Isaias 30:28 - Marahay na Bareta Biblia

²⁸ Sinusugo niya an doros sa saiyang enotan siring sa baha na minadara kan gabos na maaagihan kaiyan. Sinisighid kaiyan an mga nasyon sa saindang kapahamakan asin tinatapos an mga maraot nindang mga plano.

Isaias 30:28 ပူးပေါင်းရင်းမြစ်များ

2 Samuel 17:14

Nagsabi si Absalom asin an gabos na Israelita, “Mas marahay an hatol ni Husai ki sa hatol ni Ahitofel.” Pinangyari nin Kagurangnan na dai pagsunodon an marahay na hatol ni Ahitofel, tanganing kapahamakan an mag-abot ki Absalom.

2 Mga Hade 19:28

Huli kan kaanggotan mong iyan tumang sako, asin kan kapaabaw-abawan na nakaabot sa sakong pandangog, ibubugtak ko an sarong kawit sa saimong dungo asin an sarong busal sa saimong ngoso, dangan pababalikon taka sa dalan na saimong hinalean.”

An Libro ni Job 39:17

huli ta ginibo ko na malingawan niya an kadonongan, asin dai ko siya tinawan nin pakasabot.

Salmo 18:15

Dangan nahiling an kairaroman nin kadagatan, asin nahayag an mga pundasyon kan kinaban, kan tuyawon mo an saimong mga kaiwal, Kagurangnan, asin kurahawan sinda sa kaanggotan.

Salmo 32:9

Dai mo pag-arogon an sarong kabayo o sarong mula, na mayo nin pakasabot, na kaipuhan bugtakan nin busal saka renda tanganing magsunod.”

Mga Talinhaga 26:3

An latigo para sa kabayo, an busal para sa asno, asin an pamakol para sa lolong na tawo.

Isaias 11:4

kundi sa katanosan huhukoman niya an dukha, asin hahatolan niya an mga mahuyo kan kinaban na mayo nin pinapalaen. Sa saiyang pagboot an mga tawo papadusahan, asin an mga maraot magagadan.

Isaias 17:13

Nagdadangadang an mga nasyon siring sa nagdadangadang na mga alon, alagad sasagweon sinda nin Dios asin madurulag sinda; ipapadpad sinda siring sa alpog sa may bulod, siring sa dagami sa sarong aripuros.

Isaias 17:14

Sinda an dahelan nin takot pagkabanggi, alagad pagkaaga, mayo na sinda. Iyan an nangyayari sa kiisay man na masamsam kan satong daga.

Isaias 19:3

Dai ko papangyarihon an mga plano kan mga Egipcio asin hahaleon ko an saindang kosog nin boot. Makikihumapot sinda sa mga ladawan, sa mga parakulam, sa mga nakikihumapot sa mga gadan asin sa mga salamangkero.

Isaias 28:15

Ipinag-oorgulyo nindo na nakipagtipan kamo sa kagadanan asin nagkaoroyon kamo saka an kinaban kan mga gadan. Nagsasabi man kamo na dai kamo maaano pagdatong kan kahorasaan, huli ta nagsasarig kamo sa kaputikan asin sa daya tanganing magin ligtas kamo.

Isaias 28:2

An Kagurangnan igwa nin sarong tawong makosog asin mapangyari na andam sa pagsalakay sainda. Madatong siya siring sa bagyo, siring sa makosog na uran; madatong siya siring sa makosog na baha, asin dadaogon niya an daga.

Isaias 29:6

ililigtas ka kan Kagurangnan nin mga hukbo sa paagi nin daguldol, bagyo, asin linog. Mapadara siya nin mga aripuros, bagyo, asin nanghahalon na kalayo.

Isaias 30:29

Alagad kamo, banwaan nin Dios, magigin maogma asin mag-aawit kamo siring kan saindong ginigibo sa pagkabanggi nin sarong banal na pyesta. Magigin maogma kamo siring sa mga naglalakaw sa tugtog kan plawta pasiring sa Templo nin Kagurangnan, an Gapo nin Israel.

Isaias 30:33

Haloy nang panahon na inandam an sarong lugar saen susuloon an hade kan Asiria sa sarong dakulang kalayo. Hararom saka mahiwas an lugar, asin halangkaw an tambak nin kahoy. An Kagurangnan an mahangos nin kalayo nganing makutan iyan.

Isaias 37:29

Huli kan kaanggotan mong iyan tumang sako asin kan kapaabaw-abawan mong nakaabot sa sakong pandangog, bubugtakan taka nin salongasing saka renda dangan ibabalik taka sa hinalean mo.”

Isaias 59:19

Magpoon sa sirangan sagkod sa solnopan, an saiyang dakulang kapangyarihan, katatakotan kan gabos. Maabot siya siring sa sarong masulog na salog, arog sa sarong makosog na doros.

Isaias 63:17

Tadaw ta itinugot mong maglagalag kami sa saimong mga dalan? Tadaw ta pinatagas mo an samong mga payo kun kaya nagtalikod kami saimo? Magbalik ka, huli na lamang sa mga tawong naglilingkod saimo, huli na lamang sa banwaan na danay na sadiri mo.

Isaias 8:8

Mabulos iyan sa bilog na Juda siring sa sarong baha na minalangkaw paliog asin minatahob kan gabos.” An Dios nasa sato! An saiyang unat na mga pakpak an nag-iingat kan daga.

Oseas 13:3

Kaya magkakawarara an mga tawong siring kaini, arog sa alopoop sa pagkaaga, arog sa ambon na nawawara amay pa an aldaw. Makakaarog sinda sa dagami na ipinapalid kan doros, arog sa asong hale sa sarong pugon.

Amos 9:9

“Ako an magboboot asin an magsasaligsig kan banwaan nin Israel arog kan pagsaligsig sa trigo. Sasaligsigon ko sinda sa tahaw kan mga nasyon tanganing mahale an gabos na mayo nin halaga.

Mateo 3:12

May dara siyang saligsigan nganing saligsigon an gabos na inani. An paroy titiponon niya sa saiyang harong-harong, alagad an ata susuloon niya sa kalayong dai nasisigbo.”

Lukas 22:31

Nagsabi pa an Kagurangnan, “Simon, Simon! Dangoga ako! Hinagad ni Satanas na saligsigon kamo, arog sa trigo.

2 Tesalonica 2:11

Huli kaini ipapairarom sinda nin Dios sa kapangyarihan kan maraot, tanganing mapatubod sinda sa kaputikan.

2 Tesalonica 2:8

Dangan matunga an Maraot, alagad gagadanon siya kan hinangos kan Kagurangnan na Jesus asin tutunawon siya kan saiyang mamurawayon na pagpahiling sa oras nin saiyang pagdatong.

Hebreyo 4:12

An tataramon nin Dios buhay saka mapangyari, mas matarom ki kan arin man na espada na doble an tarom. Minalagbas iyan sa sugponan kan kalag saka espiritu, sa sugponan kan ngalongaloan saka hutok nin tolang. Naaaraman kaiyan an kaisipan asin kamawotan nin tawo.

Kapahayagan 1:16

May kapot siyang pitong bitoon sa too niyang kamot, dangan sa saiyang ngoso may nagluwas na sarong espadang doble an tarom. An saiyang lalawogon nagkikintab arog kan liwanag nin aldaw kun odto.

Kapahayagan 2:16

Kaya magbakle kamo! Ta kun dai, madiyan tolos ako dangan lalabanan ko an mga tawong iyan kan espada nin sakong ngoso.