Isaias 30:1 - Marahay na Bareta Biblia

¹ Nagtaram an Kagurangnan: “Herak man sa mga namamayo sa Juda huli ta nagtumang sinda sako. Sinusunod ninda an mga plano na bako ako an naggibo, asin nakikipagtipan sinda tumang sa sakong kabotan; dinadagdagan pa ninda an saindang mga kasalan.

Isaias 30:1 ပူးပေါင်းရင်းမြစ်များ

2 Mga Hade 18:21

Nagsasarig siya ngunyan sa Egipto, an baring sugkod na bariw na matusok nin kamot kan siisay man na minasarig saiya? Arog kaiyan an hade nin Egipto sa gabos na minasarig saiya.”

2 Mga Hade 18:24

Tadaw ta malabna siya sa sarong hababang opisyal nin Asiria, mantang naglalaom siya sa Egipto na papadarahan siya nin mga karwahe saka parakabayo?

Salmo 61:4

Sagkod pa man tugotan mo akong mag-erok sa saimong santwaryo, ligtas sa lindong kan mga pakpak mo.

Isaias 1:2

Pagdangog, O kalangitan, asin paghinanyog, O daga; huli ta nagtaram an Kagurangnan, “Nagpadakula ako nin mga aking lalaki, alagad nagrebelde sinda tumang sako.

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Isaias 1:4

Nasyon na makasalan! Banwaan na pano nin karatan! Aki nin mga paragibo nin maraot; mga aking lalaki na an gibo kabikoan! Isinikwal ninda an Kagurangnan. An banal nin Israel, saindong binasang-basang; siya saindong tinalikodan.

Isaias 1:5

Tadaw ta padagos kang nagrerebelde? Boot mo pang madugangan an saimong padusa? Makulog an bilog mong payo, nanluluya an puso mo.

Isaias 28:15

Ipinag-oorgulyo nindo na nakipagtipan kamo sa kagadanan asin nagkaoroyon kamo saka an kinaban kan mga gadan. Nagsasabi man kamo na dai kamo maaano pagdatong kan kahorasaan, huli ta nagsasarig kamo sa kaputikan asin sa daya tanganing magin ligtas kamo.

Isaias 28:20

Makakaarog kamo kan lalaki sa talinhaga, na naghingowang magkatorog sa sarong katre na halipot para saiya, na may tamong na sadit nin marahay tanganing matahoban siya.

Isaias 29:15

Herak man sa mga nagtatago sa Kagurangnan kan saindang mga plano! Ginigibo ninda iyan sa hilom asin naghohona sinda na mayo nin nakakahiling sainda o mayo nin nakakaaram kan saindang ginigibo.

Isaias 30:9

Matumang sinda sa Dios, danay na nagpuputik, danay na nagtatalikod sa katukdoan nin Kagurangnan.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Isaias 4:5

Dangan sa ibabaw kan Bukid nin Jerusalem asin sa mga nagkatiripon duman, mapadara an Kagurangnan nin dampog sa aldaw, asin aso saka sarong maliwanag na kalayo sa banggi. An bilog na syudad tatahoban asin iingatan kan kamurawayan nin Dios.

Isaias 5:18

Herak man sa naggigibo nin karatan huli sa saindang kaputikan. Herak man sa mga naggigibo nin kasalan asin dai nakakatalingkas diyan,

Isaias 63:10

alagad nagrebelde sinda tumang saiya asin pinamondo ninda an saiyang espiritu. Kaya nagin kaiwal ninda an Kagurangnan asin linabanan niya sinda.

Isaias 65:2

Danay akong andam sa pag-ako kan sakong banwaan, an mga tawong padagos sa paggibo nin maraot asin sa paglakaw sa sadiri nindang dalan.

Isaias 8:11

Huli kan saiyang dakulang kapangyarihan, pinatanidan ako nin Kagurangnan na dai magsunod sa dalan na sinusunod kan mga tawo. Nagsabi siya,

Isaias 8:12

“Dai ka mag-apil sa mga plano kan mga tawo asin dai ka matakot sa mga bagay na saindang natatakotan.

Isaias 8:19

Alagad sasabihan kamo kan mga tawo na maghagad nin mga mensahe sa mga parahula saka mga nakikiolay sa mga gadan na naghuhuni asin nagugumodgumod. Masabi sinda, “Kaipuhan makihumapot an mga tawo sa mga espiritu asin maghapot sa gadan para sa mga buhay pa.”

Jeremias 17:5

Nagtataram an Kagurangnan, “Kokondenaron ko an tawong minatalikod sako asin minasarig sa saiyang kapwa, sa kosog nin sarong tawo na magagadanon.

