Isaias 34:1 - Marahay na Bareta Biblia

¹ Madya, mga namamanwaan sa gabos na nasyon! Magtiripon kamo asin magdangog. Magdangog an bilog na kinaban asin an gabos na nag-eerok diyan.

Isaias 34:1 ပူးပေါင်းရင်းမြစ်များ

Genesis 6:13

Nagtaram an Dios ki Noe, “Nagdesider na akong paraon an katawohan huli ta an daga pano na nin kadahasan huli sainda.

Salmo 24:1

Sadiri nin Kagurangnan an kinaban asin an kapanoan kaiyan, an daga saka an gabos na nag-eerok diyan;

Salmo 50:1

An Makakamhan na Dios, an Kagurangnan, nagtataram; inaapod niya an bilog na daga magpoon sa sirangan sagkod sa solnopan.

Salmo 96:10

Sabihan nindo an gabos na nasyon, “Hade an Kagurangnan! An kinaban, masarig na pinamugtak asin dai nanggad mahihiro; matanos niyang huhukoman an mga banwaan.”

Isaias 1:2

Pagdangog, O kalangitan, asin paghinanyog, O daga; huli ta nagtaram an Kagurangnan, “Nagpadakula ako nin mga aking lalaki, alagad nagrebelde sinda tumang sako.

Isaias 18:3

Hanapa nindo, kamong mga nag-eerok sa kinaban, an tanda na iiitaas sa mga alitoktok kan kabukidan! Dangoga nindo an pagtanog kan trompeta!

Isaias 33:13

Pagdangog kamo na mga nasa harani asin nasa harayong lugar, kun ano an sakong ginibo, asin akoon nindo na mapangyari ako.”

Isaias 41:1

Nagsabi an Dios, “Pag-alo kamo asin pagdangog sako, kamo na mga harayong daga! Mag-andam kamo sa pagdara kan saindong kaso sa hukoman; tatawan kamo nin panahon na magtaram. Magtiripon kita tanganing maaraman ta kun siisay an tama.

Isaias 43:9

Apoda an mga nasyon nganing mag-atubang sa hukoman. Arin sa saindang mga dios-dios an nakakaaram kan maabot na panahon? Arin sainda an naghula kan nangyayari ngunyan? Padarahan sa mga dios-dios na ini an saindang mga saksi tanganing magpatotoo na tama sinda, tanganing magsabi na totoo an saindang mga tataramon.

Isaias 48:16

“Ngunyan dumolok kamo sako asin dangoga an sakong sinasabi. Poon sa kapinonan dai ako nagtaram sa hilom, asin pinapangyari ko an sakong mga tataramon.” (Asin ngunyan itinao sako nin Kagurangnan Dios an saiyang kapangyarihan dangan sinugo niya ako.)

Isaias 49:1

Pagdangog kamo sako, harayong mga nasyon, kamong mga tawong nag-eerok sa harayong lugar! Bago ako namundag, pinili na ako nin Kagurangnan asin itinalaan nang magin saiyang sorogoon.

Isaias 63:1

“Siisay ining nagdadangadang hale sa syudad nin Bozra sa Edom? Siisay ining nakasulot nin magayon na gubing na pula na nagmamartsa na may kapangyarihan saka kakosogan?” Siya an Kagurangnan, an mapangyari sa pagligtas, na nagdadangadang sa pagpahayag kan saiyang kapangganahan.

Jeremias 22:29

O daga, daga, daga! Hinanyoga kun ano an itinaram nin Kagurangnan:

Jeremias 49:7

Iyo ini an itinaram kan Kagurangnan nin mga hukbo manongod sa Edom: “Mayo na daw nin sarong may marahay na kaisipan sa Edom? Dai na daw naghuhulit an mga parahatol duman? Napara na daw an saindang kadonongan?

Ezekiel 38:17

Ika an sinasabi ko kaidto, kan ipahayag ko sa paagi kan mga propeta nin Israel na sakuyang mga sorogoon, na sa maabot na aldaw dadarahon ko an sarong masalakay sa Israel.” An Kagurangnan Dios an nagtaram.

Obadias 1:1

Iyo ini an propesiya ni Obadias—an itinaram nin Kagurangnan Dios manongod sa nasyon nin Edom. Ipinadara nin Kagurangnan an saiyang sugo sa mga nasyon, asin nadangog mi an saiyang mensahe: “Pag-andam! Makigera kita sa Edom!”

1 Corinto 10:26

Huli ta nasasabi sa kasuratan, “An kinaban asin an gabos na yaon diyan sadiri nin Kagurangnan.”

Deuteronomio 32:1

“Dangoga, O langit, an sakong tataramon. Hinanyoga, O daga, an sakong sasabihon.

Deuteronomio 4:26

Saksi ko an langit asin an daga laban saindo ngunyan na aldaw, na kun suhayon nindo ako, mapapara kamo sa daga. Dai maghahalawig an saindong buhay sa ibong kan Jordan, sa daga na saindong sasakopon. Magagadan kamo gabos.

Kapahayagan 2:7

“An may talinga, magdangog sa sinasabi kan Espiritu sa mga simbahan! “Sa mga manggagana, itatao ko an deretsong magkakan kan bunga kan kahoy nin buhay na nasa Paraiso nin Dios.

Hukom 5:3

Pagdangog kamo, mga hade! Paghinanyog kamo, mga namamayo! Makanta ako, asin magibo nin musika para sa Kagurangnan, an Dios nin Israel.

Hukom 5:31

Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.