Isaias 33:18 - Marahay na Bareta Biblia

¹⁸ An dati nindong natatakotan na mga dayuhan na parasingil nin buhis saka mga espiya magigin saro na sanang giromdom.

Isaias 33:18 ပူးပေါင်းရင်းမြစ်များ

Genesis 23:16

Nag-oyon si Abraham kaya tinimbang niya an halagang sinambit ni Efron sa atubang kan mga tawo—kwatro syentos na pedasong plata, sosog sa kinaugalean na timbang na ginagamit kan mga negosyante.

2 Mga Hade 15:19

An Israel sinalakay ni Tiglat-pileser na emperador nin Asiria. Tinawan ni Menahem si Tiglat-pileser nin treynta y otso toneladang plata, tanganing makua sana an tabang niya sa pagpakosog kan saiyang kapangyarihan sa Israel.

2 Mga Hade 18:14

Nagpadara si Ezekias nin mensahe ki Senakerib, na yaon sa Lakis: “Nagkasala ako; ontokon mo an pagsalakay, asin itatao ko an anoman na hagadon mo.” Kaya hinagadan siya kan emperador nin Asiria nin dyes mil na kilo nin plata asin sangribong kilong bulawan.

2 Mga Hade 18:31

Dai kamo magdangog ki Ezekias. Nagboboot saindo an emperador nin Asiria na magluwas kamo sa syudad asin sumuko saiya. Dangan tutugotan niya kamong magkakan nin mga ubas hale sa sadiri nindong mga ubasan, asin nin mga higera hale sa sadiri nindong mga kahoy, patin mag-inom nin tubig hale sa sadiri nindong bubon

Salmo 31:22

Nagsaboot ako sa kahandalan, “Napapaharayo ako sa saiyang atubang.” Alagad dinangog niya an sakong inagrangay, kan ako maghagad saiya nin tabang.

Salmo 71:20

Pinadarahan mo ako nin mga makuring kasakitan, alagad ako papakosogon mo giraray, babangonon hale sa lulubngan.

Isaias 17:14

Sinda an dahelan nin takot pagkabanggi, alagad pagkaaga, mayo na sinda. Iyan an nangyayari sa kiisay man na masamsam kan satong daga.

Isaias 54:14

Papakosogon ka kan hustisya asin katanosan. Magigin ligtas ka sa nang-aapi asin sa takot.

1 Corinto 1:20

Kun siring, ano na an kamugtakan kan mga madonong? o kan mga haralangkaw an inadalan? o kan mga matitibay na paradebate sa panahon na ini? An kadonongan kan kinaban na ini, ginibo nin Dios na kalolongan!

2 Timoteo 3:11

an mga pagpasakit sako saka an sakong mga tinios. Aram mo an gabos na nangyari sako sa Antiokia, sa Iconio, saka sa Listra, patin an mangirhat na mga kasakitan na tinios ko. Alagad kinalda ako nin Kagurangnan sa gabos na ini.

1 Samuel 30:6

Dakula an kahaditan ni David huli ta pinag-iisipan siyang gapoon kan saiyang mga tawohan huli kan pagkabihag kan saindang mga aki. Alagad pinakosog ni David an saiyang sadiri sa Kagurangnan na saiyang Dios.