Isaias 30:30 - Marahay na Bareta Biblia

³⁰ Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Isaias 30:30 ပူးပေါင်းရင်းမြစ်များ

An Libro ni Job 38:22

“Nakalaog ka na daw sa mga sarayan kan nyebe, o nahiling an mga sarayan kan uran nin yelo,

An Libro ni Job 38:23

na sakong itinagama sa panahon nin kasakitan, para sa aldaw nin gera asin ralaban?

An Libro ni Job 40:9

Makosog ka daw arog sa sako? Makakadaguldol daw an saimong tingog siring kakosog kan sakong tingog?

Salmo 2:5

Dangan sa kaanggotan, sinda saiyang pinatanidan, asin pinatakot sinda sa saiyang labi-labing kaanggotan.

Salmo 46:6

Nagkakatarakot an mga nasyon, nagtatarakig an mga kahadean; nagdadaguldol an Dios asin natutunaw an daga.

Salmo 98:1

Mag-awit nin bagong awit sa Kagurangnan, huli ta guminibo siya nin mga ngangalasan! Sa sadiri niyang kapangyarihan asin banal na kosog nakamtan niya an kapangganahan.

Exodo 15:16

Pakahiling kan saimong kosog, O Kagurangnan, takot asin takig sinda inabotan, siring sa gapo dai sinda nakahiro sagkod na makaagi an saimong banwaan, mga tawong ilinigtas mo sa kaoripnan.

Exodo 9:23

Kaya itinaas ni Moises an saiyang sugkod, dangan pinadaguldol asin pinakikilat nin Kagurangnan saka pinauranan nin yelo an daga.

Exodo 9:24

Makosog nin marahay an uran nin yelo na may kaibang kikilat. Ini an pinakamakosog na pag-uran nin yelo sa bilog na istorya nin Egipto.

Isaias 10:16

Kaya an Kagurangnan nin mga hukbo mapadara nin helang tanganing padusahan an mga basog ngunyan. Magkakaigwa sa saindang mga hawak nin garo sarong kalayo na padagos na naglalaad.

Isaias 10:26

Ako, an Kagurangnan nin mga hukbo, an mahampak sainda kan sakong pamakol arog kan paghampak ko sa mga taga Midian sa Gapo ni Oreb. Papadusahan ko an Asiria siring kan paghampak ko sa Egipto.

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 28:2

An Kagurangnan igwa nin sarong tawong makosog asin mapangyari na andam sa pagsalakay sainda. Madatong siya siring sa bagyo, siring sa makosog na uran; madatong siya siring sa makosog na baha, asin dadaogon niya an daga.

Isaias 29:6

ililigtas ka kan Kagurangnan nin mga hukbo sa paagi nin daguldol, bagyo, asin linog. Mapadara siya nin mga aripuros, bagyo, asin nanghahalon na kalayo.

Isaias 30:29

Alagad kamo, banwaan nin Dios, magigin maogma asin mag-aawit kamo siring kan saindong ginigibo sa pagkabanggi nin sarong banal na pyesta. Magigin maogma kamo siring sa mga naglalakaw sa tugtog kan plawta pasiring sa Templo nin Kagurangnan, an Gapo nin Israel.

Isaias 30:31

Magkakatarakot an mga taga Asiria kun madangog na ninda an tingog nin Kagurangnan asin mamamatean ninda an kosog kan saiyang padusa.

Isaias 31:4

Sinabihan ako nin Kagurangnan, “Maski gurano kakosog an kurahaw kan mga pastor, dai ninda mapapatakot an sarong leon tanganing bayaan an hayop na ginadan kaiyan; siring man, mayo nin makakapahale sako, an Kagurangnan nin mga hukbo, sa pagsurog sa Bukid nin Sion.

Isaias 32:19

Alagad mahugpa an uran nin yelo sa mga kadlagan, asin magagaba an syudad.)

Isaias 33:14

Nagtatakig sa katakotan an mga makasalan sa Sion. Nagsasabi sinda, “An paghukom nin Dios nakakaagid sa sarong kalayo na naglalaad sagkod pa man. Mabubuhay daw an saro sato sa siring na kalayo?”

Isaias 4:6

Lilindongan kan saiyang kamurawayan an syudad sa init kan aldaw asin gigibohon niyang sarong lugar na ligtas, harayo sa bagyo saka sa uran.

