Isaias 28:29 - Marahay na Bareta Biblia

²⁹ An gabos na kadonongan na iyan gikan sa Dios, asin danay na nangyayari an siring!

Isaias 28:29 ပူးပေါင်းရင်းမြစ်များ

An Libro ni Job 37:23

Dakula nin marahay an kapangyarihan nin Dios, kaya dai kita nakakadolok saiya; matanos siya asin maimbod sa pagtratar kan katawohan.

An Libro ni Job 5:9

Siya an naggigibo nin darakula saka dai malaladop na mga bagay; makangangalas na mga bagay na dai mabibilang:

Salmo 118:23

Gibo ini nin Kagurangnan; iyan sarong ngangalasan sa satong panghiling!

Salmo 40:5

Dakul na ngangalasan an ginibo mo para samo, O Kagurangnan, na samuyang Dios; mayo nin makakaarog saimo! Magayon an mga plano mo para samo. Kun ako mangahas na ipahayag iyan gabos, sa kadaklan dai ko mauubos!

Salmo 92:5

Kadakula kan saimong mga gibo, Kagurangnan! Hararom na gayo an saimong mga kaisipan!

Salmo 92:6

An sarong mangmang dai kaini makakasabot; an sarong patal dai man kaini makakasabot,

Mga Talinhaga 8:14

Minaplano ako saka ginigibo ko iyan. Igwa ako nin pakasabot asin kosog.

Isaias 28:28

Dai niya sinasayang an trigo sa daing ontok na pagginik kaiyan; liniligis niya iyan nin kariton asin dai naroronot an trigo.

Isaias 31:2

Naaaraman nin Dios an saiyang ginigibo! Nagpapadara siya nin kapahamakan. Pinapatotoohan niya an saiyang mga homa nin pagpadusa sa mga maraot na tawo asin sa mga nagsusurog sa mga ini.

Isaias 41:20

Mahihiling ini kan mga tawo asin maaaraman ninda na ako, an Kagurangnan, an naggibo kaiyan. Dangan masasabotan ninda na an banal na Dios nin Israel an nagboot na mangyari iyan.”

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Jeremias 32:19

dakula an saimong katuyohan asin makangangalas an saimong mga gibo. Nahihiling mo an ginigibo kan tawo, asin binabalosan mo sinda sosog sa saindang gibo.

Roma 11:33

O an kararoman kan mga kayamanan nin kadonongan asin kaaraman nin Dios! Dai matugkad an saiyang mga kaisipan asin dai masabotan an saiyang mga palakaw!