Isaias 30:32 - Marahay na Bareta Biblia

³² An lambang paghampak sainda nin Kagurangnan sasabayan kan tanog nin mga tamborin saka lira kan saiyang banwaan. An Dios mismo an makikilaban sa mga taga Asiria.

Isaias 30:32 ပူးပေါင်းရင်းမြစ်များ

Genesis 31:27

Tano ta dinaya mo ako asin naghale ka na daing paisi? Kun sinabihan mo ako, kutana dinespedir ko kamo na may kaogmahan asin karantahan, sa tanog nin tamborin saka arpa.

2 Mga Cronica 32:8

Kaiba niya an kosog nin tawo, alagad kaiba ta an Kagurangnan na satuyang Dios, na matabang satuya asin makikilaban kan satuyang mga gera.” Napakosog an boot kan mga tawo kan mga tataramon na ini ni Ezekias na hade nin Juda.

An Libro ni Job 16:12

Namumuhay akong matoninong, alagad kinapotan niya ako sa liog dangan linanog saka rinonot. Ako an ginamit niyang patamaan

Isaias 10:24

Kaya nagsabi an Kagurangnan nin mga hukbo sa saiyang banwaan na nag-eerok sa Sion, “Dai kamo matakot sa mga taga Asiria, maski inaapi ninda kamo siring sa pag-api saindo kaidto kan mga Egipcio.

Isaias 10:26

Ako, an Kagurangnan nin mga hukbo, an mahampak sainda kan sakong pamakol arog kan paghampak ko sa mga taga Midian sa Gapo ni Oreb. Papadusahan ko an Asiria siring kan paghampak ko sa Egipto.

Isaias 11:15

Papamarahon nin Kagurangnan an dagat nin Egipto, asin madara siya nin mainit na doros tanganing pamarahon an Salog nin Eufrates, dangan pito sanang sadit na mga salog an saiyang itatada, tanganing pwedeng bumalyo diyan na naglalakaw an siisay man.

Isaias 19:16

Maabot an panahon na an mga taga Egipto makakaarog sa mga babae. Pagtatakigan sinda sa takot kun mahiling nindang ibinikyaw na nin Kagurangnan nin mga hukbo an saiyang kamot sa pagpadusa sainda.

Isaias 2:19

An mga tawo matarago sa mga lungib sa kagapoan asin sa mga kalot sa daga, sa pagdulag sa kaanggotan nin Kagurangnan, asin sa saiyang kamurawayan sa saiyang pagtindog sa pagyugyog kan kinaban.

Isaias 24:1

Raraoton nin Kagurangnan an kinaban asin babayaan niya iyan na mamondo. Bibiribidon niya an ibabaw kan daga asin iwawarak niya an mga tawo.

Isaias 24:8

asin an maogmang tugtog sa saindang mga arpa saka lira dai na nadadangog.

Isaias 30:29

Alagad kamo, banwaan nin Dios, magigin maogma asin mag-aawit kamo siring kan saindong ginigibo sa pagkabanggi nin sarong banal na pyesta. Magigin maogma kamo siring sa mga naglalakaw sa tugtog kan plawta pasiring sa Templo nin Kagurangnan, an Gapo nin Israel.

Isaias 31:4

Sinabihan ako nin Kagurangnan, “Maski gurano kakosog an kurahaw kan mga pastor, dai ninda mapapatakot an sarong leon tanganing bayaan an hayop na ginadan kaiyan; siring man, mayo nin makakapahale sako, an Kagurangnan nin mga hukbo, sa pagsurog sa Bukid nin Sion.

Jeremias 31:4

Papatindogon ko giraray kamo. Magtutugtog giraray kamo kan saindong mga tamborin asin maogma kamong magsasayaw.

Ezekiel 28:13

Nag-erok ka sa Eden, an tatamnan nin Dios, dangan sulot mo an gabos na mahahalagang bato: rubi saka diamante; topasyo, berilo, kornalina, saka haspe; safiro, esmeralda asin karbunko. Igwa ka nin mga samno na gibo sa bulawan. Ginibo iyan para saimo kan aldaw na lalangon ka.

Ezekiel 32:10

Makukubhanan an dakul na nasyon sa gigibohon ko saimo. An saindang mga hade magtatakig sa takot kun iwasiwas ko na an sakong espada. Sa aldaw nin saimong pagbagsak, gabos sinda magtatakig sa takot para sa sadiri nindang buhay.”

Hebreyo 12:26

An saiyang tingog nakayugyog kan daga kaidto, alagad ngunyan nanunuga siya, “Sarong beses ko pang yuyugyogon bako sana an daga kundi pati an langit.”

1 Samuel 10:5

Dangan magduman ka sa Bulod nin Dios sa Gibea, sa pinagkakampohan kan mga Filisteo. Sa paglaog mo sa banwa, masasabat mo an sarong grupo nin mga propeta na naglulugsot hale sa altar na nasa bulod, na nagtutugtog nin arpa, tamborin, plawta, saka lira asin nagpopropesiya.

1 Samuel 18:6

Kan magpuli si David pakatapos na magadan si Goliat asin kan magpuruli na an mga soldados, nagruluwas an kababaehan hale sa gabos na banwa nin Israel tanganing sabaton si Hadeng Saul. Nag-aarawit sinda nin maogmang mga awit, nagsasarayaw, asin nagtuturugtog nin mga tamborin saka lira.