Isaias 30:9 - Marahay na Bareta Biblia

⁹ Matumang sinda sa Dios, danay na nagpuputik, danay na nagtatalikod sa katukdoan nin Kagurangnan.

Isaias 30:9 ပူးပေါင်းရင်းမြစ်များ

2 Mga Cronica 33:10

Maski pinatanidan nin Kagurangnan si Manases asin an saiyang banwaan, alagad dai sinda nagdangog.

Salmo 78:8

asin tanganing dai sinda makaarog sa saindang mga ginikanan, na sarong matumang asin bakong makinuyog na banwaan; banwaan na bakong masarig an pagtubod sa Dios asin dai nagdanay na maimbod sa saiya.

Salmo 81:12

Kaya pinabayaan ko sinda sa katagasan kan saindang mga payo tanganing masunod ninda an sadiri nindang mga mawot.

Mga Talinhaga 28:9

Makauuyam maski an pamibi kan tawong habong maghinanyog sa katogonan.

Isaias 1:10

Jerusalem, an saimong mga pamayo asin banwaan nakakaarog sa taga Sodoma saka Gomorra. Dangoga an itinataram saimo nin Kagurangnan. Hinanyoga an itinutukdo saimo kan saimong Dios.

Isaias 1:2

Pagdangog, O kalangitan, asin paghinanyog, O daga; huli ta nagtaram an Kagurangnan, “Nagpadakula ako nin mga aking lalaki, alagad nagrebelde sinda tumang sako.

Isaias 1:4

Nasyon na makasalan! Banwaan na pano nin karatan! Aki nin mga paragibo nin maraot; mga aking lalaki na an gibo kabikoan! Isinikwal ninda an Kagurangnan. An banal nin Israel, saindong binasang-basang; siya saindong tinalikodan.

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 10:6

Isinusubol ko an Asiria sa pagsalakay kan mga bakong diosnon na nasyon, mga banwaan na nagpaanggot sakuya. Isinusubol ko sinda tanganing manamsam, manghabon, asin magtimaktimak sa mga banwaan na garo laboy sa mga tinampo.”

Isaias 24:5

Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Isaias 28:15

Ipinag-oorgulyo nindo na nakipagtipan kamo sa kagadanan asin nagkaoroyon kamo saka an kinaban kan mga gadan. Nagsasabi man kamo na dai kamo maaano pagdatong kan kahorasaan, huli ta nagsasarig kamo sa kaputikan asin sa daya tanganing magin ligtas kamo.

Isaias 30:1

Nagtaram an Kagurangnan: “Herak man sa mga namamayo sa Juda huli ta nagtumang sinda sako. Sinusunod ninda an mga plano na bako ako an naggibo, asin nakikipagtipan sinda tumang sa sakong kabotan; dinadagdagan pa ninda an saindang mga kasalan.

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Isaias 5:24

Kaya siring na hinahalon kan dila nin kalayo an dagami, siring na minakulpa an alang na doot sa kalayo, malalapa an saindang mga gamot, maaalang saka mararakdag an saindang mga burak huli ta isinikwal ninda an katogonan kan Kagurangnan nin mga hukbo, asin saindang pinag-olog-olog an tataramon kan banal na Dios nin Israel.

Isaias 63:8

Nagsabi an Kagurangnan, “Banwaan ko sinda; dai ninda ako dadayaon.” Kaya ilinigtas niya sinda

Isaias 65:2

Danay akong andam sa pag-ako kan sakong banwaan, an mga tawong padagos sa paggibo nin maraot asin sa paglakaw sa sadiri nindang dalan.

Jeremias 35:14

An mga kapagarakian ni Jonadab nagkuyog kan saiyang pagboot na dai mag-inom nin arak, asin sagkod ngunyan mayo sainda nin nag-iinom nin arak. Danay akong nagtaram saindo, alagad dai kamo nagkuyog sako.

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.

Jeremias 7:28

Sasabihan mo sinda na an nasyon ninda dai minakuyog sako, an saindang Kagurangnan Dios, ni minaako nin pagsagwe. Mayo na sa sainda an katotoohan; dai na ngani ninda ini nasasambit.

Jeremias 9:3

Danay sindang andam sa pagtaram nin kaputikan; embes na katotoohan, pandadaya an nagpapalakaw kan daga. Nagtataram an Kagurangnan, “Sunod-sunod na karatan an ginigibo kan sakong banwaan asin dai ninda ako minimidbid bilang saindang Dios.”

Ezekiel 24:3

Isaysay mo sa sakong rebeldeng banwaan an parabolang ini asin sabihan mo sinda na ini an tataramon nin Kagurangnan Dios: Isunad mo an kaldero, asin panoon mo nin tubig.

Oseas 4:2

Nanunuga sinda alagad dai iyan inootob; nagpuputik sinda, nanggagadan, nanghahabon, asin nagdodorog sa bako nindang agom. Nagdadakul an krimen, asin sunod-sunod an garadanan.

Sofonias 3:2

Dai iyan nagdangog sa Kagurangnan ni nag-ako kan saiyang pagdidisiplina. Dai siya nagsarig sa Kagurangnan ni naghagad saiya nin tabang.

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Deuteronomio 32:20

‘Dai ko na sinda tatabangan,’ siya nagtaram; ‘hihilingon ko an saindang aabotan, sinda na bakong maimbod saka makasalan na henerasyon.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.