Isaias 29:8 - Marahay na Bareta Biblia

⁸ An gabos na nasyon na nagtiripon tanganing salakayon an Jerusalem makakaagid sa sarong nagugutom na lalaki na nangatorogan na siya nagkakakan asin nagimatang nagugutom, o siring sa sarong magagadan sa paha na nangatorogan na siya nag-iinom dangan nagimata na may mamarang halonan.

Isaias 29:8 ပူးပေါင်းရင်းမြစ်များ

2 Mga Cronica 32:21

An Kagurangnan nagsugo nin sarong anghel na guminadan kan gabos na soldados saka mga opisyal kan hukbo kan emperador nin Asiria. Kaya sa kasopogan nagbalik ini sa saiyang daga. Dangan kan magduman siya sa templo kan saiyang dios, binuno siya sagkod na magadan kan nagkapira niyang aking lalaki.

Salmo 129:5

Magkasoropog logod asin magsiribog an gabos na naoongis sa Sion.

Salmo 73:20

Arog sinda sa sarong pangatorogan na nawawara pagkaaga; pagmata mo, Kagurangnan, nagkakawarara sinda.

Isaias 41:11

“Mamamatean kan mga naaanggot saimo an sosog nin pagkadaog. An mga nakikilaban saimo magagadan

Isaias 41:12

asin mawawara sa daga.

Isaias 44:12

An panday sa metal minakua nin sarong pedasong metal dangan binabaga iyan sa kalayo. Dangan pinupulpog niya iyan nin martilyo asin nagkakaigwa iyan nin porma huli kan makokosog niyang braso. Mantang nagtatrabaho, nagugutom siya, napapaha asin napapagal.

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Nahum 1:15

Hilinga! Igwang sarong sugo na nagdadangadang sa kabukidan dara an marahay na bareta! Nagdadangadang siya tanganing ipahayag an kapangganahan! Banwaan nin Juda, selebraron mo an saimong mga pyesta asin itao mo sa Dios an ipinanuga mo saiya. Dai na nanggad sasalakayon kan mga maraot an saimong daga; nagkagaradan na sinda gabos!

Nahum 2:1

Nineve, sinasalakay ka! An kapangyarihan na marumpag saimo nagdatong na. Bugtaki nin mga bantay an mga depensa! Bantayi an mga tinampo! Pag-andam sa pakilaban! (