Isaias 34:3 - Marahay na Bareta Biblia

³ An saindang mga bangkay dai ilulubong, kundi maglalapa saka magbabata; an mga bukid mapula kan saindang dugo.

Isaias 34:3 ပူးပေါင်းရင်းမြစ်များ

Isaias 10:4

Magagadan kamo sa gera o guguyodon pasiring sa harayong lugar bilang mga bilanggo. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 34:7

Magagadan an mga tawo kaiba kan mga lalaw na baka saka mga torilyo, asin an daga mapapano nin dugo saka taba.

Isaias 66:24

“Mantang naghahale sinda, mahihiling ninda an mga bangkay kan mga tawong nagrebelde tumang sako. An mga ulod na nagkakakan sainda dai magagadan, asin an kalayong nagsusulo sainda dai nanggad mapapalsok. An tanawon na iyan ikakauyam kan bilog na katawohan.

Jeremias 22:19

Arog kan paglubong sa asno an gigibohon na paglubong saiya; guguyodon siya sa harayo saka itatapok sa luwas kan mga trangkahan nin Jerusalem.”

Jeremias 25:33

Sa aldaw na iyan, magkakawararak magpoon sa sarong poro kan daga sagkod sa ibong na poro an mga bangkay kan mga tawong ginadan nin Kagurangnan. Dai sinda tatangisan, titiponon saka ilulubong; magigin sinda garo tambak nin odo sa ibabaw kan daga.

Ezekiel 14:19

“Kun magpadara ako nin peste sa dagang idto, asin sa sakong kaanggotan gadanon ko an mga tawo saka mga hayop,

Ezekiel 32:4

Itatapok taka sa daga dangan dadarahon ko an gabos na gamgam saka mga hayop sa kinaban tanganing kakanon ka.

Ezekiel 35:6

Kaya mantang ako, an Kagurangnan Dios na buhay, nagtataram ako saimo na kagadanan an saimong kataposan asin dai mo iyan madudulagan. Maninigo kang padusahan huli sa paggadan, kaya kagadanan man an malamag saimo.

Ezekiel 38:22

Papadusahan ko siya sa paagi nin peste asin garadanan. Mahugpa sa saiya, sa saiyang hukbo asin sa mga nasyon na nag-apil saiya an uran asin an yelo, kaiba an kalayo saka asupre.

Ezekiel 39:11

Nagtaram an Kagurangnan, “Kun mangyari na an gabos na ini, tatawan ko si Gog nin lulubngan sa Israel, sa Kapantayan nin mga Parabyahe, na nasa sirangan kan Gadan na Dagat. Duman ilulubong si Gog asin an saiyang hukbo, dangan an kapantayan aapodon ‘Kapantayan nin Hamon-gog.’

Ezekiel 39:4

Si Gog, an saiyang hukbo, asin an mga kaapil niya matutumbang gadan sa kabukidan nin Israel. An saindang mga bangkay pababayaan kong magin kakanon nin mga gamgam saka mga lalaw na hayop.

Joel 2:20

Hahaleon ko an hukbo nin mga doron na nag-abot hale sa amihan dangan aalawon ko an iba sa sainda pasiring sa desyerto. An mga nangengenot sainda mapapaduman sa Gadan na Dagat, an mga nasa hurihan mapapaduman sa Mediteraneo. Duman sinda magagadan saka mabata. Gagadanon ko sinda huli kan gabos nindang ginibo sa saindo.

Amos 4:10

“Nagpadara ako nin peste sa saindo arog kan peste na ipinadara ko sa Egipto. Ginadan ko sa gera an hoben nindong mga lalaki asin sinamsam an saindong mga kabayo. Pinano ko an saindong mga dungo kan parong nin mga gadan sa saindong mga kampo, alagad dai man giraray kamo nagbalik sa sako.

Nahum 3:3

Nagsasalakay an mga parakabayo, nagsisilyab an mga espada, nagkikinang an mga garod! Tinatambak an mga bangkay, dai mabilang na mga gadan— nasisingkogan sinda nin mga tawo!

Kapahayagan 14:20

Pinaga an mga ubas sa gilingan duman sa luwas kan syudad; dugo an buminulos, hale sa gilingan, garo baha na maabot sa duwang metros an rarom, asin tres syentos kilometros an inabotan kan bulos.