Isaias 32:19 - Marahay na Bareta Biblia

¹⁹ Alagad mahugpa an uran nin yelo sa mga kadlagan, asin magagaba an syudad.)

Isaias 32:19 ပူးပေါင်းရင်းမြစ်များ

Isaias 10:18

Magkakawarara an matabang mga kadlagan asin kaomahan, siring na an sarong mangirhat na helang minagadan sa tawo.

Isaias 10:19

Kadikit na sanang kahoy an matatada, kaya mabibilang iyan maski kan sadit na aki.

Isaias 10:33

Ihuhulog sinda kan Kagurangnan nin mga hukbo siring sa mga sangang pinurutol sa sarong kahoy. An pinakamapaabaw-abaw saka pinakamapalangkaw sainda pupulakon asin sosopogon.

Isaias 24:10

Sa syudad, an gabos karibongan, asin pinipintoan kan mga tawo an saindang mga harong tanganing magin ligtas.

Isaias 24:12

Pagkarumpag an natada sa syudad, asin raot an mga trangkahan kaini.

Isaias 25:2

Ginaraba mo an mga syudad asin rinaot mo an mga pampapusog kaiyan. Mayo na an mga palasyo na itinugdok kan samong mga kaiwal; dai na nanggad iyan hihirahayon.

Isaias 25:4

Huli ta nagin bantayan ka para sa mga dukha saka sa mga nangangaipo; limpoy sa init asin pailihan sa bagyo. Siring sa sarong bagyo na minatama sa lanob an pagsalakay kan mga makuring tawo,

Isaias 26:5

Siya an nagpababa kan mga mapaabaw-abaw; rinaot niya an pusog na syudad na saindang pinag-eerokan, asin rinumpag niya an mga kudal kaiyan.

Isaias 27:10

Gaba na an pinapusog na syudad. Mayo na nin nag-eerok diyan siring sa mayong laog na kalangtadan. Nagin iyan sarong pasabsaban nin mga hayop—sarong lugar na mapapahingaloan ninda.

Isaias 28:17

An hustisya iyo an magigin metros na pansukol kan pundasyon, asin an katanosan iyo an magigin plumo.” An uran nin yelo iyo an maanod kan gabos na kaputikan na sinasarigan nindo, asin raraoton kan baha an saindong pinagtatagoan.

Isaias 28:2

An Kagurangnan igwa nin sarong tawong makosog asin mapangyari na andam sa pagsalakay sainda. Madatong siya siring sa bagyo, siring sa makosog na uran; madatong siya siring sa makosog na baha, asin dadaogon niya an daga.

Isaias 29:4

An Jerusalem makakaarog sa sarong kalag na naghihingowang makataram hale sa irarom nin daga, sarong sadit na tingog na nagluluwas hale sa alpog.

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Isaias 37:24

Sa paagi kan saimong mga sorogoon tinuyatuya mo ako, dangan nagsabi ka na huli kan kadakul mong karwahe nasakop mo an halangkaw na kabukidan nin Lebanon. Naghambog ka na pinalod mo duman an pinakahalangkaw na mga sedro dangan an pinakamarahay na mga sipres, asin na naabot mo an pinakapusod kan kadlagan.

Nahum 1:1

Iyo ini an mensahe dapit sa Nineve, an istorya kan sarong bisyon na nahiling ni Nahum, na taga Elkos.

Nahum 1:8

Arog sa sarong masulog saka dakulang baha pinupuho niya an saiyang mga kaiwal; an mga minasalungat saiya isinusubol niya sa saindang kagadanan.

Zacarias 11:2

Paghibi asin paghaya, mga kahoy na sipres— nagkaturumba na an mga sedro; nagkararaot na an mamuraway na mga kahoy na idto! Paghibi asin paghaya, mga hamurawon nin Basan— purotol na an kakahoyan sa mahibog na kadlagan!

Mateo 7:25

Nag-uran nin makosog, nagbaha dangan hinampas nin makosog na doros an harong na iyan, alagad dai narumpag dahel ta itinugdok iyan sa gapo.

Kapahayagan 18:21

Dangan sarong makosog na anghel an nagpurot nin gapo na arog kadakula kan gapong gilingan saka itinapok idto sa dagat, dangan nagsabi, “Arog kaini kakosog an pagbagsak kan dakulang syudad nin Babilonia; dai na nanggad iyan mahihiling.

Kapahayagan 8:7

Pinatanog kan enot na anghel an saiyang trompeta. Nag-uran sa daga nin yelo saka kalayong may kasalak na dugo. Nasulo an ikatolong kabtang kan daga, an ikatolong kabtang kan mga kahoy saka an gabos na berdeng doot.