Isaias 30:2 - Marahay na Bareta Biblia

² Nagduduman sinda sa Egipto tanganing maghagad nin tabang maski dai pa sinda naghahagad kan sakong hatol. Boot nindang surogon sinda kan Egipto, kaya ibinubugtak ninda an saindang pagsarig sa hade nin Egipto.

Isaias 30:2 ပူးပေါင်းရင်းမြစ်များ

1 Mga Hade 22:7

Alagad naghapot si Jehosafat, “Mayo na daw nin ibang propeta na pwedeng makihumapot sa Kagurangnan para sato?”

2 Mga Hade 17:4

Alagad nagpadara si Hosea nin mga sugo ki So, an hade nin Egipto sa paghagad nin tabang, asin dai na siya nagbayad kan buhis ki Salmaneser arog kan ginigibo niya taon-taon. Kan maaraman ini ni Salmaneser, ipinadakop niya si Hosea saka ipinabilanggo.

2 Mga Hade 18:21

Nagsasarig siya ngunyan sa Egipto, an baring sugkod na bariw na matusok nin kamot kan siisay man na minasarig saiya? Arog kaiyan an hade nin Egipto sa gabos na minasarig saiya.”

Isaias 16:3

Minasabi sinda sa mga taga Juda, “Sabihi kami kun ano an samong dapat na gibohon. Suroga kami siring sa sarong kahoy na nagtatao nin malipot na lindong kun odto, asin tugote kaming magpahingalo sa saindong limpoy. Nakadulag kami sa mga naglalamag samo; tagoa kami sa lugar na mayo nin makakakua samo.

Isaias 18:1

Sa enotan kan mga salog nin Etiopia, igwa nin sarong daga saen nadadangog an kupad-kupad nin mga pakpak.

Isaias 36:6

Nagsasarig kamo ngunyan sa Egipto, an baring sugkod na bariw, na matusok kan kamot kan siisay man na minasarig saiya. Arog kaiyan an hade nin Egipto sa gabos na minasarig saiya.”

Isaias 36:9

Tadaw ta malaban siya sa sarong hababang opisyal nin Asiria, mantang naglalaom siya sa Egipto na papadarahan siya nin mga karwahe saka mga parakabayo?

Isaias 8:19

Alagad sasabihan kamo kan mga tawo na maghagad nin mga mensahe sa mga parahula saka mga nakikiolay sa mga gadan na naghuhuni asin nagugumodgumod. Masabi sinda, “Kaipuhan makihumapot an mga tawo sa mga espiritu asin maghapot sa gadan para sa mga buhay pa.”

Jeremias 2:18

Ano an papakinabangon mo sa pagduman sa Egipto, tanganing mag-inom kan tubig kan Salog nin Nilo? Ano an papakinabangon mo sa pagduman sa Asiria, tanganing mag-inom kan tubig nin Eufrates?

Jeremias 21:2

“Makiolay ka sa Kagurangnan para samo, huli ta an syudad sinasalakay ni Hadeng Nebukadnezzar nin Babilonia asin kan saiyang hukbo. Tibaad pa gibohon sato kan Kagurangnan an saro kan saiyang mga ngangalasan asin paatrason niya si Nebukadnezzar.”

Jeremias 37:5

Pinapalibotan na an Jerusalem kan hukbo nin Babilonia kan madangog ninda na nagbalyo na sa pagdolonan nin Egipto an hukbo kan Egipto, kaya nag-atras sinda.

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Jeremias 42:20

na magabat an ginigibo nindong karatan. Hinagad nindo sako na mamibi sa Kagurangnan na satong Dios para saindo, saka nanuga kamo na gigibohon nindo an gabos na pagboot niya.

Jeremias 43:7

Dai ninda kinuyog an pagboot nin Kagurangnan asin nagduman sa Egipto sagkod sa syudad nin Tafanhes.

Mga Panambitan 4:20

Binihag ninda an ginikanan kan samong buhay, an hade na linahidan nin Kagurangnan, an samong sinarigan na maingat samo sa lambang parasalakay.”

Oseas 7:13

“Herak man sainda, huli ta tinalikodan ninda ako asin nagrebelde sinda sako! Magkakagaradan sinda! Boot ko kutanang iligtas sinda, alagad bakong totoo an pagsamba ninda sako.

Oseas 8:10

Alagad titiponon ko na sinda asin papadusahan. Madali na sindang mamiripit sa kulog kun poonan na sindang apihon kan emperador nin Asiria.

Oseas 8:9

Matagas an saindang payo arog sa mga lalaw na asno; nagsadiri sinda nin dalan na lalakawan. Nagduman sinda sa Asiria tanganing magpatabang, asin nagbayad sinda sa ibang nasyon tanganing surogon sinda.

Mga Bilang 27:21

Magsasarig siya sa pading si Eleazar na makakaaram kan sakong kabotan para saiya huli sa paggamit kan Urim asin Tummim. Sa paaging ini gigiyahan ni Eleazar si Josue asin an bilog na komunidad sa gabos nindang gigibohon.”

Deuteronomio 28:68

Lunad nin mga barko, ibabalik kamo nin Kagurangnan sa Egipto, maski ngani nangako na siya na dai na kamo ibabalik duman. Ipapabakal nindo duman sa saindong mga kaiwal an saindong sadiri bilang mga oripon alagad mayo nin mabakal saindo.”

Josue 9:14

Inako kan mga kamagurangan an pagkakan ninda, alagad dai ngona nakihumapot sa Kagurangnan.

Hukom 9:15

Nagsimbag an binit, ‘Kun talagang boot nindo akong gibohon na saindong hade, madya asin sirong kamo sa sakong limpoy. Kun habo kamo, maluwas sa sakong matonok na mga sanga an kalayo na matutong kan mga sedro nin Lebanon.’