Isaias 29:9 - Marahay na Bareta Biblia

⁹ Magpadagos kamo sa pagigin lolong! Magpadagos kamo sa pagigin sarong buta! Magburat kamo maski mayo nin arak! Magsayasay kamo maski dai nakainom minsan sarong tagdo!

Isaias 29:9 ပူးပေါင်းရင်းမြစ်များ

Isaias 1:2

Pagdangog, O kalangitan, asin paghinanyog, O daga; huli ta nagtaram an Kagurangnan, “Nagpadakula ako nin mga aking lalaki, alagad nagrebelde sinda tumang sako.

Isaias 19:14

An Kagurangnan an dahelan kan pagtao ninda nin nakakaribong na mga hatol. Kaya sala gabos an ginigibo kan Egipto asin arog siya sa sarong burat na nadadalinas sa sadiring suka.

Isaias 29:1

Herak man sa altar nin Dios, an mismong Jerusalem! Herak man sa syudad na pinagkampohan ni David! Palihisa pa nindo an saro o duwang taon, kaiba an pyesta saka mga pag-oogma,

Isaias 29:10

Huli ta ibinubo saindo nin Kagurangnan an espiritu nin hararom na pagkatorog. Kamong mga propeta iyo kuta an mga mata kan banwaan, alagad binuta kamo nin Dios.

Isaias 49:26

Gigibohon ko na maggaradanan an mga nang-aapi saindo, asin mabuburat sinda sa sadiri nindang dugo arog sa pagkaburat sa arak. Dangan maaaraman kan katawohan na ako an Kagurangnan, an nagliligtas asin nagpapatalingkas saindo. Maaaraman ninda na ako iyo an mapangyaring Dios nin Israel.”

Isaias 51:17

Pagmata, O Jerusalem! Pagmata asin pagbangon! Ininom mo an kalis nin padusa na ipinainom saimo nin Kagurangnan sa saiyang kaanggotan; inubos mo iyan, dangan ika nagsasayasay.

Isaias 56:10

Nagsasabi siya, “Buta an gabos na lider na iyo kutana an mapatanid sa sakong banwaan! Mayo sindang naaaraman. Arog sinda sa mga ayam na dai nagbabatok—mayo sindang ginigibo kundi maghigda saka mangatorogan. Boot sana nindang magkatorog.

Isaias 6:10

Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Isaias 63:6

Sa labi-labi kong kaanggotan, tinimaktimakan ko an mga nasyon asin rinonot sinda. Inula ko an saindang dugo sa daga.”

Jeremias 13:13

Dangan sabihan mo sinda na ako, an Kagurangnan, an mapano sa gabos na nag-eerok sa dagang ini nin arak sagkod na maburat sinda; sa mga hade, na mga kapagarakian ni David, sa mga padi, sa mga propeta, saka sa gabos na taga Jerusalem.

Jeremias 2:12

Kaya pinagbobotan ko an langit na magtakig sa takot, na magngalas saka mamongnan,

Jeremias 23:9

Ronot na an sakong puso, saka nagtatakig ako. Huli sa Kagurangnan, huli kan banal niyang mga tataramon, garo ako sarong burat, sarong tawo na sobra an ininom na arak.

Jeremias 25:27

Dangan tinaraman ako nin Kagurangnan, “Sabihan mo an mga tawo na ako, an Kagurangnan nin mga hukbo, an Dios nin Israel, nagboboot na mag-inom sinda sagkod na maburat saka magsuka, sagkod na matumba saka dai na makatindog, huli kan gera na ipapadara ko sainda.

Jeremias 4:9

Nagtaram an Kagurangnan, “Sa aldaw na iyan manruruluya an boot kan mga hade saka mga opisyal; magkakamorongnan an mga padi asin magngangaralas an mga propeta.”

Jeremias 51:7

An Babilonia nagin arog sa bulawan na kalis sa kamot ko, tanganing buraton an bilog na kinaban. Nag-inom kan saiyang arak an mga nasyon, kaya narungaw sinda.

Mga Panambitan 4:21

Mga taga Edom asin Uz, mag-ogma kamo asin maggayagaya; alagad maabot man saindo an kasakitan; huba man kamong magsasayasay sa kasosopgan.

Habakkuk 1:5

Dangan nagtaram an Kagurangnan sa saiyang banwaan, “Masdan nindo an mga nasyon sa palibot nindo, asin magngangalas kamo sa saindong mahihiling. Magibo ako nin ngangalasan na dai nindo tutubodan kun ioosip sana saindo.

Mateo 26:45

Dangan binalikan niya an mga disipulo asin sinabihan, “Torog pa giraray kamo? Nagpapahingalo pa kamo? Hilinga, an oras dumatong na, asin an Aki nin Tawo itatao sa kamot nin mga parakasala.

Markos 14:41

Sa ikatolong beses binalikan sinda ni Jesus dangan sinabihan, “Torog pa giraray kamo? Nagpapahingalo pa kamo? Tama na iyan! Oras na; an Aki nin Tawo itatao sa kamot nin mga parakasala.

Kapahayagan 17:6

Nahiling ko na an babae naburat kan dugo kan mga banal asin kan dugo kan mga ginadan huli ta nagdanay sindang maimbod ki Jesus. Kan mahiling ko siya, napangalas ako nin marahay.