Isaias 33:11 - Marahay na Bareta Biblia

¹¹ Mayong halaga an ginigibo nindong mga plano asin mayo nin kamugtakan an gabos nindong ginigibo. An sakong espiritu makakaarog sa kalayong matutong saindo.

Isaias 33:11 ပူးပေါင်းရင်းမြစ်များ

An Libro ni Job 15:35

Ini an mga tawo na nagpaplano nin kasakitan saka naggigibo nin karatan; an saindang mga puso danay na pano nin pandadaya.”

Salmo 2:1

Tadaw ta nag-iisip an mga nasyon nin pagtumang? Tadaw ta nag-iisip an mga tawo nin mayong kamugtakan?

Salmo 7:14

Uya, an maraot na tawo nag-iisip nin karatan; pano siya nin karibokan asin kaputikan.

Salmo 7:15

Alagad sa mga kalot na inaandam niya para sa iba, an nahuhulog siya man sana.

Isaias 1:31

Siring na an dagami nasusulo kan manok-manok nin kalayo, mapapahamak man an mga mapangyaring mga tawo huli kan saindang maraot na gibo asin mayo nin makakaontok kan saindong pagkaraot.

Isaias 17:13

Nagdadangadang an mga nasyon siring sa nagdadangadang na mga alon, alagad sasagweon sinda nin Dios asin madurulag sinda; ipapadpad sinda siring sa alpog sa may bulod, siring sa dagami sa sarong aripuros.

Isaias 26:18

Nakulogan kami alagad mayong namundag sa samo. Mayo kaming nakuang kapangganahan para sa samong daga; mayo kaming nahaman.

Isaias 5:24

Kaya siring na hinahalon kan dila nin kalayo an dagami, siring na minakulpa an alang na doot sa kalayo, malalapa an saindang mga gamot, maaalang saka mararakdag an saindang mga burak huli ta isinikwal ninda an katogonan kan Kagurangnan nin mga hukbo, asin saindang pinag-olog-olog an tataramon kan banal na Dios nin Israel.

Isaias 59:4

Minasangat kamo nin kaso, alagad bako man tama an saindong sumbong. An kaputikan iyo an saindong sinasarigan tanganing manggana kamo sa saindong kaso. Pinapadagos nindo an saindong mga plano nganing makulogan an iba.

Isaias 9:17

Kaya dai matugot an Kagurangnan na makadulag an mga hoben na lalaki, asin dai siya maheherak sa mga balong babae saka sa mga ilo, huli ta bakong diosnon an mga tawo; mga maraot sinda asin gabos karatan an saindang sinasabi. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Mga Gibo 5:4

Bakong sadiri mo an daga bago mo iyan ipinabakal? Bakong sadiri mo an kabaklan kaiyan? Tadaw ta ginibo mo iyan? Nagputik ka sa Dios, bakong sa tawo!”

Santiago 1:15

Kun an mga maraot na kamawotan na iyan nakagamot na, iyan magbubunga nin kasalan; kun nagtalubo na an kasalan, iyan magbubunga nin kagadanan.