Isaias 28:14 - Marahay na Bareta Biblia

¹⁴ Kaya dangoga nindo an tataramon nin Kagurangnan, kamong mga paratuyatuyang namamayo kan banwaan digdi sa Jerusalem.

Isaias 28:14 ပူးပေါင်းရင်းမြစ်များ

Mga Talinhaga 1:22

“O mga lolong, kontento na daw kamo sa saindong pagkalolong? Sagkod nuarin nindo pag-oolog-ologon an pakaaram? Dai pa nanggad kamo nakakanood?

Mga Talinhaga 29:8

An mapaabaw-abaw minaparibok kan bilog na banwaan, alagad pinapara kan mga madonong an kaanggotan.

Mga Talinhaga 3:34

An mga mapaabaw-abaw dai pinapahalagahan nin Kagurangnan, alagad an mga mapakumbaba saiyang naheherakan.

Isaias 1:10

Jerusalem, an saimong mga pamayo asin banwaan nakakaarog sa taga Sodoma saka Gomorra. Dangoga an itinataram saimo nin Kagurangnan. Hinanyoga an itinutukdo saimo kan saimong Dios.

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Isaias 28:22

Hare nindo pagngisi an patanid na itinatao ko saindo! Kun magngisi kamo, orog na magigin masakit para saindo an pagdulag, huli ta nadangog ko hale sa Kagurangnan Dios nin mga hukbo an sarong pagboot na raoton an bilog na daga.

Isaias 29:20

Iyan an magigin kataposan kan mga nang-aapi sa iba asin nagpapahiling nin mayong paggalang sa Dios. Gagadanon an gabos na makasalan.

Isaias 3:12

Inaapi nin mga usurero an sakong banwaan; dinadaya sinda kan parapautang. Banwaan ko, linalagalag ka kan saimong mga pamayo, kaya dai mo aram an saimong dalan.

Isaias 46:12

“Dangoga nindo ako, mga tawong matagas an payo, na nag-iisip na harayo pa an kapangganahan.

Isaias 5:9

Nadangog kong nagsumpa an Kagurangnan: “Sa katotoohan dakul na harong an magkakagaraba, darakula saka magagayon na mga harong na mayong nag-eerok.

Jeremias 13:15

Banwaan nin Israel, nagtaram an Kagurangnan! Magpakumbaba ka asin maghinanyog saiya.

Jeremias 36:23

Pakabasa ni Jehudi nin tolo o apat na raya, pinutol kan hade an kabtang na idto sa paagi nin sarong kutsilyo asin itinapok sa kalayo. Siring kaiyan an ginibo niya sagkod na nasulo an bilog na kasuratan.

Ezekiel 16:35

Kaya ngunyan, Jerusalem, maraot na babae, dangoga an tataramon nin Kagurangnan.

Oseas 7:5

An hade saka an mga opisyal kaini binurat ninda asin pinangagin mga lolong huli sa arak kan magselebrar an hade kan saiyang kaaldawan.

Amos 6:13

Naghahambog kamo manongod sa pagsakop nindo sa Lodebar. Nagsasabi kamong, “Kaya mi nang sakopon an Karnaim.”

Mga Gibo 13:41

‘Hilinga nindo, mga paratuya-tuya! Magngalas kamo saka magadan! Huli ta may gigibohon ako sa kapanahonan nindo, sarong gibo na dai nindo tutubodon maski igwang magpaliwanag saindo kaiyan!’”