Isaias 32:15 - Marahay na Bareta Biblia

¹⁵ Alagad ipapadara giraray nin Dios sato an saiyang espiritu. An kalangtadan magigin sarong matubang na daga, asin an kaomahan mamumunga nin dakul na ani.

Isaias 32:15 ပူးပေါင်းရင်းမြစ်များ

Salmo 104:30

Alagad kun isinusubol mo an saimong Espiritu, sinda nagkakaburuhay; binabago mo an lalawogon nin kinaban.

Salmo 107:33

Pinamara nin Kagurangnan an mga salog asin pinaontok sa pagbulos an mga burabod.

Salmo 107:35

An desyerto ginibo niyang mga sapa, an mamarang daga pinangagin niyang mga burabod.

Mga Talinhaga 1:23

Kun hinanyogon nindo an sakong pagsagwe, itatao ko saindo an marahay na hatol asin ihihiras ko saindo an sakong naaaraman.

Isaias 28:6

Siya an matao kan espiritu nin hustisya sa mga naglilingkod bilang mga hukom, asin kan kosog nin boot sa mga nagbabantay kan syudad sa anoman na pagsalakay.

Isaias 29:17

Siring sa kasabihan, dai mahahaloy, an mahibog na kadlagan magigin kaomahan, asin an kaomahan mabalik sa pagigin kadlagan.

Isaias 35:7

magigin sarong sapa an mainit na baybay, asin mapapano nin mga burabod an mamarang daga. Sa dating pinag-eerokan kan lalaw na mga ayam, matalubo an mga bariw saka doot sa katiboan.

Isaias 44:3

“Tatawan ko nin tubig an napapahang daga asin papabuloson ko an mga salog sa mamarang daga. Iwawaras ko an sakong espiritu sa saimong kaakian asin an sakong biyaya sa saimong kapagarakian.

Isaias 45:8

An kapangganahan ipapadara ko hale sa langit arog sa uran; mabuka an daga tanganing akoon iyan, dangan mamumunga nin hustisya saka katalingkasan. Ako, an Kagurangnan, an magibong mangyari iyan.”

Isaias 59:19

Magpoon sa sirangan sagkod sa solnopan, an saiyang dakulang kapangyarihan, katatakotan kan gabos. Maabot siya siring sa sarong masulog na salog, arog sa sarong makosog na doros.

Isaias 59:21

Makikipagtipan ako saindo: Itinao ko saindo an sakong kapangyarihan saka mga katukdoan tanganing magin sadiri nindo sagkod lamang. Magpoon ngunyan, susunodon nindo ako asin tutukdoan nindo an saindong kaakian saka kapagarakian na sunodon ako sagkod pa man.”

Isaias 63:11

Alagad nagiromdoman ninda an nakaaging panahon, an panahon ni Moises, an sorogoon nin Kagurangnan, asin naghapot sinda, “Haen na ngunyan an Kagurangnan, na nagligtas kan mga lider nin saiyang banwaan kan nag-agi sinda sa dagat? Haen na an Kagurangnan, na nagtao kan saiyang espiritu ki Moises?

Ezekiel 37:14

Tatawan ko sinda kan sakong espiritu asin mabubuhay sinda, dangan tutugotan ko sindang mag-erok sa sadiri nindang daga. Dangan maaaraman ninda na ako, an Kagurangnan, an nagtaram asin gigibohon ko iyan.”

Ezekiel 39:29

Iuula ko an sakong espiritu sa banwaan nin Israel asin dai ko na nanggad sinda tatalikodan. Ako, an Kagurangnan Dios, an nagtaram.”

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.

Lukas 24:49

Ako an mapadara saindo kan ipinanuga kan sakong Ama. Alagad maghalat kamo sa Jerusalem, sagkod na mag-abot saindo an kapangyarihan hale sa itaas.”

Juan 7:39

Sinabi niya ini manongod sa Espiritu na aakoon kan mga minatubod saiya. Sa panahon na idto dai pa itinatao an Espiritu, huli ta dai pa pinagmuraway si Jesus.

Mga Gibo 2:33

Initaas siya sa too nin Dios; inako niya sa Ama an Espiritu Santo na ipinanuga saiya. Hale saiya ini gabos na nahihiling saka nadadangog nindo ngunyan.

2 Corinto 3:8

bako daw orog pa an liwanag kun itao an Espiritu?