog na syudad magigin sarong altar na natatahoban nin dugo.

Isaias 34:5

Inandam na nin Kagurangnan an saiyang espada sa langit, asin ngunyan nag-iibaba iyan sa Edom, sa mga tawong saiyang sinentensyahan nin kagadanan.

Isaias 63:1

“Siisay ining nagdadangadang hale sa syudad nin Bozra sa Edom? Siisay ining nakasulot nin magayon na gubing na pula na nagmamartsa na may kapangyarihan saka kakosogan?” Siya an Kagurangnan, an mapangyari sa pagligtas, na nagdadangadang sa pagpahayag kan saiyang kapangganahan.

Isaias 63:3

Nagsisimbag an Kagurangnan, “Siring sa mga ubas, tinimaktimakan ko an mga nasyon, asin mayo nin nagtabang sako. Tinimaktimakan ko an mga nasyon sa sakong kaanggotan, asin namantsahan kan saindang dugo an sakong gubing.

Isaias 65:12

Magigin palad nindo an magadan sa madahas na paagi, huli ta dai kamo nagsimbag kan apodon ko kamo, ni nagdangog kan ako magtaram. Pinili nindong isikwal ako asin naggibo kamo nin maraot.

Jeremias 12:12

Hale sa gabos na kalangkawan nin desyerto nag-abot an mga lalaking mananamsam. Nagpadara ako nin gera tanganing raoton an bilog na daga; mayong makakapamuhay na matoninong.

Jeremias 25:34

Maghaya kamo mga lider asin magtangis kamo nin makosog, kamong mga pastor kan sakong banwaan! Magmondo kamo saka magligid sa abo. Nag-abot na an aldaw nin paggadan saka pagwarak, asin bubunoon kamo arog sa mga lalaking karnero.

Jeremias 46:10

An aldaw na iyan iyo an aldaw kan Kagurangnan Dios nin mga hukbo: an aldaw nin pagbalos niya sa saiyang mga kaiwal. An espada niya makakan sagkod na mabasog, saka iinomon kaini an saindang dugo. Huli ta idinodolot nin Kagurangnan Dios nin mga hukbo an saiyang mga ginadan sa amihan, sa may Salog nin Eufrates.

Jeremias 49:13

Isinumpa ko na sa sakong sadiri na an syudad nin Bozra magigin sarong tanawon na nakakatakot asin sarong desyerto; pagsusubahan ini kan mga tawo saka gagamiton an ngaran kaini bilang sarong maldisyon. An gabos na baryo na nasa harani kaini magigin raot sagkod lamang. Ako, an Kagurangnan, an nagtaram.”

Jeremias 49:7

Iyo ini an itinaram kan Kagurangnan nin mga hukbo manongod sa Edom: “Mayo na daw nin sarong may marahay na kaisipan sa Edom? Dai na daw naghuhulit an mga parahatol duman? Napara na daw an saindang kadonongan?

Jeremias 50:27

Gadanon nindo an saiyang mga soldados! Uboson nindo sinda. Herak man sa mga taga Babilonia huli ta nag-abot na an aldaw, an panahon nin pagpadusa sa sainda.” (

Jeremias 51:40

Dadarahon ko sinda pasiring sa bunoan arog sa mga kordero, sa kanding, asin sa mga lalaking karnero. Ako, an Kagurangnan, an nagtaram.”

Ezekiel 21:10

Pinatarom tanganing ipanggadan, pinakintab tanganing magsilyab siring sa kikilat. Dai pwedeng magkaigwa nin kaogmahan, huli ta an sakong banwaan dai nagpahalaga sa lambang patanid asin padusa.

Ezekiel 35:15

siring na nag-ogma ka kan marumpag an Israel, an nasyon na sadiri ko. An bukid nin Edom, an bilog na daga nin Edom, magigin mamondo. Dangan maaaraman kan gabos na ako an Kagurangnan.”

Ezekiel 35:8

An kabukidan papanoon ko nin mga bangkay, asin an mga bangkay kan nagkagaradan sa gera an makakapano kan mga bulod saka mga kapantayan.

Amos 1:11

Nagtataram an Kagurangnan, “Paulit-ulit na nagkasala an mga taga Edom, asin huli kaiyan, papadusahan ko sinda. Linamag ninda an saindang mga tugang, an mga Israelita, asin dai ninda naherakan. Daing kasagkoran an saindang kaanggotan, asin pinadanay ninda iyan.

Sofonias 1:7

Harani na an aldaw nin paghukom na gigibohon nin Kagurangnan, kaya mag-alo kamo sa atubangan niya. Nag-aandam an Kagurangnan na idolot bilang sakripisyo an saiyang banwaan, asin inalok niya an mga kaiwal tanganing samsaman an Juda.

Deuteronomio 32:14

Dakul na gatas itinao kan saindang mga baka asin kanding; napasainda an mga pinakamatabang karnero, baka saka kanding, an pinakamarahay na trigo, sagkod an pinakapiling arak.

Deuteronomio 32:41

na tataison ko an sakong nagkikinang na espada tanganing gamiton para sa katanosan. Babaloson ko an sakong mga kaiwal, asin papadusahan idtong mga naoongis sako.