Isaias 31:2 - Marahay na Bareta Biblia

² Naaaraman nin Dios an saiyang ginigibo! Nagpapadara siya nin kapahamakan. Pinapatotoohan niya an saiyang mga homa nin pagpadusa sa mga maraot na tawo asin sa mga nagsusurog sa mga ini.

Isaias 31:2 ပူးပေါင်းရင်းမြစ်များ

An Libro ni Job 12:16

“An Dios makosog asin danay na mapanggana; nasa irarom kan saiyang kapangyarihan an nadaya asin an nandaya.

Isaias 1:4

Nasyon na makasalan! Banwaan na pano nin karatan! Aki nin mga paragibo nin maraot; mga aking lalaki na an gibo kabikoan! Isinikwal ninda an Kagurangnan. An banal nin Israel, saindong binasang-basang; siya saindong tinalikodan.

Isaias 14:20

Dai ka ilulubong siring sa ibang hade huli ta rinaot mo an sadiri mong daga asin ginadan mo an saimong mga nasasakopan. Mayong matatada sa saimong maraot na pamilya.

Isaias 21:17

An mga parapana nin Kedar iyo an pinakamaisog sa gabos, alagad dikit sana sa sainda an matatada. Ako, an Kagurangnan Dios nin Israel, an nagtaram.”

Isaias 22:14

An Kagurangnan Dios nin mga hukbo mismo an nagtaram sako asin nagsabi, “Dai ko nanggad papatawadon an karatan nindang ini sagkod na sinda nabubuhay. Ako, an Kagurangnan Dios nin mga hukbo, an nagtaram.”

Isaias 28:21

Makikilaban an Kagurangnan siring kan ginibo niya sa Bukid nin Perazim asin sa kapantayan nin Gibeon, tanganing mangyari an saiyang plano—maski dipisil masabotan an saiyang mga gibo. Tataposon niya an saiyang trabaho, an misteryo niyang trabaho.

Isaias 28:29

An gabos na kadonongan na iyan gikan sa Dios, asin danay na nangyayari an siring!

Isaias 30:3

Alagad mayo nin magigibo an hade sa pagtabang sainda, asin an pagsurog sainda kan Egipto mabunga nin kapahamakan.

Isaias 30:7

An tabang na itinatao nin Egipto mayo nin kamugtakan. Kaya nginaranan ko an Egipto nin ‘An Dragon na Dai Naghihiro sa Pakatukaw.’”

Isaias 31:3

Bakong mga dios an mga taga Egipto—mga tawo sana sinda. An saindang mga kabayo bakong mga espiritu, kundi laman. Kun unaton na nin Kagurangnan an saiyang kamot, magagaba an makosog na nasyon, asin mabagsak an maluyang nasyon na tinabangan kaini. Sabay sindang marurumpag.

Isaias 32:6

An sarong lolong nagtataram nin kalolongan asin nag-iisip nin karatan; an sinasabi saka ginigibo niya anas pag-olog-olog sa Kagurangnan; dai niya pinapakakan an nagugutom o pinapainom an napapaha.

Isaias 45:7

Linalalang ko an liwanag saka an kadikloman; nagpapadara ako nin bendisyon saka kapahamakan. Ako, an Kagurangnan, an naggigibo kan gabos na iyan.

Isaias 9:17

Kaya dai matugot an Kagurangnan na makadulag an mga hoben na lalaki, asin dai siya maheherak sa mga balong babae saka sa mga ilo, huli ta bakong diosnon an mga tawo; mga maraot sinda asin gabos karatan an saindang sinasabi. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 10:12

Ginibo nin Kagurangnan an daga huli kan saiyang kapangyarihan; huli kan saiyang kadonongan linalang niya an kinaban, asin huli kan saiyang pakasabot biniklad niya an kalangitan.

Jeremias 10:7

Siisay an dai matatakot saimo, O Hade kan mga nasyon? Maninigo kang katakotan. Mayo nin makakaarog saimo sa gabos na madodonong sa mga nasyon, o sa arin man sa saindang mga hade.

Jeremias 36:32

Dangan nagkua ako nin ibang suratan saka itinao ko sa sakong sekretaryo na si Baruc, dangan isinurat niya an gabos na sinabi ko saiya. Isinurat niya an gabos na nasa enot na kasuratan asin an parehong mga mensahe na idinikta ko saiya.

Ezekiel 29:6

Dangan maaaraman kan gabos na tawo sa Egipto na ako an Kagurangnan.” Nagtataram an Kagurangnan, “Ika, Egipto, an sinarigan kan mga Israelita, alagad maluya ka man arog sa sarong bariw.

Amos 3:6

Dai daw natatakot an mga tawo kun pinapatanog an panggerang trompeta sa laog nin syudad? Minaabot daw an kapahamakan sa sarong syudad kun dai iyan ipinadara nin Kagurangnan?

Sofonias 3:8

Nagtataram an Kagurangnan, “Halaton nindo ako.” Halaton nindo an aldaw nin pagtindog ko tanganing iakusar an mga nasyon. Huli ta nagdesisyon na akong tiponon an mga nasyon asin mga kahadean tanganing ipamate sainda an init kan sakuyang kaanggotan. An bilog na daga tutunawon kan kalayo nin labi-labi kong kaanggotan.

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Mga Bilang 10:35

Kun ilalakaw na an Kaban nin Tipan minasabi si Moises, “Pagtindog, O Kagurangnan; magkawararak logod an saimong mga kaiwal asin magdurulag an mga anggot saimo!”

Mga Bilang 23:19

An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Mateo 24:35

Mapapara an langit asin an daga, alagad an sakong mga tataramon dai nanggad mapapara.

Roma 16:27

Kamurawayan sa iyo-iyo sanang Dios na madonong sa gabos, huli ki Jesu-Cristo sagkod pa man! Amen.

Josue 23:15

Alagad siring na inotob niya an lambang panuga na ginibo niya saindo, gigibohon man niya an mga maraot na bagay na ipinatanid niya saindo.

Judas 1:25

sa iyo sanang Dios na satong Paraligtas huli ki Jesu-Cristo na satong Kagurangnan, mapasaiya an kamurawayan, kamahalan, kapangyarihan saka an awtoridad, bago an gabos na panahon, ngunyan asin sagkod pa man! Amen.

1 Samuel 2:3

Ontoka an saindong kapaabaw-abawan; ontoka an saindong kahambogan. Huli ta an Kagurangnan sarong Dios na nakakaaram, gabos na gibo nin tawo saiyang hinuhukoman.