Isaias 30:3 - Marahay na Bareta Biblia

³ Alagad mayo nin magigibo an hade sa pagtabang sainda, asin an pagsurog sainda kan Egipto mabunga nin kapahamakan.

Isaias 30:3 ပူးပေါင်းရင်းမြစ်များ

2 Mga Hade 18:21

Nagsasarig siya ngunyan sa Egipto, an baring sugkod na bariw na matusok nin kamot kan siisay man na minasarig saiya? Arog kaiyan an hade nin Egipto sa gabos na minasarig saiya.”

Salmo 108:12

Tabang tumang sa kaiwal itao mo samo, huli ta mayong halaga an tabang nin tawo.

Mga Talinhaga 25:19

Garo ngipon na naggigilo-gilo o bitis na pilay an parapasaluib na sinasarigan sa panahon nin kahaditan.

Isaias 20:5

Dangan panruruluyahon saka magkakamurongnan sinda huli ta ibinugtak ninda an saindang paglaom sa Etiopia asin ipinag-orgulyo ninda an Egipto.

Isaias 20:6

Pag-abot kan panahon na iyan, masabi an mga nag-eerok sa baybayon kan Filistea, ‘Hilinga! Iyo ini an mangyayari sa satong linaoman asin hinagadan nin tabang tanganing surogon kita sa hade nin Asiria! Paano kita makakadulag?’”

Isaias 36:6

Nagsasarig kamo ngunyan sa Egipto, an baring sugkod na bariw, na matusok kan kamot kan siisay man na minasarig saiya. Arog kaiyan an hade nin Egipto sa gabos na minasarig saiya.”

Jeremias 2:36

Hinalean mo nin halaga an saimong sadiri huli sa pagsunod sa mga dios-dios kan ibang mga nasyon. Sosopogon ka kan Egipto, siring kan ginibo saimo kan Asiria.

Jeremias 42:18

“Nagtataram an Kagurangnan, an Dios nin Israel, ‘Kun paano ko inula an sakong labi-labing kaanggotan sa mga taga Jerusalem, siring man iuula ko an sakong kaanggotan sa saindo kun magduman kamo sa Egipto. Kamo magigin sarong nakakatakot na tanawon; susubahan kamo kan mga tawo asin gagamiton ninda an saindong ngaran bilang sarong maldisyon. Dai na nanggad nindo mahihiling an lugar na ini.’”

Jeremias 42:22

Kaya giromdoma nindo ini: magagadan kamo sa gera o sa gutom o sa peste sa daga na boot nindong dumanan saka erokan.”

Jeremias 46:25

Nagsasabi an Kagurangnan nin mga hukbo, an Dios nin Israel, “Papadusahan ko si Amon, an dios-dios nin Tebes, kaiba an Egipto asin an mga dios-dios saka an mga hade kaini. Kukuahon ko an hade nin Egipto asin an gabos na nananarig sa saiya,

Ezekiel 29:7

Nabari ka kan kapotan ka ninda dangan natusok an saindang mga yukyuk; nabari ka kan sandigan ka ninda dangan nabari an saindang piad.

Oseas 10:6

Dadarahon iyan sa Asiria bilang buhis sa dakulang emperador. Mapapasopog an Israel huli kan hatol na saiyang sinunod.

Roma 10:11

Nagsasabi an kasuratan, “Mayo nin siisay man na nagtutubod saiya na mapapasopog.”

Roma 5:5

Dai kita pinapasopog kan paglaom na ini, huli ta pinano nin Dios an satong mga puso kan saiyang pagkamoot sa paagi kan Espiritu Santo na itinao niya sato.