Isaias 31:1 - Marahay na Bareta Biblia

¹ Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 31:1 ပူးပေါင်းရင်းမြစ်များ

Genesis 47:17

Kaya dinara kan mga tawo ki Jose an saindang mga hayop asin tinawan niya sinda kan karibay na pagkakan. Kan taon na iyan, an mga tawo tinawan ni Jose nin pagkakan karibay kan saindang mga hayop.

2 Mga Cronica 16:7

Kan panahon na iyan, nagdalaw an propetang si Hanani ki Asa na hade nin Juda, dangan nagsabi, “Huli ta nagsarig ka sa hade nin Siria asin bakong sa Kagurangnan na saimong Dios, nakadulag saimo an hukbo kan hade nin Siria.

2 Mga Cronica 16:9

Binabantayan nin marahay nin Kagurangnan an bilog na daga tanganing pakosogon an mga tawong an puso maimbod saiya. Kalolongan an ginibo mo, kaya poon ngunyan magkakaigwa ka nin mga gera.”

An Libro ni Job 39:11

Magsasarig ka daw saiya huli ta makosog siya, asin ipapaniwala mo daw saiya an saimong magabat na trabaho?

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Isaias 10:17

An Dios, an ilaw nin Israel, magigin sarong kalayo. An banal na Dios nin Israel magigin sarong laad na mahalon kan gabos, maski kan mga binit saka mga tonok sa saro sanang aldaw.

Isaias 2:7

An saindang daga pano na nin plata saka bulawan, asin daing ontok an saindang pagyaman; an saindang daga pano na nin mga kabayo, asin dai na mabilang an saindang mga karwahe.

Isaias 20:5

Dangan panruruluyahon saka magkakamurongnan sinda huli ta ibinugtak ninda an saindang paglaom sa Etiopia asin ipinag-orgulyo ninda an Egipto.

Isaias 22:11

guminibo kamo sa laog kan syudad nin sarong tangkeng pagtitiponan nin tubig na naghahale sa daan na sapa. Alagad dai nindo tinawan nin halaga an Dios, na nagplano kaini haloy nang panahon asin naggibong mangyari ini.

Isaias 30:16

Kundi boot pa nindong magdulag sa saindong mga kaiwal sa paagi nin pagsakay sa maririkas na kabayo. Tama kamo—an pagdulag iyo mananggad an kaipuhan na gibohon nindo! Naghohona kamong marikas na an saindong mga kabayo, alagad mas marikas an mga kabayo kan mga naglalamag saindo!

Isaias 36:6

Nagsasarig kamo ngunyan sa Egipto, an baring sugkod na bariw, na matusok kan kamot kan siisay man na minasarig saiya. Arog kaiyan an hade nin Egipto sa gabos na minasarig saiya.”

Isaias 36:9

Tadaw ta malaban siya sa sarong hababang opisyal nin Asiria, mantang naglalaom siya sa Egipto na papadarahan siya nin mga karwahe saka mga parakabayo?

Isaias 43:15

Ako an Kagurangnan, an saindong banal na Dios. Ako an naglalang saimo, Israel, asin ako an saimong hade.”

Isaias 5:12

Igwa sindang lira saka arpa, tamborin, plawta, asin arak sa saindang mga pyesta; alagad dai ninda nasasabotan an mga ginigibo nin Kagurangnan.

Isaias 57:9

Minalahid kamo nin mga pahamot saka minaduman sa dios-dios na si Molek tanganing magsamba saiya. Minapadara kamo nin mga sugo sa mga harayong lugar sa paghanap nin mga dios-dios na masasamba; sagkod sa kinaban kan mga gadan, pinapaduman nindo sinda.

Isaias 64:7

Mayong namimibi saimo; mayong nadolok saimo sa paghagad nin tabang. Tinagoan mo kami asin pinabayaan huli kan samong mga kasalan.

Isaias 9:12

An Siria sa sirangan asin an Filistia sa solnopan nagbuka kan saindang mga ngoso tanganing halonon an Israel. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 9:13

Dai nagbakle an banwaan nin Israel; maski pinadusahan na sinda kan Kagurangnan nin mga hukbo, dai sinda nagbalik saiya.

