Isaias 3:13 - Marahay na Bareta Biblia

¹³ Andam an Kagurangnan sa pagpahayag kan saiyang kaso; nagtitindog siya sa paghukom sa saiyang banwaan.

Isaias 3:13 ပူးပေါင်းရင်းမြစ်များ

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Salmo 74:22

Tindog, O Dios, asin suroga ako; giromdoma na nginingisihan ka kan kaiwal sa bilog na aldaw.

Salmo 82:1

An Dios iyo an namamayo sa langitnon na katiriponan; sa tahaw nin mga dios siya an naghuhukom:

Isaias 1:18

“Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Isaias 51:22

sinusurog kamo nin Kagurangnan na saindong Dios asin nagsasabi, “Uya, hinahale ko na sa saindong kamot an kalis nin sakong kaanggotan. Dai na kamo kaipuhan na mag-inom kan arak na sa saindo nakakapasayasay.

Isaias 66:16

Sa paagi kan espada asin kalayo papadusahan niya an gabos na tawo sa daga, mga tawong nagkasala—asin dakul sainda an magagadan.

Joel 3:12

“Kaipuhan mag-andam an mga nasyon asin magduman sa Kapantayan nin Paghukom. Duman ako, an Kagurangnan, matukaw sa paghukom kan gabos na nasyon sa palibot.

Mikas 6:1

Dangoga an reklamo nin Kagurangnan laban sa Israel. Pagbangon, O Kagurangnan, asin pahayagan an saimong reklamo; padangoga an kabukidan saka kabubuldan kan sasabihon mo.

Mikas 6:2

Kamong mga bukid, asin kamo na nagdadanay na mga pundasyon kan daga; dangoga nindo an reklamo nin Kagurangnan. An Kagurangnan igwa nin reklamo laban sa saiyang banwaan. Sasangatan niya nin kaso an Israel.