Isaias 28:26 - Marahay na Bareta Biblia

²⁶ Aram niya an saiyang trabaho, huli ta tinukdoan siya nin Dios.

Isaias 28:26 ပူးပေါင်းရင်းမြစ်များ

An Libro ni Job 32:8

Alagad an espiritu na yaon sa tawo, an hinangos nin Makakamhan, iyo an nagpapasabot sa tawo.

An Libro ni Job 35:11

na nagtutukdo sato nin orog ki sa mga hayop kan daga, na nagpapadonong sato ki sa mga gamgam sa kalangitan?’

An Libro ni Job 39:17

huli ta ginibo ko na malingawan niya an kadonongan, asin dai ko siya tinawan nin pakasabot.

Salmo 144:1

Pag-omawon an Kagurangnan, sakong gapo na sinasarigan, sa pakigera ako saiyang tinutukdoan, sa pakilaban ako saiyang inaandam.

Salmo 94:10

Siya an nagsasagwe sa mga nasyon—dai daw niya sinda papadusahan? Siya an paratukdo kan gabos na tawo—mayo daw siya nin pakaaram?

Exodo 28:3

Ipaapod mo an gabos na tawong tinawan ko nin kakayahan, asin sabihan mo sinda na gibohon an mga gubing ni Aaron, tanganing konsagrahon siya bilang padi na malingkod sako.

Exodo 36:2

Inapod ni Moises si Bezalel, si Oholiab asin an iba pang ekspertong lalaki na tinawan nin Kagurangnan nin kakayahan asin boot na magtabang, dangan sinabihan na magpoon nang magtrabaho.

Isaias 28:25

Pakatapos na mapantay niya an daga, bakong tinatanoman na niya iyan nin anis saka komino? Raya-rayang itinatanom niya an trigo saka sebada, dangan an ibang banhi sa palibot kan oma.

Isaias 28:27

Dai nanggad siya minagamit nin magabat na pamakol tanganing lumuwas an mga pisog kan anis o komino, kundi magian sanang pamakol an saiyang ginagamit.

Isaias 28:9

Nagrereklamo sinda dapit sako. Nagsasabi sinda, “Siisay sa paghona kan tawong iyan an saiyang tinutukdoan? Siisay an nangangaipo kan saiyang mensahe? An mensahe niya marahay sana para sa mga aking bago pa sanang butason!

Daniel 1:17

Tinawan nin Dios an apat na hoben na lalaki nin pakaaram asin kabatiran sa literatura saka sa pilosopiya. Laen pa kaini, tinawan pa nin Dios si Daniel nin kadonongan sa pagpaliwanag kan mga bisyon saka mga pangatorogan.

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.