Isaias 33:16 - Marahay na Bareta Biblia

¹⁶ Dangan magigin ligtas kamo; magigin ligtas kamo na garo nasa laog nin sarong makosog na bantayan. Magkakaigwa kamo nin tinapay na kakakanon asin tubig na iinomon.

Isaias 33:16 ပူးပေါင်းရင်းမြစ်များ

1 Mga Hade 19:6

Nangalag-kalag si Elias, asin sa saiyang pamayohan nahiling niya an sarong tinapay saka sarong dulay na tubig. Nagkakan siya saka nag-inom dangan naghigda giraray.

Salmo 107:41

Alagad ilinigtas niya an mga dukha sa saindang kasakitan, asin pinadakul niya an saindang pamilya siring sa aripunpon nin mga karnero.

Salmo 111:5

An mga natatakot saiya tinatawan niya nin pagkakan; dai niya nalilingawan an saiyang tipan.

Salmo 15:1

Kagurangnan, siisay an pwedeng maglaog sa saimong Templo? Siisay an pwedeng magsamba sa Sion, an banal mong bulod?

Salmo 18:33

Ginibo niya akong maingat sa paglakaw arog sa usa; pinangagin niya akong ligtas sa ibabaw nin kabukidan.

Salmo 33:18

Binabantayan nin Kagurangnan an mga natatakot saiya, an mga naglalaom sa danay niyang pagkamoot.

Salmo 34:10

Maski an mga leon nagugutom sa kakulangan nin pagkakan, alagad an nagkukuyog sa Kagurangnan dai pagkukulangon nin mga marahay na bagay.

Salmo 37:3

Magsarig ka sa Kagurangnan asin maggibo nin matanos; tanganing mag-erok ka sa daga, asin magin ligtas.

Salmo 62:7

Nagsasarig ako sa Dios para sa sakong kaligtasan asin kaomawan; siya an sakong makosog na gapo, siya an sakong pailihan.

Salmo 90:1

Kagurangnan, ika an samuyang erokan sa gabos na henerasyon.

Salmo 91:14

“Ililigtas ko siya, huli ta ako saiyang namomotan,” olay nin Kagurangnan. “Aatamanon ko siya, huli ta aram niya an sakong ngaran.

Mga Talinhaga 1:33

Alagad an naghihinanyog sako mag-eerok sa katiwasayan asin mabubuhay sa katoninongan, na mayo nin natatakotan.”

Mga Talinhaga 10:9

An naglalakaw sa katanosan naglalakaw na matiwasay, alagad madadakop an may bikong pamumuhay.

Mga Talinhaga 18:10

An Kagurangnan arog sa sarong pusog na tore, na pwedeng dumanan kan matanos asin magin ligtas.

Isaias 25:4

Huli ta nagin bantayan ka para sa mga dukha saka sa mga nangangaipo; limpoy sa init asin pailihan sa bagyo. Siring sa sarong bagyo na minatama sa lanob an pagsalakay kan mga makuring tawo,

Isaias 30:20

Papaagihon kamo nin Kagurangnan sa mga masakit na panahon, alagad tutukdoan niya kamo sa panahon na iyan, asin dai na kaipuhan na hanapon pa nindo siya.

Isaias 32:18

An banwaan nin Dios mag-eerok sa katoninongan asin katiwasayan sa saindang mga harong saka sa toninong na mga erokan. (

Isaias 49:10

dai na nanggad sinda magugutom o mapapaha. Dai na sinda maaano kan saldang asin kan init kan desyerto, huli ta papangenotan sinda kan namomoot sainda. Dadarahon niya sinda sa mga burabod nin tubig.

Isaias 58:14

dangan makukua nindo an kaogmahan na minadatong huli sa paglingkod sako. Itatao ko saindo an kaomawan sa bilog na daga, asin papakinabangan nindo an daga na itinao ko sa saindong ginikanan na si Jacob. Ako, an Kagurangnan, an nagtaram.”

Jeremias 37:21

Kaya nagboot si Hadeng Zedekias na ibilanggo ako sa patyo kan palasyo. Nag-ontok ako duman, asin aroaldaw tinatawan ako nin sarong tinapay hale sa panaderia sagkod na naubos an gabos na tinapay sa syudad.

Joel 3:16

Hale sa Bukid nin Sion nagdadaguldol an Kagurangnan; an saiyang tingog nagdadaguldol hale sa Jerusalem; an kinaban saka an langit tinatakigan. Alagad susurogon niya an saiyang banwaan.

Habakkuk 3:19

An Kagurangnan Dios an nagtatao sako nin kosog. Pinapangagin niyang maingat an sakong mga bitis arog kan sa usa asin iniingatan na ligtas sa kabukidan.

Mateo 6:11

Itao mo samuya an samong kakanon sa aroaldaw.

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.