Isaias 33:6 - Marahay na Bareta Biblia

⁶ asin papakosogon niya an nasyon. Danay niyang sinusurog an saiyang banwaan asin tinatawan niya sinda nin kadonongan saka pakasabot. An pagkatakot sa Kagurangnan iyo an pinakamahalaga nindang kayamanan.

Isaias 33:6 ပူးပေါင်းရင်းမြစ်များ

2 Mga Hade 18:7

Kaya inibahan siya nin Kagurangnan asin nag-uswag siya sa gabos niyang gibo. Nagrebelde si Ezekias laban sa hade nin Asiria asin habo na siyang maglingkod saiya.

An Libro ni Job 4:6

Bakong an pagkatakot mo sa Dios iyo an saimong paniwala, asin an saimong pagkamatanos iyo an saimong paglaom?

Salmo 140:7

Kagurangnan, sakong Kagurangnan, makosog na paraligtas! Sinurog mo ako sa aldaw nin pakilaban.

Salmo 28:8

An Kagurangnan kosog nin saiyang banwaan, ligtas na pailihan kan saiyang linahidan.

Salmo 45:4

Sa saimong kamurawayan lumuwas kang mapanggana sa pagsurog sa katotoohan asin sa katanosan! Mga dakulang panggana makakamtan mo huli kan saimong kosog!

Mga Talinhaga 14:24

An korona kan madonong iyo an saindang kadonongan, alagad an kulintas kan lolong iyo an saindang kalolongan.

Mga Talinhaga 14:26

An pagkatakot sa Kagurangnan minatao nin pagsarig asin katiwasayan sa sarong tawo saka sa saiyang pamilya.

Mga Talinhaga 14:27

An pagkatakot sa Kagurangnan sarong burabod nin buhay para sa tawong boot makalikay sa mga siod nin kagadanan.

Mga Talinhaga 15:16

Mas marahay pa an magin dukha na may pagkatakot sa Kagurangnan ki sa magin mayaman na pano nin kahandalan.

Mga Talinhaga 19:23

Matakot ka sa Kagurangnan asin mabubuhay ka sa halawig na panahon, na pano nin kapahingaloan saka ligtas sa kapahamakan.

Mga Talinhaga 2:5

dangan masasabotan mo kun ano an pagkatakot sa Kagurangnan, asin maaaraman mo an kahulogan kan pakamidbid sa Dios.

Mga Talinhaga 28:2

Kun nagkakasala an sarong nasyon, nagkakaigwa ini nin dakul na kagsakop. Alagad magdadanay na pusog an sarong nasyon kun igwa iyan nin mga madonong asin may pakasabot na mga lider.

Mga Talinhaga 29:4

Kun may pagmakulog an hade sa hustisya, nagigin pusog an nasyon; alagad kun kwarta sana an saiyang pinagmamakulogan, raraoton niya an saiyang banwaan.

Parahulit 7:12

Magtatao iyan saimo nin katiwasayan, siring sa itinatao nin kwarta. Iingatan ka kan kadonongan—iyo ini an karahayan kan pakaaram.

Parahulit 7:19

An kadonongan nagtatao nin kosog sa sarong tawo orog pa ki sa magigibo nin sampolong pamayo para sa sarong syudad.

Isaias 11:9

Mayo nin anoman na maraot na mangyayari sa sainda sa Sion, sa banal na bulod nin Dios, huli ta an kinaban magigin pano kan pakaaram nin Kagurangnan, siring na an kadagatan pano nin katubigan.

Isaias 26:1

Maabot an panahon na mag-aawit an mga tawo kan awit na ini sa daga nin Juda: Makosog an samong syudad! An Dios mismo an nagbabantay kan mga kudal kaini!

Isaias 32:17

asin an magigin bunga kan katanosan iyo an katoninongan, katiwasayan asin an paglaom sagkod lamang.

Isaias 32:18

An banwaan nin Dios mag-eerok sa katoninongan asin katiwasayan sa saindang mga harong saka sa toninong na mga erokan. (

Isaias 33:20

Hilinga nindo an Sion, an syudad na pinagseselebraran kan satong mga itinalaan na pyesta. Hilinga an Jerusalem! Iyan magigin sarong ligtas na lugar na erokan! Makakaagid iyan sa sarong tolda na dai nanggad liniwat, na an mga taldok dai nanggad mabubulnot asin an mga pisi dai nanggad mapuputol.

Isaias 45:17

Alagad ilinigtas nin Kagurangnan an Israel, asin magdadanay sagkod lamang an saiyang kapangganahan; dai nanggad siya mapapasopog asin mawawaraan nin onra sagkod pa man.’”

Isaias 51:14

Madali nang talingkasan an mga bilanggo; mabubuhay sinda sa halawig na panahon asin dai magkukulang an saindang pagkakan.

Isaias 51:6

Tingkalagan an saindong mga mata sa kalangitan, asin hilinga nindo an daga! An kalangitan mawawara siring sa aso; an daga magigin siring sa daan na gubing; an gabos na tawo diyan magagadan siring sa mga langaw. Alagad an sakong kaligtasan magdadanay sagkod lamang; an sakong pagligtas mayo nanggad nin kataposan.

Jeremias 31:34

Dai na ninda kaipuhan na tukdoan an lambang saro tanganing mamidbidan an Kagurangnan, huli ta gabos sinda, magpoon sa kasaradayan sagkod sa haralangkaw na tawo, makakamidbid sako. Papatawadon ko an saindang mga kasalan asin dai ko na gigiromdomon an mga gibo nindang maraot. Ako, an Kagurangnan, an nagtaram.”

Habakkuk 2:14

Alagad mapapano an daga kan pakaaram kan kamurawayan nin Kagurangnan siring na pano nin tubig an mga dagat.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

2 Corinto 6:10

mga mamondo, alagad danay na maogma; mga dukha, alagad dakul an pinapayaman; mga mayo nin anoman, alagad igwa nin gabos na bagay.

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.

1 Timoteo 6:6

Kun iisipon, pinapayaman kan relihiyon an tawo, kun siya kontento kan anoman na yaon saiya.