Isaias 31:4 - Marahay na Bareta Biblia

⁴ Sinabihan ako nin Kagurangnan, “Maski gurano kakosog an kurahaw kan mga pastor, dai ninda mapapatakot an sarong leon tanganing bayaan an hayop na ginadan kaiyan; siring man, mayo nin makakapahale sako, an Kagurangnan nin mga hukbo, sa pagsurog sa Bukid nin Sion.

Isaias 31:4 ပူးပေါင်းရင်းမြစ်များ

2 Mga Cronica 20:15

Nagtaram si Jahaziel, “Dangoga, O Hadeng Jehosafat, asin kamo gabos na taga Juda saka taga Jerusalem! Nagtataram an Kagurangnan na dai kamo manluya o matakot sa atubang kan dakulang hukbong ini; huli ta bakong saindo an gerang ini kundi sa Dios.

Exodo 14:14

An Kagurangnan an makikipaglaban para sa saindo. Mayo kamong gigibohon maski ano man.”

Exodo 14:25

Kaya nakalubong an mga rweda kan saindang karwahe kaya nagin masakit an paglamag ninda. Nagsabi an mga Egipcio, “An Kagurangnan an nakikilaban para sa mga Israelita. Magharale na kita digdi!”

Isaias 10:16

Kaya an Kagurangnan nin mga hukbo mapadara nin helang tanganing padusahan an mga basog ngunyan. Magkakaigwa sa saindang mga hawak nin garo sarong kalayo na padagos na naglalaad.

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Isaias 30:32

An lambang paghampak sainda nin Kagurangnan sasabayan kan tanog nin mga tamborin saka lira kan saiyang banwaan. An Dios mismo an makikilaban sa mga taga Asiria.

Isaias 42:13

An Kagurangnan minaluwas siring sa sarong paralaban; andam asin boot makigera. Minakurahaw siya bilang tanda nin pagsalakay; ipinapahiling niya an saiyang kapangyarihan laban sa saiyang mga kaiwal.

Jeremias 50:44

“Arog sa sarong leon na minaluwas sa kadlagan nin Jordan asin minapasiring sa berdeng dagang pasabsaban, maabot ako, saka bigla kong isusubol an mga taga Babilonia hale sa saindang syudad. Dangan an lider na pipilion ko iyo an mamamahala sa nasyon. Siisay an pwedeng ibaing sako? Siisay an mangangahas na lumaban sako? Siisay na pamayo an pwedeng sumalungat sako?

Oseas 11:10

“Masunod sako an sakong banwaan kun ngaroban ko arog sa sarong leon an saindang mga kaiwal. Maghihidali sinda sa pagdolok sako hale sa solnopan.

Amos 3:8

Siisay an dai natatakot kun minaungal an sarong leon? Siisay an dai minapahayag kan mensahe kan Kagurangnan Dios kun siya nagtataram?

Zacarias 12:8

Sa panahon na iyan, iingatan nin Kagurangnan an mga nag-eerok sa Jerusalem; maski an pinakamaluya sa sainda magigin siring kakosog ni David. An mga kapagarakian ni David an mangengenot sa sainda arog sa sarong anghel nin Kagurangnan, arog sa Dios mismo.

Zacarias 14:3

Dangan maluwas an Kagurangnan asin makikilaban sa mga nasyon, arog kan pakilaban niya kaidtong panahon.

Zacarias 2:5

Nanuga an Kagurangnan na siya mismo an magigin kudal na kalayo sa palibot kan syudad asin siya an magigin kamurawayan sa laog kaiyan.”

Zacarias 9:15

Iingatan kan Kagurangnan nin mga hukbo an saiyang banwaan, asin roronoton ninda an saindang mga kaiwal. Magkukurahaw sinda sa ralaban arog sa burat na mga lalaki asin papabuloson ninda an dugo kan saindang mga kaiwal; mabulos iyan siring sa dugo nin sarong sakripisyo na inula sa altar hale sa sarong mangko.

Zacarias 9:8

Babantayan ko an sakong daga asin dai ako matugot na pag-agihan iyan nin mga soldados. Dai na ako matugot na apihon giraray an sakong banwaan, huli ta nahiling ko kun paano sinda nagtios.”

Kapahayagan 10:3

saka nagkurahaw sa makosog na tingog arog sa nag-uungal na leon. Pakakurahaw niya, may pitong daguldol na nagsimbag saiya.

Kapahayagan 5:5

Dangan saro kan mga kamagurangan an nagsabi sako, “Dai ka maghibi. Hilinga, nanggana an Leon kan tribu nin Juda, an Gamot ni David, kaya siya an makakatangkas kan pitong selyo asin makakabukas kan libro.”