Isaias 33:13 - Marahay na Bareta Biblia

¹³ Pagdangog kamo na mga nasa harani asin nasa harayong lugar, kun ano an sakong ginibo, asin akoon nindo na mapangyari ako.”

Isaias 33:13 ပူးပေါင်းရင်းမြစ်များ

Salmo 48:10

Inoomaw ka kan mga tawo saen man, nakakalakop sa bilog na daga an saimong ngaran. Naghahade ka na may katanosan;

Isaias 49:1

Pagdangog kamo sako, harayong mga nasyon, kamong mga tawong nag-eerok sa harayong lugar! Bago ako namundag, pinili na ako nin Kagurangnan asin itinalaan nang magin saiyang sorogoon.

Daniel 3:27

Pinagtiriponan sinda kan gabos na prinsipe, gobernador, bise-gobernador, asin kan iba pang opisyal kan hade. Nahiling nindang daing kapangyarihan an kalayo sa hawak kan tolong lalaki; dai nasulo an saindang buhok saka gubing asin mayo nin parong nin kalayo na naghahale sa sainda.

Isaias 57:19

Makikipagtoninong ako sa gabos, nasa harani man sinda o nasa harayo! Papaomayan ko an sakong banwaan.

Isaias 37:20

Kaya ngunyan, O Kagurangnan na samong Dios, ligtasan kami sa emperador nin Asiria, tanganing maaraman kan gabos na kahadean sa kinaban na ika nanggad sana an Kagurangnan.”

Isaias 18:3

Hanapa nindo, kamong mga nag-eerok sa kinaban, an tanda na iiitaas sa mga alitoktok kan kabukidan! Dangoga nindo an pagtanog kan trompeta!

Salmo 148:14

Pinakosog niya an saiyang nasyon, kaya inoomaw siya kan saiyang mga banal, kan banwaan nin Israel na saiyang namomotan. Omawon an Kagurangnan!

Salmo 97:8

Naghihimate an banwaan nin Sion asin naoogma; naoogma an mga aking babae ni Juda huli kan saimong mga paghukom, O Dios.

1 Samuel 17:46

Ngunyan man sanang aldaw, itatao ka nin Kagurangnan sa sakong kamot; dadaogon taka asin pupugoton ko an saimong payo. Itatao ko sa mga gamgam asin sa mga hayop an mga bangkay kan mga Filisteong soldados. Dangan maaaraman kan bilog na daga na igwa nin sarong Dios an Israel.

Exodo 15:14

Nakadangog an mga banwaan asin tinarakigan; mga Filisteo makuring takot an namatean.

Isaias 52:10

Gagamiton nin Kagurangnan an banal niyang kapangyarihan; ililigtas niya an saiyang banwaan, asin mahihiling iyan kan bilog na kinaban.