Isaias 3:23 - Marahay na Bareta Biblia

²³ an mga turban asin an mga belo.

Isaias 3:23 ပူးပေါင်းရင်းမြစ်များ

Genesis 24:65

asin naghapot sa sorogoon ni Abraham, “Siisay an lalaking idto na naglalakaw sa oma sa pagsabat sato?” “Siya an kagurangnan ko,” an simbag kan sorogoon. Kaya kinua ni Rebecca an saiyang belo asin tinahoban an saiyang lalawogon.

Genesis 41:42

Dangan hinugkot kan hade sa saiyang muro an singsing na may selyo asin isiningsing ki Jose. Sinulotan niya ini nin gubing na pinong lino saka binugtakan nin kulintas na bulawan.

1 Mga Cronica 15:27

Gubing na purong lino an sulot ni David; siring man an gubing kan mga paratugtog, ni Kenanias na parapamahala kan mga paratugtog asin kan mga Levita na nagdadara kan Kaban nin Tipan. Nakasulot si David nin efod na lino.

Exodo 38:8

Ginibo niya an bronseng palanggana asin an bronseng tumbawan hale sa mga salming kan mga babaeng naglilingkod sa pintoan kan Tabernakulo.

Awit nin mga Awit 5:7

Nanumpongan ako kan naglilibot na mga bantay kan syudad; hinampak ninda ako asin linugadan; an sakong alikboy inagaw kan mga bantay kan kudal kan syudad.

Isaias 3:22

an magagayon nindang mga gubing, an mga alikboy saka an saindang mga pitaka;

Isaias 3:24

Alagad embes na mamarong nin pahamot, magigin mabata sinda; embes na sarong paha, lubid an gagamiton ninda; embes na marahay na pakasukray na buhok, payo na mayong buhok; embes na sarong magayon na gubing, trapo an igugubing ninda; embes na kagayonan, kasosopgan!

Isaias 47:2

Patalibonga an gilingan! Paggiling nin arina! Halea an saimong belo! Hubaa an magayon mong gubing! Itaasan an gayad kan saimong gubing sa pagbalyo mo nin mga salog.

Ezekiel 16:10

Ginubingan taka nin binurdahan na gubing asin tinawan nin sapatos na anit, nin turban na lino asin sedang alikboy.

Zacarias 3:5

Pinagbotan niya an mga sorogoon na bugtakan nin malinig na turban an payo ni Josue. Kaya binugtakan ninda nin malinig na turban an saiyang payo dangan sinulotan nin bagong gubing mantang nakatindog duman an anghel.

Lukas 16:19

“Igwa kaidto nin sarong mayaman. Mga mamahalon an gubing niya asin masisiram an mga kinakakan aroaldaw.

Kapahayagan 19:14

Nagsunod saiya an mga hukbo nin langit, nakalunad sa mga puting kabayo saka nakagubing nin puti asin malinig na lino.

Kapahayagan 19:8

Itinao na sa nobya an gubing na lino na nagkikintab sa kalinigan.” (An lino iyo an matanos na gibo kan mga banal.)

Ruth 3:15

Sinabihan siya ni Boaz, “Hukasa an saimong alikboy asin ibiklad mo digdi.” Ibiniklad ni Ruth an alikboy saka tinakadan ini ni Boaz nin beynte kilos na sebada asin ibinugtak sa abaga ni Ruth. Dangan nagpuli siya sa banwa na dara an sebada.