Jeremias 2:18

Ano an papakinabangon mo sa pagduman sa Egipto, tanganing mag-inom kan tubig kan Salog nin Nilo? Ano an papakinabangon mo sa pagduman sa Asiria, tanganing mag-inom kan tubig nin Eufrates?

Jeremias 37:7

na sabihan si Zedekias nin siring, “Nagdadangadang na an hukbo nin Egipto tanganing tabangan ka, alagad mabalik sinda sa Egipto.

Jeremias 4:17

asin mapalibot sa Jerusalem, siring sa mga lalaking nagbabantay sa oma, huli ta an mga tawo duman nagrebelde tumang sa Kagurangnan. An Kagurangnan an nagtaram.

Jeremias 42:19

Nagpadagos ako sa pagtaram, “Sinasabihan kamo nin Kagurangnan, kamo na natada sa Juda, na dai magduman sa Egipto. Kaya pinapatanidan ko kamo ngunyan

Jeremias 5:23

Alagad kamo, mga matagas an saindong mga payo saka mga rebelde kamo; tinalikodan nindo ako saka binayaan.

Ezekiel 11:2

Tinaraman ako nin Dios, “Aki nin tawo, an mga tawong ini nagpaplano nin maraot asin nagtatao nin maraot na hatol sa syudad.

Ezekiel 2:3

“Aki nin tawo, sinusugo taka sa banwaan nin Israel. Nagtumang sinda saka nagtalikod sako; sagkod ngunyan mga rebelde pa sinda arog kan saindang mga ginikanan.

Ezekiel 24:3

Isaysay mo sa sakong rebeldeng banwaan an parabolang ini asin sabihan mo sinda na ini an tataramon nin Kagurangnan Dios: Isunad mo an kaldero, asin panoon mo nin tubig.

Ezekiel 29:16

An mga Israelita dai na nanggad masarig sa Egipto. An nangyari sa Egipto magpapagiromdom sa sainda na nasala sinda sa pagsarig sa nasyon na idto. Dangan maaaraman nin Israel na ako an Kagurangnan Dios.”

Ezekiel 3:9

Gigibohon takang pusog siring sa gapo, matagas siring sa diamante; dai ka matakot sainda huli ta mga rebelde sinda.”

Oseas 11:6

An gera madatong sa saindang syudad asin maraot kan saindang mga trangkahan. Magagadan sa gera an sakong banwaan huli ta ginigibo ninda an hinohona nindang tama.

Oseas 13:2

Padagos sinda sa pagkasala huli sa paggibo nin mga metal na ladawan na pagsasambahon—mga dios-dios na plata, na minukna kan isip nin tawo, na ginibo kan mga kamot nin tawo. Dangan minasabi sinda, “Pagdolot kamo nin mga sakripisyo sa sainda!” Paanong nakakahadok an tawo sa mga dios-dios—mga dios-dios na pormang torong baka!

Oseas 7:13

“Herak man sainda, huli ta tinalikodan ninda ako asin nagrebelde sinda sako! Magkakagaradan sinda! Boot ko kutanang iligtas sinda, alagad bakong totoo an pagsamba ninda sako.

Zacarias 4:6

Tinaraman ako kan anghel na itao ki Zerubabel an mensaheng ini na hale sa Kagurangnan: “Magigin mauswag ka, bakong huli sa kosog nin hukbo o huli sa sadiri mong kosog, kundi huli sa sakong espiritu.

Mga Bilang 32:14

Ngunyan kamo an nakasalihid sa saindong mga ama, sarong bagong henerasyon nin parakasalang mga lalaki na mapaanggot giraray sa Kagurangnan laban sa Israel.

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

Deuteronomio 29:19

Aramon nanggad nindo na mayo nin siisay man digdi na pakatapos na madangog an mga tataramon kan tipan na ini, magsaboot na makakaligtas siya maski maglakaw siya sa katagasan kan saiyang puso. An tawong iyan an magigin dahelan kan pagkagadan nin gabos, marahay man o maraot.

Deuteronomio 9:24

Magpoon na mamidbid ko kamo, nagin matumang na kamo sa Kagurangnan.

Deuteronomio 9:7

“Giromdoma nindo kun paano nindo pinaanggot an Kagurangnan na saindong Dios duman sa kalangtadan. Tinumangan nindo siya poon na maghale kamo sa Egipto sagkod na makaabot digdi.

2 Timoteo 3:13

mantang an mga tawong maraot asin parasagin-sagin, padagos na magigin maraot, mga nandadaya saka nadadaya.

Josue 9:14

Inako kan mga kamagurangan an pagkakan ninda, alagad dai ngona nakihumapot sa Kagurangnan.