Isaias 29:16 - Marahay na Bareta Biblia

¹⁶ Binabalintong ninda an gabos. Arin an orog na mahalaga, an paragibo nin koron o an laboy? Makakataram daw sa tawong kaggibo saiya an anoman asin magsabing, “Bakong ika an naggibo sako”? O pwede daw magsabi iyan saiya nin, “Dai ka tatao kan saimong ginigibo”?

Isaias 29:16 ပူးပေါင်းရင်းမြစ်များ

Salmo 103:14

Aram niya kun hale sa ano kita ginibo; romdom niya na kita mga kabokabo.

Isaias 10:15

Alagad nagtataram an Kagurangnan, “Makasabi daw an patok na mas dakula siya ki sa tawong naggagamit kaiyan? Mas dakula daw an lagadi ki sa tawong naggagamit kaiyan? Dai man binubuhat kan pamakol an tawo; an tawo an minabuhat kan pamakol.”

Isaias 24:1

Raraoton nin Kagurangnan an kinaban asin babayaan niya iyan na mamondo. Bibiribidon niya an ibabaw kan daga asin iwawarak niya an mga tawo.

Isaias 64:8

Alagad ika an samong ama, Kagurangnan. Garo kami laboy, asin arog ka sa paragibo nin koron. Ika an naglalang samo,

Mga Gibo 17:6

Kan dai ninda nakua an mga ini, ginuyod ninda si Jason saka an nagkapirang tugang asin dinara sa mga awtoridad kan syudad. Nagkurahaw sinda, “Linaog an satong syudad kan mga tawong nagpaparibok saen man sinda makaabot;