Jeremias 17:5

Nagtataram an Kagurangnan, “Kokondenaron ko an tawong minatalikod sako asin minasarig sa saiyang kapwa, sa kosog nin sarong tawo na magagadanon.

Jeremias 2:13

huli ta an sakong banwaan naggibo nin duwang kasalan: tinalikodan ninda ako, an burabod nin buhay na tubig, asin naggibo sinda nin mga tangke, may labot na mga tangke na dai nabubugtakan nin tubig.

Jeremias 37:7

na sabihan si Zedekias nin siring, “Nagdadangadang na an hukbo nin Egipto tanganing tabangan ka, alagad mabalik sinda sa Egipto.

Ezekiel 17:15

Alagad nagrebelde saiya an hade nin Juda asin nagpadara nin mga sugo sa Egipto tanganing magkua nin mga kabayo asin nin sarong dakulang hukbo. Manggana daw siya? Makakaligtas daw an naggibo kaiyan? Pwede daw niyang salungaton an tipan asin makaligtas sa padusa?

Ezekiel 29:16

An mga Israelita dai na nanggad masarig sa Egipto. An nangyari sa Egipto magpapagiromdom sa sainda na nasala sinda sa pagsarig sa nasyon na idto. Dangan maaaraman nin Israel na ako an Kagurangnan Dios.”

Daniel 9:13

Itinao mo samo an gabos na padusa na sinasabi sa Katogonan ni Moises. Alagad maski ngunyan, O Kagurangnan na samong Dios, dai kami naghingowa na mapaogma ka sa paagi nin pagbakle sa samong mga kasalan o sa pagsunod kan saimong katotoohan.

Oseas 11:5

“Habo nindang magbalik sako, kaya kaipuhan magbalik sinda sa Egipto, asin paghahadean sinda kan Asiria.

Oseas 11:9

Dai taka papadusahan sa sakong kaanggotan; dai ko na nanggad raraoton an Israel. Huli ta Dios ako asin bakong tawo. Ako, an Banal na Dios, kaibahan nindo. Dai ako madiyan saindo sa kaanggotan.

Oseas 14:3

Dai nanggad kami ikakaligtas nin Asiria, asin dai man kami matatabangan kan mga kabayong panggera. Dai na nanggad kami masabi sa samong mga dios-dios na sinda an samong Dios. Huli ta sa saimo, Kagurangnan, nakakakua nin pagkaherak an mga ilo.”

Oseas 7:7

“Sa init kan saindang kaanggotan, ginadan ninda an saindang mga pamayo; saro-sarong ginadan ninda an saindang mga hade, alagad mayo nin namimibi sa sako sa paghagad nin tabang.”

Habakkuk 1:12

Kagurangnan, poon sa kapinonan ika an Dios. Ika an sakong banal, na Dios asin mayo kang kapinonan saka kataposan. Kagurangnan, sakong Dios saka parasurog, pinili mo an mga taga Babilonia dangan pinakosog tanganing mapadusahan ninda kami.

Habakkuk 3:3

Hale sa Edom madigdi giraray an Dios; hale sa kabubuldan nin Paran maabot an banal na Dios. Tinatahoban kan saiyang kamurawayan an kalangitan, asin an daga pano kan saiyang kaomawan.

Zacarias 10:5

Magigin mapanggana an banwaan nin Juda arog sa mga soldados na nagtitimaktimak kan saindang mga kaiwal sa laboy kan mga tinampo. Makikilaban sinda huli ta kaiba ninda an Kagurangnan, asin dadaogon ninda maski an mga kaiwal nindang parakabayo.

Deuteronomio 17:16

An hade dai dapat magkaigwa nin dakul na kabayo para sa saiyang hukbo; dai siya dapat magpadara nin mga tawo tanganing magbakal nin mga kabayo sa Egipto, huli ta ipinangalad nin Kagurangnan an pagbalik duman kan saiyang banwaan.

Deuteronomio 20:1

“Kun magluwas kamo sa pakigera sa saindong mga kaiwal, asin mahiling nindo na mas dakul ki sa saindo an saindang mga kabayo, karwahe asin hukbo, dai kamo matakot sa sainda; kaibahan nindo an Kagurangnan na saindong Dios na nagluwas saindo hale sa Egipto.