Isaias 3:9 - Marahay na Bareta Biblia

⁹ An saindang pagpapalaen an masaksi laban sainda; ipinapahayag ninda an saindang kasalan siring sa Sodoma, dai ninda itinatago iyan. Herak man sainda! Huli ta sinda man sana an nagdara nin kapahamakan sa sainda.

Isaias 3:9 ပူးပေါင်းရင်းမြစ်များ

Genesis 13:13

An nag-eerok sa Sodoma mga maraot na tawo asin mga parakasala sa Kagurangnan.

Genesis 19:34

Sunod na aldaw, nagsabi sa saiyang tugang an matuang aki ni Lot, “Dinorogan ko siya kasubanggi; buraton ta siya giraray ngunyan na banggi asin ika man an magdorog saiya tanganing pareho kitang magkaigwa nin aki sa satong ama.”

Genesis 4:5

alagad dai niya inako si Cain saka an dolot kaini. Kaya naanggot nin marahay si Cain asin nagmorosdot siya.

2 Mga Hade 9:30

Nagduman si Jehu sa Jezreel. Kan mabaretaan ini ni Jezebel, kinoloran niya an palibot kan saiyang mga mata, pinakarahay an buhok asin nagdungaw sa bintana.

Salmo 10:4

An tawong tampalasan dai naghahanap sa Kagurangnan; an gabos niyang nasa isip, “Mayo nin Dios.”

Mga Talinhaga 15:32

An tawong minasikwal nin katukdoan naoongis sa sadiri man sana niya, alagad an naghihinanyog sa hatol magigin madonong.

Mga Talinhaga 30:13

Igwa nin mga tawo na mapaabaw-abaw—naghohona sinda na sinda marahay.

Mga Talinhaga 8:36

An dai nakakakua sako, nagkukulog sa sadiri; an naoongis sako, namomoot sa kagadanan.”

Isaias 1:10

Jerusalem, an saimong mga pamayo asin banwaan nakakaarog sa taga Sodoma saka Gomorra. Dangoga an itinataram saimo nin Kagurangnan. Hinanyoga an itinutukdo saimo kan saimong Dios.

Isaias 3:16

Nagtaram an Kagurangnan: “Huli ta mapalangkaw an mga aking babae nin Jerusalem, tuog an liog kun maglakaw, pasurusikrap kan saindang mga mata, garo nagduduyan an lubot, asin nagpapatanog kan mga pulseras sa saindang mga bitis,

Isaias 57:20

Alagad an mga maraot nakakaagid sa dagat na parating maalon, na dai nagkakalma, asin an saiyang tubig nagdadara nin laboy saka ati.

Isaias 59:12

“Kagurangnan, kadakul na karatan an nagibo mi laban saimo; nagsasaksi an samong kasalan laban samo. Aram mi iyan gabos.

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Jeremias 3:3

Iyan an dahelan kun tadaw ta pinugol ko an uran asin dai nagbulos ini maski sa panahon kan pagtalubo kan mga tinanom. Garo ka sarong maraot na babae; mayo ka nin kasosopgan.

Jeremias 6:15

Kan gibohon ninda an makauuyam na mga bagay na ini, nasopog daw sinda? Dai nanggad sinda nasopog; dai na ngani sinda namumula sa pagkasopog. Kaya mabagsak sinda, arog kan iba; iyan an magigin kataposan ninda kun padusahan ko na sinda. Ako, an Kagurangnan, an nagtaram.”

Jeremias 8:12

Banwaan ko, nasopog daw kamo kan gibohon nindo an makauuyam na mga bagay na ini? Dai nanggad kamo nasopog; dai na ngani kamo namumula sa pagkasopog! Kaya mabagsak kamo arog kan iba; iyan an magigin kataposan nindo kun padusahan ko na kamo. Ako, an Kagurangnan, an nagtaram.

Mga Panambitan 5:16

Mayo nang natada sa mga ipinag-oorgulyo nyamo; nagkasala kami, herak man samo!

Ezekiel 16:30

Ini an tataramon nin Kagurangnan Dios: “Ginibo mo ini gabos siring sa sarong daing sopog na maraot na babae.

Ezekiel 16:49

Nag-orgulyo siya asin an saiyang mga aking babae huli ta igwa sinda nin dakul na kakanon asin nag-eerok sa katoninongan, alagad dai ninda inataman an mga dukha saka an mga daing sukat.

Ezekiel 23:16

Pakahiling niya sainda, napano siya nin marompot na kamawotan dangan nagpadara siya nin mga sugo sainda duman sa Babilonia.

Daniel 7:20

Boot ko man maaraman an dapit sa nagtungang sadit na sungay na nagpatumba kan tolong sungay. Igwa ini nin mga mata saka ngoso na nagtataram nin kapaabaw-abawan. Makangirhat ini ki sa ibang mga sungay.

Oseas 13:9

“Roronoton ko kamo, banwaan nin Israel! Siisay an makakatabang saindo?

Oseas 5:5

An kapaabaw-abawan kan mga taga Israel iyo man sana an nagsasaksi laban sainda. An saindang mga kasalan iyo an nakakapasingkog saka nakakapatumba sainda, asin matutumba kaiba ninda an mga taga Juda.

Roma 6:23

Huli ta an kabayadan nin kasalan iyo an kagadanan; alagad an regalo nin Dios iyo an buhay na mayong kataposan ki Cristo Jesus na satong Kagurangnan.

Kapahayagan 11:8

asin mahuhutad an mga bangkay ninda sa dalan kan dakulang syudad, na inaapod man Sodoma, o Egipto, saen ipinako an saindang Kagurangnan.

1 Samuel 15:32

Nagboot si Samuel, “Daraha nindo sako si Agag na hade kan mga Amalekita.” Maogmang nagdolok saiya si Agag na nagsasaboot, “Totoong nakaagi na an kapaitan nin kagadanan!”