Isaias 51:9

Pagmata, Kagurangnan, asin kami saimong tabangan! Gamita an saimong kapangyarihan asin kami ligtasan; gamita iyan siring kan ginibo mo kaidtong panahon. Ika an nagperedaso kan impakto sa dagat na si Rahab.

Isaias 52:10

Gagamiton nin Kagurangnan an banal niyang kapangyarihan; ililigtas niya an saiyang banwaan, asin mahihiling iyan kan bilog na kinaban.

Isaias 62:8

An Kagurangnan naggibo nin banal na panuga, asin gigibohon niya iyan huli kan saiyang kapangyarihan: “An saimong inani dai na nanggad magigin pagkakan kan saimong mga kaiwal, asin an saimong arak dai na nanggad iinomon kan mga dayuhan.

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Isaias 66:16

Sa paagi kan espada asin kalayo papadusahan niya an gabos na tawo sa daga, mga tawong nagkasala—asin dakul sainda an magagadan.

Jeremias 25:32

An Kagurangnan nin mga hukbo nagsasabi na maabot an karatan sa lambang nasyon, asin sarong makosog na bagyo an nag-iitaas hale sa harayong mga poro kan kinaban.

Ezekiel 10:5

An ribok kan pakpak kan mga kerubin nadangog sagkod sa patyong nasa luwas. An tanog garo arog kan tingog kan Makakamhan na Dios.

Ezekiel 13:13

Kaya ini an tataramon nin Kagurangnan Dios: “Sa sakuyang kaanggotan, mapadara ako nin bagyo saka uran, nin makosog na uran, nin yelo tanganing rumpagon an kudal.

Joel 2:5

Mantang naglulukso sinda sa mga alitoktok kan kabukidan, an ribok ninda arog sa ribok nin mga karwahe; nagkikirikiti sinda arog sa alang na doot na nasusulo. Nakalinya sinda siring sa sarong dakulang hukbo na andam sa pakilaban.

Amos 1:14

kaya papadarahan ko nin kalayo an mga kudal kan syudad nin Rabba asin susuloon ko an mga bantayan kaiyan. Dangan magkakaigwa nin kinurahaw sa aldaw nin gera, asin an ralaban magigin mangirhat siring sa sarong bagyo.

Mikas 1:4

Matutunaw an kabukidan sa irarom niya arog kan taro sa kalayo; maburulos sinda pasiring sa mga kapantayan siring sa tubig na nagbubulos hale sa bulod.

Mateo 24:7

Huli ta an sarong nasyon malaban sa kapwa nasyon; an sarong kahadean malaban sa kapwa kahadean. Magkakaigwa nin gutom asin paglinog saen man na lugar.

Lukas 1:51

Nagpahiling siya nin kosog nin saiyang kamot, winarak niya an mga mapaabaw-abaw sagkod an gabos nindang kaisipan.

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

Josue 10:10

Ginibo nin Kagurangnan na magkatarakot an mga Amoreo pagkahiling sa hukbo nin Israel. Ginaradan sinda kan mga Israelita duman sa Gibeon asin linamag sinda sa dalan na paibaba kan Bet-horon sagkod sa Azeka asin Makkeda.

Josue 10:11

Mantang nagdudurulag an mga Amoreo sa hukbo kan Israel duman sa dalan na paibaba kan Bet-horon, pinauranan sinda nin Kagurangnan nin yelo na garo mga gapo sagkod sa Azeka; mas dakul sainda an nagadan sa yelo ki sa nagadan kan mga Israelita.

Kapahayagan 1:15

An saiyang mga bitis nagsisilyab arog kan bronseng tinunaw sa kalayo saka pinakintab; an saiyang tingog makosog arog kan hinagawak kan busay.

Kapahayagan 11:19

Dangan nabuksan an templo nin Dios sa langit, kaya nahiling an Kaban nin Tipan nin Dios. Nagkaigwa nin mga kikilat, hagubohob, daguldol, linog saka makosog na uran nin yelo.

1 Samuel 7:10

Mantang idinodolot ni Samuel an atang, nagpadagos sa pagsalakay an mga Filisteo; alagad nagdaguldol sa makosog na tingog an Kagurangnan laban sa mga Filisteo kan aldaw na idto. Nagkarilibong sinda asin nagdurulag sa takot.