Isaias 32:2 - Marahay na Bareta Biblia

² An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Isaias 32:2 ပူးပေါင်းရင်းမြစ်များ

Salmo 143:9

Ligtasan ako, Kagurangnan, sa sakong mga kaiwal; sa sakong pagdulag, ika an sakong pailihan.

Salmo 32:7

Ika an sakong lugar na tagoan; iliniligtas mo ako sa kasakitan. Makosog akong nag-aawit kan saimong kaligtasan, huli ta ako saimong iniingatan.

Salmo 63:1

O Dios, ika an sakong Dios, asin napupungaw ako saimo. An sakong kalag napapaha sa saimo; an sakong hawak naghihidaw saimo, siring sa alang asin mamarang daga na mayo nin tubig.

Salmo 91:1

An siisay man na magpaili sa Kagurangnan, asin magdanay sa pag-ingat kan Makakamhan,

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Isaias 16:3

Minasabi sinda sa mga taga Juda, “Sabihi kami kun ano an samong dapat na gibohon. Suroga kami siring sa sarong kahoy na nagtatao nin malipot na lindong kun odto, asin tugote kaming magpahingalo sa saindong limpoy. Nakadulag kami sa mga naglalamag samo; tagoa kami sa lugar na mayo nin makakakua samo.

Isaias 25:4

Huli ta nagin bantayan ka para sa mga dukha saka sa mga nangangaipo; limpoy sa init asin pailihan sa bagyo. Siring sa sarong bagyo na minatama sa lanob an pagsalakay kan mga makuring tawo,

Isaias 28:17

An hustisya iyo an magigin metros na pansukol kan pundasyon, asin an katanosan iyo an magigin plumo.” An uran nin yelo iyo an maanod kan gabos na kaputikan na sinasarigan nindo, asin raraoton kan baha an saindong pinagtatagoan.

Isaias 41:18

Gigibohon kong magbulos an mga salog sa mga bulod na mayo nin mga kahoy asin magbulos an mga burabod nin tubig sa mga kapantayan. Gigibohon ko na an desyerto magin mga sapa nin tubig asin an mamarang daga magin mga burabod na nagbubulos.

Isaias 43:19

Magmasid kamo para sa bagong bagay na gigibohon ko. Nangyayari na ini—nahihiling na nindo ini ngunyan! Magibo ako nin sarong dalan sa kalangtadan asin tatawan ko kamo nin mga burabod nin tubig duman.

Isaias 43:20

Maski an mga lalaw na hayop magalang sako; an mga lalaw na ayam saka mga ostrits maomaw sako. Kun an mga salog pabuloson ko na sa desyerto tanganing tawan nin tubig an pinili kong banwaan.

Isaias 44:3

“Tatawan ko nin tubig an napapahang daga asin papabuloson ko an mga salog sa mamarang daga. Iwawaras ko an sakong espiritu sa saimong kaakian asin an sakong biyaya sa saimong kapagarakian.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Jeremias 33:14

Nagtaram an Kagurangnan, “Maabot an panahon na ootobon ko an panuga na ginibo ko sa mga taga Israel asin mga taga Juda.

Mga Panambitan 4:20

Binihag ninda an ginikanan kan samong buhay, an hade na linahidan nin Kagurangnan, an samong sinarigan na maingat samo sa lambang parasalakay.”

Zacarias 13:7

Nagtataram an Kagurangnan nin mga hukbo, “Pagmata, espada, asin salakaya an pastor na nagtatrabaho para sa sako! Gadana siya tanganing magkawararak an mga karnero. Sasalakayon ko an sakong banwaan

Juan 7:37

Sa huring aldaw kan pyesta na iyo an pinakamahalagang aldaw, nagtindog si Jesus saka nagtaram nin makosog, “An napapaha dumolok sako asin uminom.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

Kapahayagan 22:1

Ipinahiling pa sako kan anghel an salog kan tubig nin buhay, nagkikintab siring sa kristal, na nagbubulos hale sa trono kan Dios asin kan Kordero,