Isaias 32:13 - Marahay na Bareta Biblia

¹³ dangan mga binit saka doot na an nagtatalubo sa daga kan sakong banwaan. Tangisan nindo an mga harong na dating maogma asin an syudad na dating pano nin buhay.

Isaias 32:13 ပူးပေါင်းရင်းမြစ်များ

Salmo 107:34

An mayaman na daga ginibo niyang maasgad na kalangtadan huli kan karatan kan mga nag-eerok duman.

Isaias 22:2

An bilog na syudad pano nin mga pagkukurahaw, karibokan asin kaogmahan. An saimong mga lalaking nagadan sa gerang ini, nagadan bakong sa pakikilaban.

Isaias 23:7

Ini daw an maogmang syudad nin Tiro, na minukna haloy nang panahon? Ini daw an syudad na nagpadara nin mga makikihimanwa sa ibong kan dagat tanganing magmukna nin bagong mga komunidad?

Isaias 23:9

An Kagurangnan nin mga hukbo iyo an nagplano kaiyan. Siya an nagplano kaiyan tanganing ontokon an saindang kapaabaw-abawan sa saindang ginibo asin tanganing sopogon an saindang ginagalangan na mga lalaki.

Isaias 24:11

Nagkukurahaw an mga tawo sa mga tinampo huli ta mayo na nin arak. Sagkod pa man mayo nang kaogmahan; nawara na iyan sa daga.

Isaias 27:10

Gaba na an pinapusog na syudad. Mayo na nin nag-eerok diyan siring sa mayong laog na kalangtadan. Nagin iyan sarong pasabsaban nin mga hayop—sarong lugar na mapapahingaloan ninda.

Isaias 34:13

Mga tonok saka mga binit an matalubo sa gabos na palasyo saka nakukudal na mga banwaan, asin mga lalaw na ayam saka mga kuwaw an mag-eerok diyan.

Isaias 5:10

An sampolong ektaryang ubasan makukuahan sana nin walong letro nin arak, asin an syento otsentang litrong banhi mabunga sana nin dyes y otsong litrong mais.”

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Isaias 55:13

Embes kan mga tonok matalubo an mga kahoy na sipres; embes kan mga binit matalubo an mga marambong na kahoy. Ini an magigin sarong tanda na magdadanay sagkod lamang, sarong giromdom kan ginibo ko, an Kagurangnan.”

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Isaias 7:23

“Pag-abot kan panahon na iyan, an lambang ubasan, na kaidto nakukuahan nin sangribong balagon nin ubas asin nagkakahalaga nin sangribong pedaso nin plata, matatambonan nin mga binit saka tonok.

Jeremias 33:4

Ako, an Kagurangnan, an Dios nin Israel, nagsasabi na magagaba an mga harong sa Jerusalem saka an palasyo sa Juda bilang bunga kan pagpalibot saka pagsalakay kan mga kaiwal.

Jeremias 39:8

Sinulo kan mga taga Babilonia an palasyo kan hade asin an mga harong kan mga tawo, dangan rinumpag ninda an mga kudal kan Jerusalem.

Jeremias 52:27

sa teritoryo nin Hamat. Duman sa Ribla, ipinahampak sinda kan hade saka ipinagadan. Kaya dinarang bihag an mga taga Juda sa luwas kan saindang daga.

Oseas 10:8

Magkakagaraba an mga lugar na pagsasambahan sa kabubuldan nin Aven, saen nagsasamba nin mga dios-dios an banwaan nin Israel. Matalubo sa mga altar ninda an mga tonok saka doot. Maapod an mga tawo sa mga bukid, “Tagoa kami!” asin sa mga bulod, “Tahobi kami!”

Oseas 2:3

Kun dai siya mag-ontok, huhubaan ko siya arog kan aldaw na siya namundag. Iaarog ko siya sa sarong alang saka mayong tanom na daga, dangan magagadan siya sa paha.

Oseas 9:6

Kun mag-abot an kasakitan asin mawarak an banwaan, titiponon sinda kan mga taga Egipto tanganing ilubong duman sa Memfis! An mga lugar na natutugdokan kan saindang mga harong saka an mga mahalagang bagay ninda na gibo sa plata tataluboan nin doot asin binit.