Isaias 31:5 - Marahay na Bareta Biblia

⁵ Siring na an sarong gamgam naglalayog sa tangod kan saiyang salagan nganing ingatan an saiyang mga siwo, siring man ako, an Kagurangnan nin mga hukbo, an maingat sa Jerusalem asin masurog kaiyan.”

Isaias 31:5 ပူးပေါင်းရင်းမြစ်များ

Genesis 1:2

an kinaban mayo nin ano man na porma saka laog. An nag-aalimbukay na kadagatan na minatahob kaini napapatos nin kadikloman asin an espiritu nin Dios naghihiro sa ibabaw kan katubigan.

2 Mga Hade 19:34

Susurogon ko an syudad na ini asin iingatan, huli sa sadiri kong kaomawan asin huli sa panuga na ginibo ko ki David na sakong sorogoon.’”

2 Mga Cronica 32:22

Sa paaging ini ilinigtas nin Kagurangnan si Ezekias saka an banwaan nin Jerusalem sa kamot ni Senakerib, an emperador nin Asiria asin sa kamot kan iba pa nindang mga kaiwal. Ginibo nin Kagurangnan na mamuhay sinda sa katoninongan kaiba an mga kataraed na nasyon.

Salmo 37:40

Tinatabangan niya sinda asin iliniligtas; iliniligtas niya sa mga maraot na tawo, huli ta saiya sinda minapaili.

Salmo 46:5

An Dios yaon duman sa syudad, dai iyan matatanyog; amay siyang maabot sa pagtabang kan syudad.

Salmo 46:6

Nagkakatarakot an mga nasyon, nagtatarakig an mga kahadean; nagdadaguldol an Dios asin natutunaw an daga.

Salmo 91:4

Tatahoban ka niya kan saiyang mga pakpak; magigin ligtas ka sa saiyang pangataman; iingatan ka asin susurogon kan saiyang kaimbodan.

Exodo 12:27

Masimbag kamo, ‘Iyo ini an paggiromdom kan Paskwa nin Kagurangnan, huli ta ilinigtas niya kami kan lihisan niya an harong kan mga Israelita duman sa Egipto, alagad ginadan niya an mga Egipcio.’” Dangan nagruluhod an mga Israelita asin nagsaramba.

Exodo 19:4

Nahiling nindo kun ano an ginibo ko sa mga Egipcio asin kun paano ko kamo dinara sa sakuya siring sa pagdara kan agila sa saiyang siwo sa ibabaw nin saiyang pakpak.

Isaias 10:14

An mga nasyon sa kinaban arog sa salagan nin gamgam; madali kong natipon an saindang kayamanan siring sa pagtipon nin mga sugok. Mayo nin sarong pakpak na naghiro tanganing takoton ako; mayo ni sarong tuka na nagbuka tanganing kurahawan ako!”

Isaias 26:1

Maabot an panahon na mag-aawit an mga tawo kan awit na ini sa daga nin Juda: Makosog an samong syudad! An Dios mismo an nagbabantay kan mga kudal kaini!

Isaias 27:3

“Binabantayan saka binabaribi ko iyan. Aldaw-banggi na ginigibo ko iyan tanganing mayong maraot na mangyari diyan.

Isaias 35:4

Tarami an gabos na maluya an boot, “Magmakosog kamo asin dai matakot! Madatong an Dios sa pagligtas saindo, sa pagpadusa sa mga kaiwal nindo.”

Isaias 37:35

Susurogon ko an syudad na ini, huli na sana kan sakong onra asin huli kan mga ginibo ko ki David na sakong sorogoon.’”

Isaias 38:6

Ililigtas taka asin an syudad nin Jerusalem sa emperador nin Asiria, patin susurogon ko an syudad na ini.”

Zacarias 9:14

An Kagurangnan matunga sa ibabaw kan saiyang banwaan; garo kikilat na bubutasan niya an saiyang mga bosog. Papatanogon kan Kagurangnan Dios an trompeta, dangan mamartsa siya sa mga bagyong hale sa habagat.

Zacarias 9:8

Babantayan ko an sakong daga asin dai ako matugot na pag-agihan iyan nin mga soldados. Dai na ako matugot na apihon giraray an sakong banwaan, huli ta nahiling ko kun paano sinda nagtios.”

Deuteronomio 32:11

Ilinigtas nin Kagurangnan an Israel. Siring sa agila, na sa pagtukdo na makalayog an saiyang siwo, sinasalo niya sinda sa nakaunat niyang pakpak, tanganing dai mahulog.