Isaias 30:8 - Marahay na Bareta Biblia

⁸ Tinaraman ako nin Dios na isurat sa sarong libro kun ano an kabaing kan banwaan, tanganing magkaigwa nin danay na talaan kun gurano sinda karaot.

Isaias 30:8 ပူးပေါင်းရင်းမြစ်များ

Isaias 2:2

Sa mga aldaw na maabot, an bukid na namumugtakan kan Templo nin Kagurangnan iyo an magigin pinakahalangkaw sa gabos, halangkaw ki sa gabos na bulod. An gabos na nasyon maduruman,

Isaias 34:16

Pagsiyasat kamo sa libro nin mga buhay na linalang kan Kagurangnan asin basahon nindo an sinasabi duman. Minsan saro sa mga linalang na ini dai mawawara, asin minsan saro sainda dai mawawaraan nin agom. Huli ta ipinagboot iyan nin Kagurangnan; siya mismo an matipon sa sainda asin matao sainda kan saindang kahirasan.

Isaias 8:1

Dangan sinabihan ako nin Kagurangnan, “Magkua ka nin masusuratan asin isurat mo sa darakulang letra an, ‘Ki Maher-salal-has-baz.’

Jeremias 23:20

asin dai iyan maontok sagkod na dai pa niya matapos an boot niyang gibohon. Sa huring aldaw malinaw na masasabotan ini kan saiyang banwaan.”

Jeremias 30:2

nagtaram sako, “Isurat mo sa sarong libro an gabos na sinabi ko saimo,

Jeremias 36:2

“Kumua ka nin suratan asin isurat mo an gabos na sinabi ko saimo manongod sa Israel, sa Juda saka sa gabos na nasyon. Isurat mo an gabos na itinaram ko saimo magpoon kan enot takang kaolayon, kan si Josias iyo an hade, sagkod ngunyan na aldaw,

Jeremias 36:4

Kaya inapod ko si Baruc na aking lalaki ni Nerias asin sinabi ko saiya an gabos na itinaram sako nin Kagurangnan; ini gabos isinurat ni Baruc.

Jeremias 48:47

Alagad maabot an panahon na an Moab papauswagon giraray nin Kagurangnan. Ini gabos an itinaram nin Kagurangnan na mangyayari sa Moab.

Jeremias 51:60

Isinurat ko sa sarong libro an gabos na kapahamakan na maabot sa Babilonia, sagkod kan iba pang mga bagay dapit sa Babilonia.

Ezekiel 38:16

Sasalakayon mo an sakuyang banwaan nin Israel siring sa sarong panganoron na matahob kan daga. Pag-abot kan panahon na iyan, susugoon taka sa pagsalakay sa sakuyang daga tanganing mamidbid kan mga nasyon kun siisay ako, asin mahiling ninda an sakuyang kabanalan huli kan ipapagibo ko saimo.

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Habakkuk 2:2

Iyo ini an simbag sako nin Kagurangnan: “Isurat mo nin malinaw sa mga tabla an ipapahayag ko saimo, tanganing maski sa sarong hirilingan, mababasa iyan.

Mga Bilang 24:14

Sinabihan ni Balaam si Balak, “Mabalik ako sa sadiri kong banwaan, alagad bago ako mahale, papatanidan taka kun ano an gigibohon kan banwaan nin Israel sa saimong banwaan sa maabot na aldaw.”

Deuteronomio 31:19

“Ngunyan isurat mo an awit na ini, dangan itukdo mo sa banwaan nin Israel, tanganing iyo ini an magsaksi para sako laban sainda.

Deuteronomio 31:22

Kan aldaw man sanang iyan, isinurat ni Moises an awit dangan itinukdo iyan sa banwaan nin Israel.

Deuteronomio 31:29

Aram kong pagkagadan ko, magigin maraot an banwaan na ini, asin isisikwal ninda an itinukdo ko sainda. Sa maabot na aldaw, maraot an mangyayari sainda, huli ta papaanggoton ninda an Kagurangnan huli sa paggibo kan mga bagay na ipinapangalad niya.”

Deuteronomio 4:30

Kun kamo nasa kasakitan, asin kun nangyayari na saindo an mga bagay na iyan, magbalik kamo sa Kagurangnan asin magsunod sa saiyang tingog.

1 Timoteo 4:1

Maliwanag an sinasabi kan Espiritu na sa mga huring panahon may mga tawo na mabaya sa pagtubod, asin masunod sa mga madayang espiritu saka mga katukdoan nin mga demonyo.

2 Pedro 3:3

Enot sa gabos, dapat nindong masabotan na sa mga huring aldaw, may mga paraolog-olog na madatong, mga tawo na nabubuhay sosog sa mga kamawotan kan saindang laman.

Judas 1:18

Sinabihan ninda kamo, “Sa huring mga aldaw, matunga an mga tawong mag-oolog-olog saindo; mga tawong nagsusunod kan saindang maraot na mga kamawotan.”