Isaias 30:6 - Marahay na Bareta Biblia

⁶ Iyo ini an mensahe nin Dios dapit sa mga hayop kan kalangtadan sa habagat: “An mga sugo naglakaw sa daga na pano nin pag-alaman, saen nag-eerok an mga leon asin saen igwa nin makamandag na mga halas saka naglalayog na mga dragon. Kinakargahan ninda an likod kan saindang mga asno saka mga kamelyo nin mahahalagang mga regalo para sa sarong nasyon na dai makakatao sainda nin tabang.

Isaias 30:6 ပူးပေါင်းရင်းမြစ်များ

Genesis 12:9

Dangan nagpadagos sa paglakaw si Abram pasiring sa habagat na parte kan Canaan.

1 Mga Hade 10:2

Nag-abot siya sa Jerusalem kaiba an kadakul na sorogoon, mga kamelyo na may kargang mga pahamot, dakul na bulawan saka mga mahalagang bato. Kan mag-abot an reyna, sinaro-saro niya ki Solomon an gabos na hapot na nasa isip niya.

2 Mga Cronica 16:2

Kaya nagkua si Asa nin plata saka bulawan hale sa kayamanan sa Templo saka sa palasyo dangan ipinadara ki Hadeng Benhadad nin Siria na idtoon duman sa Damasco, kaiba an mensaheng ini:

2 Mga Cronica 9:1

Nadangog kan reyna nin Sheba an kabantogan ni Solomon, kaya nagduman siya sa Jerusalem tanganing baloon si Solomon sa paagi nin dipisil na mga hapot. Ipinag-iba niya an dakulang grupo nin mga katabang, saka mga kamelyo na may kargang mga pahamot, dakul na bulawan asin mga mahalagang bato. Kan mag-abot an reyna, sinaro-saro niya ki Solomon an gabos na hapot na nasa isip niya.

An Libro ni Job 39:11

Magsasarig ka daw saiya huli ta makosog siya, asin ipapaniwala mo daw saiya an saimong magabat na trabaho?

Isaias 14:29

Mga Filisteo, dai kamo mag-ogma huli ta nabari an sugkod na panhampak saindo. Huli ta kun nagagadan an sarong halas, may sarong rimoranon na minasalihid kaiyan. An sugok nin sarong halas nahihimsa na sarong dragon.

Isaias 15:7

An mga tawo nagbaralyo sa pagdulag pasiring sa Kapantayan nin mga Aguho; dara ninda an gabos nindang rogaring.

Isaias 19:4

Itatao ko an mga Egipcio sa kamot nin sarong mapang-aping kagurangnan, sa sarong makuring hade na maghahade sainda. Ako, an Kagurangnan nin mga hukbo, an nagtaram.”

Isaias 35:9

Dai magkakaigwa nin leon diyan; mayo nin mabangis na hayop na maagi sa dalan na iyan. An mga ilinigtas nin Kagurangnan maglalakaw sa dalan na iyan pasiring sa saindang harong.

Isaias 5:30

Pag-abot kan aldaw na iyan, an ungal ninda sa Israel magigin makosog siring sa hagubohob kan dagat. Hilinga nindo an dagang ini! Pano nin kadikloman asin kahorasaan! An liwanag hinaloan kan kadikloman.

Isaias 57:9

Minalahid kamo nin mga pahamot saka minaduman sa dios-dios na si Molek tanganing magsamba saiya. Minapadara kamo nin mga sugo sa mga harayong lugar sa paghanap nin mga dios-dios na masasamba; sagkod sa kinaban kan mga gadan, pinapaduman nindo sinda.

Isaias 8:22

o mahiling sa daga, alagad mayo sindang mahihiling kundi kasakitan asin kadikloman, makangirhat na kadikloman na saindang padudumanan.

Jeremias 11:4

Iyo ini an tipan na ginibo ko sa saindang mga ginikanan kan iluwas ko sinda sa Egipto, an daga na garo sarong nagkakalayong horno sa sainda. Tinaraman ko sinda na kuyogon ninda ako saka gibohon an gabos na pagboot ko. Nagtaram pa ako na kun magkuyog sinda, magigin banwaan ko sinda asin ako an magigin Dios ninda.

Jeremias 2:6

Dai ninda ako nagiromdoman maski ako an nagluwas sainda hale sa Egipto saka nangenot sainda sa kalangtadan: sarong daga nin mga desyerto asin mga kalot, sarong dagang alang saka pano nin pag-alaman, na mayo nin tawong nag-eerok saka nag-aagi.

Ezekiel 20:46

“Aki nin tawo, maghiling ka sa habagat. Magtaram ka laban sa habagat asin magpropesiya ka laban sa kadlagan kan habagat.

Oseas 12:1

An gabos na ginigibo kan banwaan nin Israel poon sa pagkaaga sagkod sa pagkabanggi, mayong halaga asin nakakaraot. An lambang saro sainda orog na nagigin mapasaluib asin madahas; nakikipagtipan sinda sa Asiria asin nakikipagnegosyo sa Egipto.”

Oseas 12:2

An Kagurangnan igwa nin reklamo laban sa mga taga Juda; papadusahan man niya an Israel huli kan mga gawe kan saiyang namamanwaan. Babalosan niya sinda sosog sa saindang mga gibo.

Mikas 6:14

Makakan ka alagad dai mababasog—sa katotoohan padagos kang magugutom. Magsasaray ka, alagad dai mo iyan mapapakinabangan; an anoman na saimong sarayon raraoton ko sa gera.

Zacarias 6:6

An karwaheng guyod kan itom na mga kabayo nagpapasiring sa Babilonia, an puting mga kabayo nagpapasiring sa solnopan, asin an kabang na mga kabayo nagpapasiring sa daga sa habagat.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Mga Bilang 21:8

Tinaraman nin Kagurangnan si Moises, “Gumibo ka nin sarong halas na bronse asin ibugtak mo sa sarong palo; an lambang masingot na humiling kaiyan, maoomayan.”

Mateo 12:42

Sa Aldaw nin Paghukom matindog an Reyna nin Sheba saka mahukom saindo, huli ta nagbaklay siya hale sa mga poro kan daga tanganing madangog sana an kadonongan ni Solomon; asin uya an mas dakula pa ki Solomon!

Deuteronomio 17:16

An hade dai dapat magkaigwa nin dakul na kabayo para sa saiyang hukbo; dai siya dapat magpadara nin mga tawo tanganing magbakal nin mga kabayo sa Egipto, huli ta ipinangalad nin Kagurangnan an pagbalik duman kan saiyang banwaan.

Deuteronomio 4:20

Alagad kamo an banwaan na ilinigtas niya sa Egipto, an nagkakalayong horno, tanganing gibohon niyang sadiring banwaan, na iyo kamo ngunyan.

Deuteronomio 8:15

Pinangenotan niya kamo sa saindong pagbaklay sa mahiwas asin makatakot na kalangtadan na may mararang mga halas asin uyang. Duman sa alang asin daing tubig na daga, pinabulos niya para saindo an tubig hale sa matagas na gapo.