Isaias 32:4 - Marahay na Bareta Biblia

⁴ Magigin matinios na sinda, mahiro na may pakasabot, asin mataram kan boot nanggad nindang sabihon.

Isaias 32:4 ပူးပေါင်းရင်းမြစ်များ

Exodo 4:11

Nagtaram saiya an Kagurangnan, “Siisay an nagtatao nin ngoso sa tawo? Siisay an may kapangyarihan na gibohon siyang bongog o pola, may pakahiling o buta? Bakong ako, an Kagurangnan?

Awit nin mga Awit 7:9

asin an saimong ngoso siring sa pinakamarahay na arak. Pabulosa an arak pasiring sa sakong namomotan, magbubulos sa ibabaw kan saiyang mga ngabil saka ngipon.

Isaias 29:24

An mga lolong makakanood na makasabot, asin an danay na naggugumodgumod maoogma nang magpatukdo.”

Isaias 35:4

Tarami an gabos na maluya an boot, “Magmakosog kamo asin dai matakot! Madatong an Dios sa pagligtas saindo, sa pagpadusa sa mga kaiwal nindo.”

Isaias 35:5

Dangan makakahiling an buta asin makakadangog an bongog.

Mateo 11:25

Kan oras na idto, nagtaram si Jesus, “O Ama, Kagurangnan nin langit asin daga! Nagpapasalamat ako saimo ta ipinahayag mo sa mga mangmang an mga bagay na tinago mo sa mga madonong asin sa mga may inadalan.

Mateo 16:17

“Paladan ka, Simon, aki ni Juan! Huli ta bakong tawo an nagpasabot saimo kan katotoohan na ini kundi an sakong Ama sa langit,” an sabi ni Jesus.

Mga Gibo 4:13

Napangalas an mga kaayon kan Konseho kan mahiling an kaisogan ni Pedro saka ni Juan, orog na kan maaraman nindang mga ordinaryong tawo sana sinda asin mayo nin inadalan. Naaraman ninda na an mga ini nagin kairiba ni Jesus.

Mga Gibo 6:7

Padagos an paglakop kan tataramon nin Dios. Padagos man an pagdakul kan mga disipulo sa Jerusalem; dakul man na padi an nakombertir sa pagtubod.

Galacia 1:23

An aram sana ninda iyo an sinasabi kan iba na an tawong nagpapasakit sainda kaidto, naghuhulit na ngunyan kan pagtubod na boot niyang laglagon kaidto.