Isaias 28:22 - Marahay na Bareta Biblia

²² Hare nindo pagngisi an patanid na itinatao ko saindo! Kun magngisi kamo, orog na magigin masakit para saindo an pagdulag, huli ta nadangog ko hale sa Kagurangnan Dios nin mga hukbo an sarong pagboot na raoton an bilog na daga.

Isaias 28:22 ပူးပေါင်းရင်းမြစ်များ

2 Mga Cronica 30:10

An mga sinugo naglibot sa lambang syudad sa bilog na teritoryo kan mga tribu ni Efraim saka ni Manases, sagkod sa harayong tribu ni Zabulon, alagad pinagngisihan asin pinagtuyatuya sinda kan mga tawo.

2 Mga Cronica 33:11

Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

Salmo 107:16

Huli ta ginagaba niya an mga bronseng pintoan asin pinuputol an mga barat na lansang.

Exodo 8:25

Ipinaapod kan hade si Moises saka si Aaron dangan sinabihan, “Lakaw asin mag-atang kamo sa saindong Dios digdi sa banwaan na ini.”

Mga Talinhaga 19:29

Inandam na an padusa para sa mga paraolog-olog, asin an pamakol para sa mga lolong.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 28:23

Dangoga nindo ako; hinanyoga nindo an sinasabi ko saindo.

Jeremias 15:17

Dai ko sinayang an sakong panahon sa kaibahan kan mga tawo tanganing mag-ogma saka magpasiram-siram. Nagsolo-solo ako huli ta igwa ka nin ipinagboot sako, asin huli ta pinano mo ako nin kaanggotan.

Jeremias 20:7

Kagurangnan, dinaya mo ako, asin ako nadaya mo. Mas makosog ka ki sa sako, asin dinaog mo ako. Nagin ngingisihan ako sa bilog na aldaw; pinag-oolog-olog ako kan lambang saro.

Jeremias 25:11

An bilog na dagang ini papabayaan na raot asin magigin sarong tanawon na nakakatakot. Dangan an kataraed na mga nasyon maglilingkod sa hade nin Babilonia sa laog nin setentang taon.

Jeremias 36:23

Pakabasa ni Jehudi nin tolo o apat na raya, pinutol kan hade an kabtang na idto sa paagi nin sarong kutsilyo asin itinapok sa kalayo. Siring kaiyan an ginibo niya sagkod na nasulo an bilog na kasuratan.

Jeremias 39:7

Pakatapos kaiyan, ipinahulwat niya an mga mata ni Zedekias saka pinakadenahan tanganing darahon sa Babilonia.

Mga Panambitan 1:14

“Itinala niya an sakong mga kasalan dangan iginakod sa sarong sakal, na ibinugtak sa sakuyang abaga, na nagin dahelan kan sakong panluluya. Itinao ako nin Kagurangnan sa kamot kan mga kaiwal, na dai ko kayang labanan.

Ezekiel 22:14

Naghohona daw kamo na igwa pa kamo nin matatadang isog asin kosog kun gibohon ko na iyan saindo? Ako, an Kagurangnan, an nagtaram asin gigibohon ko iyan.

Nahum 1:9

Ano an pinaplano nindo tumang sa Kagurangnan? Gagadanon niya kamo. Mayo pa nin tawong nakatumang saiya nin makaduwang beses.

Mateo 27:39

An mga tawong nag-aaragi nagtatango-tango na nagtutuya-tuya saiya,

Mateo 27:44

Pinag-insulto man siya kan mga parahabon na ipinako sa krus kaiba niya.

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.

Mga Gibo 17:32

Kan madangog ninda an sinabi ni Pablo dapit sa pagkabuhay liwat, pinagtuya-tuya siya kan iba, alagad an iba man nagsabi, “Boot ming magtaram ka giraray dapit kaini.”