Isaias 28:2 - Marahay na Bareta Biblia

² An Kagurangnan igwa nin sarong tawong makosog asin mapangyari na andam sa pagsalakay sainda. Madatong siya siring sa bagyo, siring sa makosog na uran; madatong siya siring sa makosog na baha, asin dadaogon niya an daga.

Isaias 28:2 ပူးပေါင်းရင်းမြစ်များ

An Libro ni Job 22:16

Bago nag-abot an saindang panahon, inanod sinda kan sarong baha.

Isaias 25:4

Huli ta nagin bantayan ka para sa mga dukha saka sa mga nangangaipo; limpoy sa init asin pailihan sa bagyo. Siring sa sarong bagyo na minatama sa lanob an pagsalakay kan mga makuring tawo,

Isaias 27:1

Sa aldaw na iyan, gagamiton nin Kagurangnan an saiyang mapangyari saka nakakagadan na espada tanganing padusahan an Leviatan, an nagdudulag saka nagbubulonbukon na halas, asin tanganing gadanon an dragon na yaon sa dagat.

Isaias 29:6

ililigtas ka kan Kagurangnan nin mga hukbo sa paagi nin daguldol, bagyo, asin linog. Mapadara siya nin mga aripuros, bagyo, asin nanghahalon na kalayo.

Isaias 30:28

Sinusugo niya an doros sa saiyang enotan siring sa baha na minadara kan gabos na maaagihan kaiyan. Sinisighid kaiyan an mga nasyon sa saindang kapahamakan asin tinatapos an mga maraot nindang mga plano.

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Isaias 32:19

Alagad mahugpa an uran nin yelo sa mga kadlagan, asin magagaba an syudad.)

Isaias 40:10

Nagdadangadang an Kagurangnan Dios asin mapangyari siyang maghahade, nagdadangadang na kaiba an mga tawong saiyang ilinigtas.

Isaias 8:6

“Huli ta an mga tawong ini habo kan matoninong na katubigan hale sa burabod nin Siloa, asin nagtatakig sa atubang ni Hadeng Rezin saka ni Hadeng Peka,

Ezekiel 13:11

Sabihan mo an mga propeta na an saindang kudal marurumpag. Mapadara ako nin makosog na uran. Tatamaan iyan kan uran nin yelo, asin hahampason iyan nin bagyo.

Ezekiel 38:9

Siya, an saiyang hukbo asin an dakul na nasyon na kaibahan niya, masalakay siring sa sarong bagyo asin garo panganoron na tatahoban ninda an daga.”

Daniel 9:26

Pakatapos kan panahon na ini, mayong katanosan na gagadanon an pamayong pinili nin Dios. Gagabaon kan mapangyaring pamayo kan masalakay na hukbo an syudad saka an Templo. Maabot an kataposan siring sa sarong baha, na magdadara kan gera saka pagkagaba na inandam nin Dios.

Nahum 1:8

Arog sa sarong masulog saka dakulang baha pinupuho niya an saiyang mga kaiwal; an mga minasalungat saiya isinusubol niya sa saindang kagadanan.

Josue 10:11

Mantang nagdudurulag an mga Amoreo sa hukbo kan Israel duman sa dalan na paibaba kan Bet-horon, pinauranan sinda nin Kagurangnan nin yelo na garo mga gapo sagkod sa Azeka; mas dakul sainda an nagadan sa yelo ki sa nagadan kan mga Israelita.

Kapahayagan 18:8

Huli kaini, sarabay na maabot saiya, sa laog nin sarong aldaw, an mga peste: helang, kamondoan saka gutom. Tututongon siya kan kalayo, huli ta makakamhan an Kagurangnan na Dios na mahukom saiya.”

Kapahayagan 8:7

Pinatanog kan enot na anghel an saiyang trompeta. Nag-uran sa daga nin yelo saka kalayong may kasalak na dugo. Nasulo an ikatolong kabtang kan daga, an ikatolong kabtang kan mga kahoy saka an gabos na berdeng doot.