Isaias 30:7 - Marahay na Bareta Biblia

⁷ An tabang na itinatao nin Egipto mayo nin kamugtakan. Kaya nginaranan ko an Egipto nin ‘An Dragon na Dai Naghihiro sa Pakatukaw.’”

Isaias 30:7 ပူးပေါင်းရင်းမြစ်များ

An Libro ni Job 9:13

Danay an saiyang kaanggotan. Rinonot niya an saiyang mga kaiwal na nagtabang ki Rahab, an impakto na nagtumang saiya.

Salmo 87:4

“Ibibilang ko an Egipto asin Babilonia sa mga nasyon na nagkukuyog sako; ibibilang ko an mga taga Filistia, Tiro asin Etiopia sa mga nag-eerok sa Jerusalem.”

Salmo 89:10

Rinonot mo an impaktong si Rahab asin saimong ginadan; huli kan saimong kosog dinaog mo an saimong mga kaiwal.

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Mga Talinhaga 25:19

Garo ngipon na naggigilo-gilo o bitis na pilay an parapasaluib na sinasarigan sa panahon nin kahaditan.

Isaias 10:3

Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Isaias 2:22

Dai na kamo magsarig sa mga tawo, huli ta ano an makukua nindo saiya?

Isaias 20:6

Pag-abot kan panahon na iyan, masabi an mga nag-eerok sa baybayon kan Filistea, ‘Hilinga! Iyo ini an mangyayari sa satong linaoman asin hinagadan nin tabang tanganing surogon kita sa hade nin Asiria! Paano kita makakadulag?’”

Isaias 28:12

Kapahingaloan saka karangahan an inalok niya sa saindo, alagad habo kamong magdangog saiya.

Isaias 30:15

Ini an tataramon kan Kagurangnan Dios, an banal na Dios nin Israel, “Sa pagbalik saka sa pagpahingalo makakaligtas kamo; sa dai paggirong asin sa pagsarig magkakaigwa kamo nin kosog.” Alagad habo nindong gibohon ini!

Isaias 30:5

an mga taga Juda mabasol na nagsarig sinda sa dai masasarigan na nasyon, sarong nasyon na dai makakatao nin tabang sa panahon na linalaom ninda iyan.”

Isaias 36:9

Tadaw ta malaban siya sa sarong hababang opisyal nin Asiria, mantang naglalaom siya sa Egipto na papadarahan siya nin mga karwahe saka mga parakabayo?

Isaias 51:9

Pagmata, Kagurangnan, asin kami saimong tabangan! Gamita an saimong kapangyarihan asin kami ligtasan; gamita iyan siring kan ginibo mo kaidtong panahon. Ika an nagperedaso kan impakto sa dagat na si Rahab.

Isaias 7:4

Sabihan mo siyang magin andam, na dai mahandal o matakot o manluya an boot, huli ta an kaanggotan ni Hadeng Rezin kaiba an mga Siro asin ni Hadeng Peka garo sana duwang nag-aasong pungo.

Jeremias 37:7

na sabihan si Zedekias nin siring, “Nagdadangadang na an hukbo nin Egipto tanganing tabangan ka, alagad mabalik sinda sa Egipto.

Mga Panambitan 3:26

Kaya marahay para sa sato an maghalat na may pakatios— an maghalat sa saiya tanganing iligtas kita—

Oseas 5:13

“Kan mamatean nin Israel an saiyang helang, asin kan mahiling nin Juda an sadiri niyang mga lugad, nagduman an Israel sa Asiria sa paghahagad nin tabang sa emperador, alagad dai niya kayang paomayan an Israel o bolongon an lugad nin Juda.