Isaias 32:17 - Marahay na Bareta Biblia

¹⁷ asin an magigin bunga kan katanosan iyo an katoninongan, katiwasayan asin an paglaom sagkod lamang.

Isaias 32:17 ပူးပေါင်းရင်းမြစ်များ

Esther 9:30

An surat ipinanongod sa gabos na Judio, asin an mga kopya ipinadara sa syento beynte y syeteng mga probinsya kan Imperyo nin Persia. An surat nagmawot nin katoninongan asin katiwasayan para sa mga Judio,

Salmo 119:165

Dakulang katoninongan an nakakamtan kan mga namomoot sa saimong katogonan; mayo nin makakapasingkog sa sainda.

Salmo 85:10

An pagkamoot asin an pagkamaimbod magtutuparan; an katanosan asin an katoninongan maghahadokan.

Salmo 85:8

Nagdadangog ako kan itinataram nin Dios na Kagurangnan, huli ta ipinapahayag niya an katoninongan sa saiyang banwaan, sa saiyang mga banal, na dai na mabalik sa saindang kasombikalan.

Mga Talinhaga 1:33

Alagad an naghihinanyog sako mag-eerok sa katiwasayan asin mabubuhay sa katoninongan, na mayo nin natatakotan.”

Mga Talinhaga 14:26

An pagkatakot sa Kagurangnan minatao nin pagsarig asin katiwasayan sa sarong tawo saka sa saiyang pamilya.

Isaias 11:10

Sa aldaw na iyan, an gamot ni Jesse matindog bilang sarong tanda para sa mga banwaan; hahanapon siya nin mga nasyon, asin magigin mamuraway an saiyang erokan.

Isaias 11:13

Dai na pag-iimonan kan kahadean nin Israel an Juda, asin dai na magigin kaiwal nin Israel an Juda.

Isaias 26:3

Ika, Kagurangnan, an nagtatao nin katoninongan sa mga tawong danay na pusog an katuyohan asin nananarig sa saimo.

Isaias 28:12

Kapahingaloan saka karangahan an inalok niya sa saindo, alagad habo kamong magdangog saiya.

Isaias 30:15

Ini an tataramon kan Kagurangnan Dios, an banal na Dios nin Israel, “Sa pagbalik saka sa pagpahingalo makakaligtas kamo; sa dai paggirong asin sa pagsarig magkakaigwa kamo nin kosog.” Alagad habo nindong gibohon ini!

Isaias 33:6

asin papakosogon niya an nasyon. Danay niyang sinusurog an saiyang banwaan asin tinatawan niya sinda nin kadonongan saka pakasabot. An pagkatakot sa Kagurangnan iyo an pinakamahalaga nindang kayamanan.

Isaias 48:18

“Kun saimo sanang dinangog an sakong katogonan siring kutana sa sarong salog an saindong katoninongan, asin siring sa mga alon nin dagat an saindong katanosan!

Isaias 55:12

“May kaogmahan kamong mahale sa Babilon; matoninong kamong papangenotan paluwas sa syudad. Mag-aarawit an kabukidan saka an kabubuldan, asin magkukurahaw an mga kahoy sa kaogmahan.

Isaias 57:19

Makikipagtoninong ako sa gabos, nasa harani man sinda o nasa harayo! Papaomayan ko an sakong banwaan.

Isaias 66:12

Nagsasabi an Kagurangnan, “Dadarahan ko kamo nin nagdadanay na kauswagan; magbubulos pasiring saindo an kayamanan kan mga nasyon siring sa sarong salog na dai nagmamara. Makakaagid kamo sa sarong aki na pinapasuso kan saiyang ina; sa sarong aki na kinikilik kan saiyang ina asin namomotan.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Ezekiel 37:25

Mag-eerok sinda sa daga na itinao ko sa sakong sorogoon na si Jacob, an daga na pinag-erokan kan saindang mga ginikanan. Duman na sinda mag-eerok sagkod pa man, siring man an saindang mga aki asin an gabos nindang kapagarakian. Sarong hade na arog kan sorogoon kong si David an maghahade sa sainda sagkod lamang.

Ezekiel 39:29

Iuula ko an sakong espiritu sa banwaan nin Israel asin dai ko na nanggad sinda tatalikodan. Ako, an Kagurangnan Dios, an nagtaram.”

Roma 14:17

Huli ta an Kahadean nin Dios dai nangangahulogan nin kakanon saka inomon, kundi katanosan, katoninongan asin kaogmahan sa Espiritu Santo.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

Hebreyo 12:11

Kun kita pinapadusahan, makulog iyan para sa sato saka ikinakamondo ta iyan; alagad ngapit, idtong nagpakanood huli sa siring na panuga, magkakamit nin katoninongan, bunga kan matanos na pamumuhay.

Hebreyo 6:11

Minamawot nyamo na ipadagos kan lambang saro saindo an dati niyang pagmaigot sagkod sa kataposan, tanganing makamtan nindo an mga bagay na saindong pinaglalaom.

1 Juan 4:17

Sa paaging ini naootob sato an kapanoan kan pagkamoot tanganing magkaigwa kita nin kosog nin boot sa Aldaw nin Paghukom, huli ta an satong buhay sa kinaban na ini pareho kan buhay ni Cristo.