Isaias 3:10 - Marahay na Bareta Biblia

¹⁰ Magigin maogma an mga matanos asin magigin marahay an saindang kamugtakan, huli ta magkakakan sinda kan bunga nin saindang kapagalan.

Isaias 3:10 ပူးပေါင်းရင်းမြစ်များ

Genesis 18:25

Aram kong dai mo gagadanon an matanos kaiba kan maraot. Dai mo gigibohon iyan! Kun gibohon mo iyan, madadamay an mga matanos sa pagpadusa kan mga maraot. Imposibleng gibohon mo iyan! Matanos an Hukom kan bilog na kinaban!”

Salmo 58:11

Masabi an mga tawo, “Totoong an mga matanos binabalosan; totoong may Dios na naghuhukom sa kinaban.”

Exodo 1:20

Huli kaini, benendisyonan nin Dios an mga partera asin tinawan niya sinda nin dakul na mga aki. Padagos man na nagdakul asin nagkosog an mga Israelita.

Mga Talinhaga 10:6

An mga bendisyon maabot sa matanos, alagad an ngoso kan maraot nagtatago nin kadahasan.

Mga Talinhaga 12:14

Babalosan ka sosog sa saimong mga tataramon saka mga gibo; makakamtan mo an maninigo sa saimo.

Mga Talinhaga 13:21

An parakasala linalamag kan kasakitan, alagad an matanos binabalosan nin kauswagan.

Mga Talinhaga 18:21

An itinaram mo pwedeng magligtas o magraot nin buhay; kaya dapat mong kakanon an mga bunga kan saimong mga tataramon.

Parahulit 8:12

An sarong parakasala pwedeng gumibo nin ginatos na karatan, asin padagos pang mabuhay. Aram ko kun ano an saindang sinasabi: “Kun kuyogon nindo an Dios, an gabos magigin marahay,

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Jeremias 15:11

Kagurangnan, magkatotoo logod an saindang mga maldisyon kun dai taka pinaglingkodan nin marahay, asin kun dai ako nakimaherak saimo para sa mga kaiwal ko kan sinda nasa kahosayan saka kahaditan. (

Jeremias 21:14

Alagad papadusahan taka sa ginibo mo. Susuloon ko an saimong palasyo, asin an gabos sa palibot kaiyan. Ako, an Kagurangnan, an nagtaram.”

Jeremias 22:15

Naghohona ka daw na saro ka nang hade huli ta nakapatugdok ka nin harong na sedro, na mas magayon ki sa ginibo nin iba? Nakamit kan saimong ama an marahay na buhay. Nagdanay siyang matanos asin onesto, kaya nag-uswag siya sa gabos niyang gibo.

Jeremias 7:23

Alagad ipinagboot ko sainda na kuyogon ako, tanganing ako an magin Dios ninda asin sinda an magin banwaan ko. Tinaraman ko sinda na mamuhay sosog sa ipinagboot ko, tanganing mapakarhay sinda.

Ezekiel 18:20

An nagkakasala iyo an magagadan. An aki dai magtitios huli sa mga kasalan kan saiyang ama, asin an ama dai magtitios huli sa kasalan kan saiyang aki. An marahay na tawo babalosan sosog sa marahay na naginibo niya, asin an maraot na tawo magtitios huli sa maraot na naginibo niya.

Ezekiel 9:4

dangan sinabihan, “Maglibot ka sa bilog na syudad nin Jerusalem asin markahan mo an angog kan lambang saro na nag-aagrangay asin nasasakitan huli kan gabos na makauuyam na mga bagay na ginigibo sa syudad.”

Mikas 7:13

Alagad magigin sarong desyerto an daga huli kan karatan kan mga nag-eerok diyan.

Sofonias 2:3

Magbalik kamo sa Kagurangnan, kamo gabos na mapakumbabang namamanwaan kan daga, na nag-ootob kan saiyang mga pagboot. Giboha nindo an matanos, asin magpakumbaba kamo sa atubang nin Kagurangnan, ta tibaad madulagan nindo an padusa sa aldaw na ipahiling nin Kagurangnan an saiyang kaanggotan.

Malakias 3:18

Mahihiling giraray kan sakong banwaan an kalaenan kan nangyayari sa mga matanos asin sa mga tampalasan, sa tawong naglilingkod sa sako saka sa dai.”

Lukas 19:19

Sinabihan niya ini, ‘Gigibohon takang kagsakop nin limang syudad.’

Deuteronomio 12:25

Kun kuyogon nindo an pagboot na ini, maoogma an Kagurangnan asin mapapakarahay kamo sagkod an saindong kapagarakian.

Hebreyo 6:10

An Dios masuripot. Dai niya malilingawan an mga ginibo nindo asin an pagkamoot na ipinahiling nindo sa mga kapwa Cristiano huli saiya, dangan padagos nindo pang ginigibo.