Isaias 29:7 - Marahay na Bareta Biblia

⁷ Dangan an gabos na hukbo kan mga nasyon na nagsasalakay sa syudad nin altar nin Dios, an saindang mga armas saka kagamitan—an gabos—mapapara siring sa sarong pangatorogan, siring sa sarong bisyon sa banggi.

Isaias 29:7 ပူးပေါင်းရင်းမြစ်များ

An Libro ni Job 20:8

Mawawara siya siring sa pangatorogan, siring sa sarong bisyon sa banggi, asin dai na mahihiling giraray.

Salmo 73:20

Arog sinda sa sarong pangatorogan na nawawara pagkaaga; pagmata mo, Kagurangnan, nagkakawarara sinda.

Isaias 17:14

Sinda an dahelan nin takot pagkabanggi, alagad pagkaaga, mayo na sinda. Iyan an nangyayari sa kiisay man na masamsam kan satong daga.

Isaias 37:36

Sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga, nahiling sindang nahuhutad, gabos gadan!

Isaias 40:17

An gabos na nasyon mayo nin halaga sa saiyang atubang.

Nahum 1:15

Hilinga! Igwang sarong sugo na nagdadangadang sa kabukidan dara an marahay na bareta! Nagdadangadang siya tanganing ipahayag an kapangganahan! Banwaan nin Juda, selebraron mo an saimong mga pyesta asin itao mo sa Dios an ipinanuga mo saiya. Dai na nanggad sasalakayon kan mga maraot an saimong daga; nagkagaradan na sinda gabos!

Nahum 2:1

Nineve, sinasalakay ka! An kapangyarihan na marumpag saimo nagdatong na. Bugtaki nin mga bantay an mga depensa! Bantayi an mga tinampo! Pag-andam sa pakilaban! (

Zacarias 12:9

Sa panahon na iyan, roronoton ko an arin man na nasyon na maghingowang salakayon an Jerusalem.