Isaias 28:21 - Marahay na Bareta Biblia

²¹ Makikilaban an Kagurangnan siring kan ginibo niya sa Bukid nin Perazim asin sa kapantayan nin Gibeon, tanganing mangyari an saiyang plano—maski dipisil masabotan an saiyang mga gibo. Tataposon niya an saiyang trabaho, an misteryo niyang trabaho.

Isaias 28:21 ပူးပေါင်းရင်းမြစ်များ

2 Samuel 5:20

Kaya nagduman si David sa Baal-perazim asin dinaog niya duman an mga Filisteo. Nagsabi si David, “Sa atubang ko, linagbas nin Kagurangnan an sakong mga kaiwal arog sa sarong baha.” Kaya an lugar na idto nginaranan Baal-perazim.

2 Samuel 5:25

Ginibo ni David an ipinagboot saiya nin Kagurangnan, asin napadulag niya an mga Filisteo magpoon sa Geba sagkod sa Gezer.

1 Mga Cronica 14:11

Kaya nagduman si David sa Baal-perazim asin dinaog niya duman an mga Filisteo. Nagsabi si David, “Ginamit ako nin Dios tanganing maglusot sa hukbo kan kaiwal arog sa sarong baha.” Kaya an lugar na idto nginaranan Baal-perazim.

1 Mga Cronica 14:16

Ginibo ni David an ipinagboot saiya nin Dios, kaya napadulag niya an mga Filisteo magpoon sa Gibeon sagkod sa Gezer.

Salmo 94:16

Siisay an nagtindog para sako tumang sa mga tampalasan? Siisay an nag-apil sako tumang sa mga paragibo nin karatan?

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 28:19

Titioson nindo iyan aldaw-banggi. An lambang bagong mensaheng hale sa Dios magdadara saindo nin bagong kahandalan!

Isaias 29:14

Kaya uya, magibo giraray ako nin makangangalas na mga bagay sa banwaan na ini. An saindang mga madonong mahahayag na mga lolong, asin an bilog nindang katusohan mawawaraan nin halaga.”

Isaias 29:23

Kun mahiling na nindo an mga aki na itatao ko saindo, aakoon nindo na ako an banal na Dios nin Israel. Gagalangan nindo ako asin magkakaigwa kamo nin pagkatakot sa sako.

Isaias 64:2

Magtatakig sinda siring sa tubig na nagkakalakaga sa ibabaw kan kalayo. Madya asin pahayagan an saimong kapangyarihan sa mga kaiwal mo, asin patakiga an mga nasyon huli kan saimong presensya!

Isaias 65:7

huli kan mga kasalan ninda, asin kan kasalan kan saindang mga ginikanan. Nagtutong sinda nin mga insenso sa paganong mga lugar na pagsasambahan asin pinakaraot ako. Kaya papadusahan ko sinda sosog sa saindang mga ginibo.”

Jeremias 30:14

Liningawan na kamo kan saindong ilusyon; dai na sinda nagmamakulog saindo. Huli ta tinawan ko kamo kan hampak nin sarong kaiwal, kan padusa nin sarong mayong herak na kalaban, huli ta dakula an saindong karatan asin kadakul kan saindong kasalan.

Mga Panambitan 2:15

Pinag-oolog-olog ka kan mga nag-aaragi; pinagtutuyatuya asin pinagngingisihan ninda an rumpag nang Jerusalem: “Iyo ini an magayon na syudad kaidto? Iyo ini an kaogmahan kan kinaban?”

Mga Panambitan 3:33

An pagpapasakit o an pagpapamondo sato dai niya nawiwilihan.

Ezekiel 33:21

Kan ikalimang aldaw kan ikasampolong bulan kan ikadoseng taon kan samuyang pagkatapokan, sarong lalaking nakadulag hale sa Jerusalem an nag-abot dangan nagbareta sako kan pagbagsak kan Jerusalem.

Habakkuk 1:5

Dangan nagtaram an Kagurangnan sa saiyang banwaan, “Masdan nindo an mga nasyon sa palibot nindo, asin magngangalas kamo sa saindong mahihiling. Magibo ako nin ngangalasan na dai nindo tutubodan kun ioosip sana saindo.

Josue 10:10

Ginibo nin Kagurangnan na magkatarakot an mga Amoreo pagkahiling sa hukbo nin Israel. Ginaradan sinda kan mga Israelita duman sa Gibeon asin linamag sinda sa dalan na paibaba kan Bet-horon sagkod sa Azeka asin Makkeda.

Josue 10:11

Mantang nagdudurulag an mga Amoreo sa hukbo kan Israel duman sa dalan na paibaba kan Bet-horon, pinauranan sinda nin Kagurangnan nin yelo na garo mga gapo sagkod sa Azeka; mas dakul sainda an nagadan sa yelo ki sa nagadan kan mga Israelita.

Josue 10:12

Kan aldaw na itinao nin Kagurangnan sa mga Israelita an kapangganahan sa mga Amoreo, nakipag-olay si Josue sa Kagurangnan. Sa atubang kan mga Israelita nagsabi si Josue, “Aldaw, mag-ontok ka sa tangod kan Gibeon; Bulan, mag-ontok ka sa tangod kan Kapantayan nin Aijalon.”