Isaias 29:6 - Marahay na Bareta Biblia

⁶ ililigtas ka kan Kagurangnan nin mga hukbo sa paagi nin daguldol, bagyo, asin linog. Mapadara siya nin mga aripuros, bagyo, asin nanghahalon na kalayo.

Isaias 29:6 ပူးပေါင်းရင်းမြစ်များ

2 Samuel 22:14

An Kagurangnan nagdaguldol sa kalangitan; asin nadangog an tingog kan Kahorohalangkawe.

Salmo 55:8

Hidali akong mahanap nin pailihan sa makosog na doros asin bagyo.”

Isaias 10:3

Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Isaias 26:14

Garadan na sinda ngunyan asin dai na mabubuhay giraray; dai na mabangon an saindang mga kalag, huli ta pinadusahan mo sinda asin saimong ginadan. Mayo nang nakakagiromdom sa sainda ngunyan.

Isaias 26:21

Huli ta madatong an Kagurangnan hale sa langitnon niyang erokan tanganing padusahan an mga tawo kan saindang mga kasalan. An mga panggagadan na ginibo sa hilom mahahayag, asin dai na tatagoon kan daga an mga bangkay kan mga nagkagaradan.

Isaias 28:2

An Kagurangnan igwa nin sarong tawong makosog asin mapangyari na andam sa pagsalakay sainda. Madatong siya siring sa bagyo, siring sa makosog na uran; madatong siya siring sa makosog na baha, asin dadaogon niya an daga.

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Isaias 31:9

Huli sa takot, madulag an saindang hade, asin babayaan kan mga opisyal an saindang mga banderang panggera huli sa makuring pagkatakot.” An Kagurangnan an nagtaram—an Kagurangnan na sinasamba sa Jerusalem asin an saiyang kalayo naglalaad duman para sa mga sakripisyo.

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Ezekiel 38:22

Papadusahan ko siya sa paagi nin peste asin garadanan. Mahugpa sa saiya, sa saiyang hukbo asin sa mga nasyon na nag-apil saiya an uran asin an yelo, kaiba an kalayo saka asupre.

Amos 1:14

kaya papadarahan ko nin kalayo an mga kudal kan syudad nin Rabba asin susuloon ko an mga bantayan kaiyan. Dangan magkakaigwa nin kinurahaw sa aldaw nin gera, asin an ralaban magigin mangirhat siring sa sarong bagyo.

Nahum 1:3

An Kagurangnan bakong madaling maanggot, alagad mapangyari siya asin pinapadusahan nanggad niya an may kasalan. Sa linalakawan nin Kagurangnan, minatunga an mga bagyo; an mga panganoron iyo an alpog na nasusudsod kan saiyang mga bitis!

Zacarias 14:5

An kapantayan na ini na minabanga kan bukid iyo an saindong aagihan sa pagdulag. Madulag kamo arog kan mga ginikanan nindo kan maglinog sa panahon ni Hadeng Uzzias nin Juda. Dangan madatong an Kagurangnan na sakong Dios, kaiba an gabos niyang mga anghel.

Mateo 24:7

Huli ta an sarong nasyon malaban sa kapwa nasyon; an sarong kahadean malaban sa kapwa kahadean. Magkakaigwa nin gutom asin paglinog saen man na lugar.

Markos 13:8

Huli ta an sarong nasyon malaban sa magkasi nasyon, an sarong kahadean malaban sa magkasi kahadean. Maglilinog sa manlaen-laen na lugar, asin magkakaigwa nin gutom. An gabos na ini kapinonan pa sana kan mga titioson.

Lukas 21:11

malinog nin makosog, asin magkakaigwa nin gutom saka peste sa manlaen-laen na lugar; magkakaigwa nin makangingirhat saka darakulang tanda hale sa kalangitan.

Kapahayagan 11:13

Kan oras man sanang iyan naglinog nin makosog asin narumpag an ikasampolong kabtang kan syudad; pitong ribo katawo an nagadan. Sa makuring takot kan mga natadang buhay, inomaw ninda an Dios nin langit.

Kapahayagan 11:19

Dangan nabuksan an templo nin Dios sa langit, kaya nahiling an Kaban nin Tipan nin Dios. Nagkaigwa nin mga kikilat, hagubohob, daguldol, linog saka makosog na uran nin yelo.

Kapahayagan 16:18

Nagkaigwa nin kikilat, makosog na urogudog, daguldol saka makosog na linog. Mayo pa nin siring kakosog na linog poon na lalangon an tawo; ini an pinakakosog sa gabos!

1 Samuel 2:10

Magkakaturunaw an mga kaiwal nin Kagurangnan; laban sainda, madaguldol siya sa kalangitan. An Kagurangnan an mahukom sa bilog na kinaban; tatawan niya nin kosog an saiyang hade, ilalangkaw niya an kapangyarihan kan saiyang pinili.”