Isaias 34:2 - Marahay na Bareta Biblia

² Anggot an Kagurangnan sa gabos na nasyon asin sa gabos nindang hukbo. Sinentensyahan na niya sinda nin kagadanan.

Isaias 34:2 ပူးပေါင်းရင်းမြစ်များ

Salmo 2:5

Dangan sa kaanggotan, sinda saiyang pinatanidan, asin pinatakot sinda sa saiyang labi-labing kaanggotan.

Exodo 8:14

Tinambak kan mga Egipcio an mga gadan na talapang, na nakapabata sa Egipto.

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 13:5

Harale pa sinda sa harayong mga daga, sa poro kan kinaban. Maabot an Kagurangnan sa pagraot kan bilog na daga sa saiyang kaanggotan.

Isaias 13:6

Pagkurahaw sa kulog, huli ta harani na an aldaw nin Kagurangnan, an aldaw na raraoton nin Kagurangnan an Babilon!

Isaias 26:20

Lumaog kamo sa saindong mga harong, sakong banwaan, asin serahan nindo an mga pintoan. Magtrabaho kamo sa kadikit na panahon sagkod na matapos an kaanggotan nin Dios.

Isaias 30:25

Sa aldaw na masakop an mga bantayan kan saindong mga kaiwal saka magkagaradan an saindang mga tawohan, mabulos an burabod nin tubig hale sa lambang bukid saka bulod.

Isaias 61:2

Sinugo niya ako tanganing ipagrukyaw na duminatong na an panahon kan pagligtas nin Kagurangnan sa saiyang banwaan, asin kan pagkadaog kan saindang mga kaiwal. Sinugo niya ako tanganing rangahon an mga nagmomondo,

Isaias 63:6

Sa labi-labi kong kaanggotan, tinimaktimakan ko an mga nasyon asin rinonot sinda. Inula ko an saindang dugo sa daga.”

Isaias 65:12

Magigin palad nindo an magadan sa madahas na paagi, huli ta dai kamo nagsimbag kan apodon ko kamo, ni nagdangog kan ako magtaram. Pinili nindong isikwal ako asin naggibo kamo nin maraot.

Isaias 66:14

Kun mahiling na nindo na nangyayari ini, maoogma kamo; ini an magpapakosog asin magpapataba saindo. Dangan maaaraman nindo na ako, an Kagurangnan, an nagtatabang sa mga nagkukuyog sako, asin ipinapahiling ko an sakong kaanggotan tumang sa sakong mga kaiwal.”

Isaias 66:16

Sa paagi kan espada asin kalayo papadusahan niya an gabos na tawo sa daga, mga tawong nagkasala—asin dakul sainda an magagadan.

Jeremias 25:31

asin an tingog niya mag-aaniningal sa mga poro kan kinaban. An Kagurangnan igwa nin sumbong laban sa mga nasyon. Malaog siya sa paghukom sa gabos na tawo asin gagadanon niya an mga tampalasan. An Kagurangnan an nagtaram.’”

Jeremias 25:32

An Kagurangnan nin mga hukbo nagsasabi na maabot an karatan sa lambang nasyon, asin sarong makosog na bagyo an nag-iitaas hale sa harayong mga poro kan kinaban.

Jeremias 25:33

Sa aldaw na iyan, magkakawararak magpoon sa sarong poro kan daga sagkod sa ibong na poro an mga bangkay kan mga tawong ginadan nin Kagurangnan. Dai sinda tatangisan, titiponon saka ilulubong; magigin sinda garo tambak nin odo sa ibabaw kan daga.

Ezekiel 36:5

“Ako, an Kagurangnan Dios, nagtataram sa maimon kong kaanggotan laban sa mga nasyon sa palibot, asin sa bilog na Edom. Pano nin kaogmahan saka pagtuyatuya na sinakop ninda an sakong daga dangan sinamsaman.

Sofonias 3:8

Nagtataram an Kagurangnan, “Halaton nindo ako.” Halaton nindo an aldaw nin pagtindog ko tanganing iakusar an mga nasyon. Huli ta nagdesisyon na akong tiponon an mga nasyon asin mga kahadean tanganing ipamate sainda an init kan sakuyang kaanggotan. An bilog na daga tutunawon kan kalayo nin labi-labi kong kaanggotan.

Zacarias 14:3

Dangan maluwas an Kagurangnan asin makikilaban sa mga nasyon, arog kan pakilaban niya kaidtong panahon.

Roma 1:18

Hale sa langit nahahayag an kaanggotan nin Dios sa mga tawong naggigibo nin karatan asin katampalasan, huli ta an katotoohan tinatahoban kan maraot nindang mga gibo.

Josue 11:20

Ginibo nin Kagurangnan na maigot sindang makipaglaban sa mga Israelita tanganing ronoton sinda asin gadanon na mayo nin pagkaherak. Iyo ini an ipinagboot nin Kagurangnan ki Moises.

Kapahayagan 20:15

An siisay man na an ngaran dai nasusurat sa libro nin buhay itinapok sa danaw nin kalayo.

Kapahayagan 20:9

Naglakop sinda sa kadagaan dangan pinalibotan ninda an kampo kan mga banal, asin an syudad na namomotan nin Dios. Alagad may kalayong nagdatong hale sa langit na tuminunaw sainda.