Isaias 30:31 - Marahay na Bareta Biblia

³¹ Magkakatarakot an mga taga Asiria kun madangog na ninda an tingog nin Kagurangnan asin mamamatean ninda an kosog kan saiyang padusa.

Isaias 30:31 ပူးပေါင်းရင်းမြစ်များ

Salmo 125:5

Alagad kun padusahan mo na an mga tampalasan, padusahan mo man an mga minasuhay sa saimong mga dalan. An katoninongan mapasa-Israel!

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 10:15

Alagad nagtataram an Kagurangnan, “Makasabi daw an patok na mas dakula siya ki sa tawong naggagamit kaiyan? Mas dakula daw an lagadi ki sa tawong naggagamit kaiyan? Dai man binubuhat kan pamakol an tawo; an tawo an minabuhat kan pamakol.”

Isaias 10:24

Kaya nagsabi an Kagurangnan nin mga hukbo sa saiyang banwaan na nag-eerok sa Sion, “Dai kamo matakot sa mga taga Asiria, maski inaapi ninda kamo siring sa pag-api saindo kaidto kan mga Egipcio.

Isaias 10:26

Ako, an Kagurangnan nin mga hukbo, an mahampak sainda kan sakong pamakol arog kan paghampak ko sa mga taga Midian sa Gapo ni Oreb. Papadusahan ko an Asiria siring kan paghampak ko sa Egipto.

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 11:4

kundi sa katanosan huhukoman niya an dukha, asin hahatolan niya an mga mahuyo kan kinaban na mayo nin pinapalaen. Sa saiyang pagboot an mga tawo papadusahan, asin an mga maraot magagadan.

Isaias 14:25

Tutunawon ko an mga taga Asiria na nasa sakong daga nin Israel, asin titimaktimakan ko sinda sa sakong kabukidan. Tatalingkasan ko an sakong banwaan sa sakal kan mga taga Asiria asin sa saindang mga magabat na pasan.

Isaias 27:7

Mas makuri an padusa na itinao nin Kagurangnan sa kaiwal nin Israel ki sa Israel, asin mas dakul na lalaki an nagkagaradan.

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Isaias 31:8

Madadaog an Asiria sa gera, alagad bako huli sa kapangyarihan nin tawo. Madurulag sa gera an mga taga Asiria asin magigin mga oripon an saindang mga hoben na lalaki.

Isaias 9:4

Huli ta saimong binari an sakal na nakakapagabat sainda asin an sugkod na ipinapakol sa saindang mga abaga. Dinaog mo an nasyon na nag-api asin nandaya kan saimong banwaan, siring na dinaog mo kaidto an hukbo nin Midian.