Isaias 3:26 - Marahay na Bareta Biblia

²⁶ Magtatangis asin magmomondo an mga trangkahan nin Jerusalem dangan siring sa sarong babae, huba na matukaw siya sa daga.

Isaias 3:26 ပူးပေါင်းရင်းမြစ်များ

An Libro ni Job 2:13

Dangan nagturukaw sinda sa kaibahan ni Job sa laog nin pitong aldaw asin banggi; dai sinda nagtaram nin anoman saiya, huli ta nahiling ninda na makuri an saiyang pagtios.

An Libro ni Job 2:8

Dangan nagkua si Job nin sarong pedaso kan pasang koron tanganing kagawon an saiyang mga lugad asin nagtukaw siya sa tambak nin abo.

Isaias 14:31

Pagkurahaw asin paghagad nin tabang, kamo gabos na syudad nin Filistia! Magkatarakot kamo gabos! Huli ta may sarong panganoron nin alpog na nagdadangadang hale sa amihan—sarong hukbo iyan na mayo nin matalaw.

Isaias 29:2

dangan an Dios madara nin kasakitan sa syudad na inaapod “altar nin Dios.” Magkakaigwa nin paghibi saka paghaya, asin an bilog na syudad magigin sarong altar na natatahoban nin dugo.

Isaias 32:14

Maski an palasyo babayaan kan mga nag-eerok diyan asin an pangenot na syudad babayaan kan mga namamanwaan. An mga bulod saka an mga bantayan magigin mga erokan nin mga lalaw na hayop, sarong kaogmahan para sa mga lalaw na asno asin sarong pasabsaban para sa mga hayop.

Isaias 33:9

Mayo na nin tinanom an daga asin mayo na nin nag-eerok diyan. Naalang na an kadlagan nin Lebanon, asin nagin siring sa sarong desyerto an matubang na Kapantayan nin Sharon; nagtatakig an mga dahon kan mga kahoy sa Basan asin sa Bukid nin Carmelo.

Isaias 47:1

Nagsasabi an Kagurangnan, “Babilon, humilig ka sa saimong trono, asin tumukaw ka sa alpog kan daga. Kaidto nakakaagid ka sa sarong birhen, sarong syudad na dai nasakop, alagad bako ka nang lumbod asin mabini! Saro ka nang oripon ngunyan!

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Jeremias 14:2

“Nagmomondo an Juda, naghihingagdan an saiyang mga syudad, naghihigda sa daga an mga tawo huli sa kamondoan, asin naghahagad nin tabang an Jerusalem.

Jeremias 15:8

An mga babaeng balo sa daga nindo mas dakul pa ki sa baybay sa tampi kan dagat. Ginadan ko an saimong mga lalaki sa saindang pagkahoben, asin pinatios ko an saindang mga ina. Bigla kong hinampak sinda nin makuring sakit asin takot.

Mga Panambitan 1:1

Mapungaw na nagtutukaw an Jerusalem, na dating pano nin mga tawo! Dakula siya kaidto sa gabos na nasyon, ngunyan arog na sa sarong babaeng balo! Kaidto saro siyang prinsesa sa tahaw nin mga syudad, ngunyan saro nang oripon.

Mga Panambitan 1:4

Nagmomondo an mga dalan pasiring sa Sion huli ta mayong minadalaw para sa mga talaan na pyesta; mapungaw an saiyang mga trangkahan, nag-aagrangay an saiyang kapadian; ginuyod sa harayo an saiyang mga daraga, asin siya mismo nagtitios nin kapaitan.

Mga Panambitan 2:10

An mga kamagurangan nin Jerusalem mayong ribok na nagtutukaw sa daga; nagbugtak sinda nin abo sa payo, asin sa pagmondo naggubing nin sako. An mga daraga nin Jerusalem nagduko na kan saindang mga payo sa daga.

Mga Panambitan 2:8

Kabotan nin Kagurangnan na marumpag an mga kudal nin Sion; sinukol niya iyan tanganing maraot nanggad an gabos. An mga tore saka an mga kudal gabos rumpag na ngunyan.

Ezekiel 12:20

An mga syudad na ngunyan pano nin mga tawo matutunaw asin an daga magigin sarong kalangtadan. Dangan maaaraman ninda na ako an Kagurangnan.”

Ezekiel 26:16

An gabos na hade kan mga nasyon na nasa tampi kan dagat mababa sa saindang mga trono. Huhubaon ninda an saindang mga gubing, asin hahaleon an mga binurdahan nindang mga gubing, dangan nagtatakig na matukaw sa daga. Matatakot nanggad sinda sa nangyayari saindo, kaya dai maontok an saindang pagtakig.

Mikas 1:9

Dai na mabobolong an mga lugad nin Samaria, asin madali na man na magtios sa siring na paagi an Juda; an pagkarumpag nakaabot na sa mga trangkahan nin Jerusalem, sa lugar na pinag-eerokan kan sakong banwaan.”

Mateo 11:17

‘Tinugtogan mi kamo, alagad dai kamo nagsayaw! Nanambitan kami alagad dai kamo nagtangis!’

Lukas 19:44

Roronoton ka ninda sagkod an saimong mga aki; mayo sindang itatadang gapo na nakapatong sa kapwa gapo, huli ta dai mo minidbid an panahon kan pagdalaw nin Dios saimo!”