Isaias 30:23 - Marahay na Bareta Biblia

²³ Sa panahon na magtanom kamo nin banhi, mapadara nin uran an Kagurangnan asin magkakaigwa nin dakul na sabsabon an saindong mga hayop.

Isaias 30:23 ပူးပေါင်းရင်းမြစ်များ

Genesis 41:18

kan maghawas an pitong matataba saka magagayon na baka asin nagsabsab kan doot.

Genesis 41:26

An pitong matatabang baka, pitong taon; asin an pitong purosok na puso nin mais, pito man na taon; saro an kahulogan ninda.

Genesis 41:47

Sa laog nin pitong taon, nagkaigwa nin dakul saka marahay na ani sa daga.

Salmo 36:8

Nagpipyesta sinda sa dakul na pagkakan sa saimong harong; pinapainom mo sinda sa salog nin saimong pagkamarahayon.

Salmo 67:7

Benendisyonan kita nin Dios; matakot logod saiya an gabos na tawo sa kinaban.

Isaias 10:27

Pag-abot kan aldaw na iyan, tatalingkasan ko kamo sa kapangyarihan nin Asiria, asin dai na kamo magagabatan kan sakal na ibinugtak ninda sa abaga nindo.”

Isaias 32:20

An gabos magigin maogma huli sa dakul na tubig para sa saindang tinanom asin huli sa ligtas na pasabsaban saen man na lugar para sa mga asno saka mga baka.

Isaias 4:2

Maabot an panahon na papadakulaon asin papagayonon nin Kagurangnan an gabos na tinanom sa Israel. Mawiwilihan asin ipag-oorgulyo kan mga matatadang mga tawo an bunga kan daga.

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Isaias 58:11

Danay ko kamong papangenotan asin tatawan kan marahay na mga bagay. Papakosogon ko kamo asin dai papahelangon. Makakaagid kamo sa sarong tatamnan na danay na binabaribi, siring sa burabod na dai nanggad nagmamara.

Isaias 65:21

Matugdok nin mga harong an mga tawo asin sinda an mag-eerok diyan—dai iyan gagamiton nin iba. Magtatanom sinda nin mga ubas asin mag-iinom kan arak na hale diyan—bakong iba an mag-iinom kaiyan. Siring sa mga kahoy, mabubuhay nin halawig na panahon an sakong banwaan. Papakinabangan ninda an mga bagay na saindang pinagpagalan.

Jeremias 14:22

Dai nakakapagpauran an mga dios-dios kan mga nasyon; maski na an langit dai nakakapahulog nin uran. Ibinubugtak mi saimo an samong paglaom, O Kagurangnan na samong Dios, huli ta ika an naggigibo kaini gabos.

Oseas 4:16

An mga taga Israel matatagas an payo siring sa mga mula. Paano ko sinda mapapakakan arog sa mga kordero sa sarong mahiwas na pasabsaban?

Levitico 25:19

An daga mamumunga, asin mapapasaindo an gabos na boot nindong kakanon, patin matoninong kamong mag-eerok sa daga.

Levitico 26:3

“Kun kamo mamuhay sosog sa sakuyang mga togon asin magsunod kan sakuyang mga pagboot,

Levitico 26:5

Magigin dakul an saindong aanihon, kaya mantang nag-aani pa kamo kan saindong trigo maabot na an panahon na maguno kamo kan ubas asin mantang nagguguno pa kamo kan ubas, maabot na an panahon nin pagsabwag nin trigo. Mapapasaindo an gabos na boot nindong kakanon asin mamumuhay kamong matoninong sa saindong daga.

Zacarias 10:1

Hagad kamo nin uran sa Kagurangnan pakatapos kan tiglipot, bago mag-abot an tig-init, huli ta siya an naggigibo kan mga dampog, an nagtatao nin dakul na uran tanganing magin berde an kaomahan para sa gabos.

Malakias 3:10

Daraha nindo an bilog na halaga kan saindong mga himoloan sa Templo, tanganing magkaigwa nin dakul na pagkakan duman. Baloa nindo ako asin mahihiling nindo na bubukasan ko an mga bintana nin kalangitan dangan iuula ko sa saindo an nagsusupay na mga marahay na bagay.

Malakias 4:2

Alagad sa saindo na nagkukuyog sa sako, masirang sa saindo arog kan aldaw an sakong nakakaligtas na kapangyarihan, asin magdadara iyan nin kaomayan arog kan saldang kan aldaw. Magigin talingkas asin maogma kamo siring sa mga ogbon nin baka na pinaluwas sa toril.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Deuteronomio 11:14

Kun gibohon nindo ini, papadarahan niya nin uran an saindong daga sa tamang panahon, tanganing magkaigwa kamo nin banhi, arak saka lana nin oliba,

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.