Isaias 32:7 - Marahay na Bareta Biblia

⁷ An sarong maraot na tawo naggigibo nin mga maraot na bagay; nagpaplano siyang raoton an mga dukha huli sa kaputikan, asin olangon sinda sa pagkamit kan saindang deretso.

Isaias 32:7 ပူးပေါင်းရင်းမြစ်များ

Salmo 119:95

Naghihipa an mga tampalasan tanganing gadanon ako, alagad naghohorophorop ako kan saimong mga katogonan.

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Isaias 11:4

kundi sa katanosan huhukoman niya an dukha, asin hahatolan niya an mga mahuyo kan kinaban na mayo nin pinapalaen. Sa saiyang pagboot an mga tawo papadusahan, asin an mga maraot magagadan.

Isaias 26:10

Maski naheherakan mo an mga tampalasan dai nanggad sinda nakakanood sa paggibo nin matanos. Maski digdi sa daga nin mga matanos na tawo sala pa giraray an saindang ginigibo; habo nindang midbidon an saimong kadakulaan.

Isaias 29:21

Gagadanon nin Dios an mga nagpapakaraot sa iba, an mga nag-oolang na mapadusahan an mga kriminal, asin an mga nagpuputik tanganing dai makakua nin hustisya an matanos na tawo.

Isaias 5:23

Alagad pinapatalingkas ninda an mga may kasalan huli sa suhol, asin inoolang ninda an mga mayong sala sa pagkamit nin katanosan!

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Isaias 59:15

Kadikit na sana an katotoohan kaya an siisay man na minaontok sa paggibo nin karatan iyo an nagigin biktima nin krimen.” Nahiling ini nin Kagurangnan, asin namondo siya huli ta mayo na nin hustisya.

Isaias 61:1

Nasa sako an espiritu kan Kagurangnan Dios, huli ta linahidan niya ako sa pagdara kan marahay na bareta sa mga dukha. Sinugo niya ako sa pagbolong kan mga nakukulogan an puso, sa pagpahayag nin katalingkasan sa mga bihag asin sa mga nasa bilanggoan.

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Daniel 12:10

Dakul na tawo an malilinigan, alagad dai makakasabot an mga maraot kundi magpapadagos sa pagigin maraot; an mga madonong sana an makakasabot.

Mikas 2:1

Herak man sa mga tawong nagpupuka asin nagpaplano nin karatan! Pagsirang kan aldaw, ginigibo ninda tolos an saindang maraot na plano.

Mikas 2:11

“Mawot kan mga tawong ini an propetang naglilibot, na mahambog saka madaya asin nagsasabing, ‘Hinuhulaan kong mabulos an arak saka makosog na inomon para sa saindo.’

Mateo 26:4

asin nagplano sindang hilom na dakopon si Jesus saka ipagadan.