Isaias 28:19 - Marahay na Bareta Biblia

¹⁹ Titioson nindo iyan aldaw-banggi. An lambang bagong mensaheng hale sa Dios magdadara saindo nin bagong kahandalan!

Isaias 28:19 ပူးပေါင်းရင်းမြစ်များ

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

2 Mga Hade 18:13

Kan ikakatorseng taon kan paghahade ni Hadeng Ezekias, sinalakay ni Senakerib na emperador nin Asiria an pusog na mga syudad nin Juda dangan sinakop an mga ini.

2 Mga Hade 21:12

Kaya ako, an Kagurangnan Dios nin Israel, mapadara nin makuring kasakitan sa Jerusalem saka sa Juda tanganing an siisay man na makadangog kaiyan mamomongnan.

2 Mga Hade 24:2

An Kagurangnan nagpadara laban ki Jehoiakim nin mga grupo kan mga taga Babilonia, mga taga Siria, mga taga Moab, asin mga taga Ammon tanganing rumpagon an Juda, siring kan saiyang itinaram sa paagi kan saiyang mga sorogoon na mga propeta.

An Libro ni Job 18:11

“Sa palibot niya naghahalat an kahandalan; nagsusunod ini saiya saen man siya magduman.

An Libro ni Job 24:17

Huli ta an banggi aldaw para sa sainda gabos; katood sinda kan mga kinatatakotan sa kadikloman.”

An Libro ni Job 41:9

“An siisay man na nakakahiling sa Leviatan pinanluluya asin natutumba sa daga.

An Libro ni Job 6:4

Pinana ako kan Makakamhan na Dios, asin naglalakop an kamandag kan pana sa sakong hawak. Tinalay nin Dios an saiyang kangirhatan laban sako.

Salmo 55:4

An sakuyang puso nakukulogan, minahugpa sako an mga hampak nin kagadanan.

Salmo 88:15

Nasasakitan ako asin harani sa kagadanan poon kan aki pa ako. Kapoy na ako sa gabat kan mga padusa mo.

Isaias 33:7

An maiisog na mga lalaki nag-aagrangay. An mga sugo na naghingowang magkaigwa nin katoninongan, naghihibi sa kapaitan.

Isaias 36:22

Dangan ginisi ni Eliakim, ni Sebna, saka ni Joa an saindang gubing sa kamondoan asin nagduman sa hade. Ibinareta ninda saiya an itinaram kan opisyal nin Asiria.

Isaias 37:3

Iyo ini an ipinapataram niya ki Propeta Isaias: “An aldaw na ini aldaw nin kahaditan, kapadusahan asin kasosopgan; dapat nang mamundag an aki alagad dai siya ikinakaluwas kan ina huli ta mayo na ini nin kosog.

Isaias 50:4

Tinukdoan ako nin Kagurangnan Dios kan sakong sasabihon, tanganing mapakosog ko an napapagal. Aga-aga, pinupukaw niya ako tanganing magdangog kan itutukdo niya.

Jeremias 19:3

Tinaraman niya ako na magsabi, “Hinanyoga nindo, mga hade nin Juda asin mga taga Jerusalem, an sasabihon ko, an Kagurangnan nin mga hukbo, an Dios nin Israel. Dadarahan ko nin kasakitan an lugar na ini, asin mabibigla an gabos na makakadangog kaini.

Jeremias 4:5

Patanoga an trompeta sa bilog na daga! Pagkurahaw nin makosog saka malinaw! Sabihi an mga taga Juda asin mga taga Jerusalem na magdaralagan pasiring sa pinapusog na mga syudad.

Jeremias 4:9

Nagtaram an Kagurangnan, “Sa aldaw na iyan manruruluya an boot kan mga hade saka mga opisyal; magkakamorongnan an mga padi asin magngangaralas an mga propeta.”

Jeremias 6:24

“Nadangog nyamo an bareta,” an sabi kan mga taga Jerusalem, “asin nanluya an samong mga kamot; inabotan kami nin hadit saka kulog arog sa sarong babae na nangangaki.

Mga Panambitan 2:22

Inalok mo an mga kaiwal ko na magselebrar nin sarong pyesta nin takot sa palibot ko. Sa aldaw nin saimong kaanggotan, mayo nin nakadulag o natadang buhay. Ginadan ninda an sakong mga aki, na sakong pinadakula asin namotan.

Daniel 7:28

Iyo ini an kataposan kan kasaysayan. Natakot ako nin marahay kaya nanlongsi ako, asin hinilom ko sana an gabos.

Daniel 8:27

Nanluya an sakong boot asin naghelang ako sa laog nin nagkapirang aldaw. Dangan nagbangon ako asin nagbalik sa trabahong itinalaan sako kan hade, alagad naribong ako kan bisyon asin dai ko ini nasabotan.

Habakkuk 3:16

Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

1 Samuel 3:11

Tinaraman nin Kagurangnan si Samuel, “Maabot an panahon na gigibohon ko an sarong bagay sa Israel; sarong bagay na makakatakot kaya mabibigla an siisay man na makadangog.